Muaj Australia cov pej xeem hnoob nyoog txij 18 txog 64 xyoos tsis mus ua exercise kom txog li 150 minutes rau ib lub pluas twg raws li tej koom haum tswj kev noj qab haus huv tau taw qhia.
Tsis tas li no thaum peb laus zus tuaj ntxiv ces peb yeej tseem mus ua exercise tsawg zuj zus ntxiv lawm thiab.
Yog li ntawd ne cov kev mus ua exercise tom gym ho puas yuav pab kom peb tau txais kev noj qab nyob zoo thiab?
Thomas Mrazek twb muaj 67 xyoo lawm los seem niaj tag kis sawv ntxov coj nws tus dev mus taug kev, nws hais tias thaum yus muaj 60 xyoo lawm los yus yeej tseem xav kom yus muaj zog thiab ib ce zooj yog li cov kev mus exercise tom gym thiaj pab kom yus ua tau li ntawd vim txhua txhua lub pluas twg nws yeej tau mus gym.
Green Apple Wellness Centre yog ib lub gym uas txawv cov gym ib txwm muaj vim yog lub gym rau cov neeg muaj hnoobnyoog tshaj 50 xyoo rov sauv mus siv xwb.
Cora tau mus xyuas lub gym no 16 xyoo dhau los rau lub caij nws sib nrauj thiab nyuaj siab heev ntawd, tab sis tam sim no cov kev mus gym no pab tau nws zoo heev lawm.
Tsam no ces nws twb yuav laug muaj hnoob nyooog 84 xyoos tab sis yeej tseem mus gym txhua 5 tag kis sawv ntxov thaum lub gym no qhib 5:30am ntawd.
Nws tau qhia rau SBS tias''thaum kuv hluas kuv yeej tsis tshua nyiam cov kev sib tw pes tsawg, tab sis thaum kuv tau tuaj koom lub gym no lawm ces ua rau kuv tau ntsib tej neeg thiab txhua tus ntawm lub gym no yeej nyiam ntaus kev phooj ywg heev ces kuv thiaj nyiam tuaj koom heev."
Professor Maria Fiatarone Singh uas yog ib tug kws paub zoo txog tej neeg laus cov kab mob thiab kho tej neeg laus (Geriatrician) ntawm Sydney University ntseeg tias cov kev npaj ib cov kev ua exercise ntawm ib lub gym twg yauv muaj peev xwm pab kom cov neeg no lub cev muaj zog rau lub caij lawv laus lawm.
“The older you are the more important it becomes to do some kind of exercises to stimulate your muscular skeletal system because that starts to decline at around age 30. By the time you hit 80 years of age, you've lost about 75% of your muscle power and about 40% or so of your muscle size. So, unfortunately, the kinds of activities that are most common that things like walking and things that you could do without most kinds of equipment do improve your aerobic capacity or cardiovascular function but that don't address this loss of muscle that we call sarcopenia,” said
She says that older people who are frail with chronic diseases are the exact kind of people who should be working out to improve their conditions.
It’s not really about whether you go to a gym or not, rather, it’s about whether or not you do specific exercises like strength training or weightlifting.
“Yeej tau muaj ntau cov kev teeb txheeb tau qhia lawm tias cov kab mob nqaij thiab pob txha tsis ruaj ua rau tej laus tsis muaj zog thiab ua rau lawv ras los ua cov neeg puas cev ntog yooj yim thiab ua rau lawv yuav raug coj mus kho thiab nyob ntawm tej tsev laus los siv tej xwm txheej no muaj peev xwm ua rau lawv tas sim neej tau thaib. Yog li ntawd cov kev ua ntau yam exercise tsis hais yog nqa kaab los yog xyaum ua ib yam dab tsi kom yus lub cev muaj zog thiaj yuav tiv thaiv tau cov kab mob sarcopenia no," raws li Fiatarone Singh qhia.
Victoria Gill ces yog tus tswv lub gym hu ua Green Apple Wellness Centre thiab yeej tswj tau lub gym no los tau 40 lub xyoo dhau los no lawm.
Nws hais tias tej kws kho mob yeej tau hais kom cov laus neej tau cov kab mob ntshav qab zib uas lub cev tsis muaj zog yuav tsum tau mus exercise tom gym.
Gill kuj qhia ntxiv tias txhua hnub ces yeej muaj neeg qhia rau kuv tias ' thaum xub ces kuv yeej mob pob hauv caug tab sis tam sim no kuv muaj zog thiab kuv tej pob txha ruaj tshaj qub lawm, kuvj tau muaj ib tug poj niam qhia rau kuv hnub i tias, thaum xub mas ib tug poj niam yeej muaj lub tswv yim xav txov txo nws tus kheej txoj sia, tab sis tom qab nws tau tuaj koom peb lub gym no tas lawm ces nws muaj kev zoo siab ua nws lub neej tshaj qub uas nws tus tub los yeej tau hais tias "kuv niam kuv tsis tau pom koj muaj kev zoo siab rau koj txoj kev ua lub neej npaum li no dua los li."
Darrol Enchelmaier uas yog ib tug neeg qhia tej neeg siv cov twj tom gym kuj qhia tias yog ib qho tseem ceeb tsis txhob cia cov neeg nyuam qhuav mus exercise tom gym siv tej twj kheej tsam raug mob rau lawv. Yog li yuav tsum tau qhia kom lawv paub siv thiab kom lawv paub tias lawv ua tau yam twg xwb kom thiaj tsis txhob raug mob rau lawv.
Victoria Gill Kuj hais ntxiv tias tej kab lis kev cai thiab kev cai dab qhuas ntawm ib tsav neeg twg kuj yuav txwv kom tej poj niam txhob mus koom tau cov fitness program thiab. Yog li ntawd thiaj xov xom tej poj niam uas xav mus gym yuav tsum tau nrog lawv tus txiv ua tib zoo tham tsis yog pheej tham txog qhov tias lawv muaj peev xwm ua tau xwb. Vim yog lawv tus txiv tsis kam ces lawv yuav tsis muaj peev xwm koom tau cov program no thiab.
Panida Sammapuksakit twb muaj hnoob nyoog 54 xyoos lawm los nws yeej yog ib tug neeg lub cev yuag yiag txias vim nws yeej tau mus exercise tom gym 3 hnub twg rau ib lub pluas rau lub sij hawm 7 xyoo los no.
Nws qhia tias cov kev mus gym no yeej yuav pab tsis tau kom yus tau txais kev noj qab nyob zoo kiag rau lub sij hawm sai sai, tab sis yeej pab tau yus ntev ntxiv mus. Nws hais ntxiv tias xyov nws lub neej yuav zoo li cas yog tias nws tsis mus exercise tom gym.
“Yog kuv tsis mus gym mas ntshe tam sim no kuv yog ib tug neeg lub cev rog muaj ceeb thawj heev lawm, ua dab tsi los ntshe yuav nkees yooj yim heev thiab txog siav qhev xwb."
Txawm tias Victoria Gill twb muaj 71 xyoos lawm los nws yeej tseem muaj peev xwm ua tau ntau yam thiab zoo li yeej tsis muaj dab tsi yuav txwv los yog thaiv tau nws txoj hauv kev li, uas yog tej yam tej laus neeg mus gym ntawd xav tau heev.
“Gill hais tias, niaj hnub niam no ces peb yeej paub tias peb laus zujzus tuaj lawm xwb, thiab peb tseem muaj txoj sia nyob tau ntev ntxiv tuaj thiab, peb tsis xav ua cov neeg uas yuav zaum raws hauv laub tom tej tsev laus uas tsis muaj peev xwm ua tau ib yam dab tsi. Peb xav kom peb ua tau lub neej ywj pheej yam tsis tas tos leej twg pab, thiab kom peb muaj peev xwm ua tau yam peb xav ua ntawd. Vim peb yeej muaj tej neeg hnoob nyoog txog 90 xyoo los yeej tseem mus gym, yog li hnoob nyoog thiaj tsis muaj peev xwm yuav txwv los yog tiv thaiv kom peb txhob mus exercise tom gym tab sis yog peb cov kev xav xwb uas yog cov yuav qhia tau tias seb peb puas muaj peev xwm yuav ua tau los yog ua tsis tau xwb."
