Ntsiab lus tseem ceeb:
- Lunar New Year ces yeej yog ib cov kab lis kev cai ua kev zoo siab rau lub caij so ntawm teb chaws Suav thiab lwm cov teb chaws sab hnub tuaj ntawm cov teb chaws Asia.
- Sydney Lunar New Year Celebrations ces kuj yog ib lub koom txoos loj tshaj plaws uas tau ua nyob rau sab nraum cov teb chaws Asia.
- Hnub Lunar New Year ces yeej txawv txhua xyoo, thiab muaj ntau zaus ces yeej poob rau lub ib hlis ntuj thiab lub ob hlis ntuj.
Muaj plaub yam cuam tshuam txog lub koom txoo xyoo tshiab no. Uas lawv xub pib uas lub koom txoos Little Year, uas yog ib hnub nco txog thiab teev hawm, ntxiv ntawd ces yog hnub xyoo tshiab uas yog ib hnub tsev neeg sib ntsib sib sau ua ke thiab muab khoom plig rau lwm tus.
Dr Pan Wang yog ib tug zeskais qhia txog neeg Suav thiab cov kev teeb txheeb txog tej neeg Asia ntawm tsev kawm qib siab University of New South Wales tshab txhaias tias lub koom txoos caij nplooj hlav (Spring Festival) no ua rau lub caij 15 hnub mus txog ntua lub koom txoos taws teeb (Lanter Festival).
Nws hais tias "Lub koom txoos Lunar New Year ces yog lub caij pib siv daim teej cim zwj (calendar) xyoo tshiab. Thiab suav cov hnub xam raws hli, tsis tas li ntawd los kuj hu tias yog Suav lub xyoo tshiab (Chinese New Year los yog Spring Festival.''
Dr Wang kuj tshab txhais tias "Kuj tau muaj cov kev ua kev zoo siab rau lub koom txoos no ntawm teb chaws Suav thiab lwm cov teb chaws ntawm sab hnub tuaj ntawm Asia li Korea, Vietnam, thiab Japan.''
Tsis tas li ntawd los kuj muaj kev ua kev zoo siab ntawm Malaysia, Mongolia thiab ntau cov neeg zejzog suav uas tau mus nyob txawv teb chaws thoob ntuj no thiab.
Dr Wang hais ntxiv tias Lunar New Year yeej muaj keeb kwm los tau ntev txog li 4,000 xyoo, txij li tiam huab tais Xia los yog Shang dynasty lawm.
Cov neeg Suav seev cev rau lub caij ua koom txoos Sydney Lunar Festival Media Launch ntawm lub vaj Chinese Garden of Friendship ntawm Sydney rau hnub tim 9 lub 2 hlis ntuj xyoo 2021. Source: AAP / AAP Image/Bianca De Marchi
"Yog ib lub cib fim rau yus kawm txog tej kab lis kev cai ntawm tej neeg Asia uas nyob sab qab teb hnub tuaj qab teb thiab nyob sab hnub tuaj''
Dr Kai Zhang yeej koom tswj cov Modern Chinese Language Program ntawm School of Culture, History and Language ntawm tsev kawm qib siab Australian National University ntawm Canberra.
Nws hais tias cov kev ua kev zoo siab rau lub koom txoos Lunar New Year ntawm Australia yog ib lub cib fim zoo rau neeg ntiaj teb kawm txog tej neeg Suav, neeg Southeast Asian, thiab tej neeg nyob ntawm cov teb chaws sab hnub tuaj ntawm teb cheeb tsam Asia tej kab lis kev cai.
Nws hais tias "Yog ib lub koom txoos kab lis kev cai thiab yeej cuam tshuam txog ntau yam, thiab yeej muaj ib co cim zoo ntawm lub koom txoos no."
Tej xub ke ua kev zoo siab rau lub koom txoos Lunar New Year
- Npaj tej chaw kom zoo nkauj.
- Noj hmo nrog yus tsev neeg rau hnub xyoo tshiab (New Year's Eve).
- Faib hnav ntawv liab thiab lwm yam khoom plig rau lwm tus.
- Hlawv paj teeb hluav taws.
- Saib tsov ntxhuav thiab zaj seev cev.
Dr Wang tshab txhais tias "Yeej muaj ntau yam coj los ua kev zoo siab rau lub koom txoos Lunar New Year
li noj zaub mov, noj ntses, noj ncuav ntim nqaij cub, sib ntsib sib sau ua ke nrog yus tsev neeg thiab tej phooj ywg."
"Thiab kob liab ces yeej yog ib tsos uas ntseeg tias muaj hmoo. Thiab yeej pom tias tau siv tsos kob liab no ntau heev coj los dai rau tej chaw kom zoo nkauj, tsis tas li ntawd los tej neeg Suav yeej muab cov hnav ntawv liab rau lawv tej me nyuam tam li yog ib txoj xub kev ua kev zoo siab xyoo tshiab thiab ua kev zoo siab rau lawv cov kev loj hlob."
READ MORE
Tej kob (xim) tseem ceeb rau Hmoob
Iris Tang yeej tau loj hlob ntawm teb chaws Suav thiab tau tuaj nyob rau lub teb chaws Australia no 20 xyoo dhau los lawm.
Nws hais tias qhov sib txawv txav ntawm cov kev ua kev zoo siab ntawm Australia no thiab teb chaws Suav ces muaj cov hnub so ntawm Suav ntev dua rau lub caij ua lub koom txoos Lunar New Year — thiab yog lub caij uas muaj ntau pua million tus neeg Suav rov qab mus rau lawv tej zos mus xyuas lawv tsev neeg ntawm teb chaws Suav.
Raws li Tang hais ces zaub mov yog ib feem tseem ceeb ntawm cov kev ua kev zoo siab rau lub koom txoos no ntawm Australia thiab teb chaws Suav.
Ms Tang hais tias "Kuv yeej npaj zaub mov ntau heev coj los ua kev zoo siab nrog kuv tsev neeg thiab tej phooj ywg ntawm Canberra. Ces peb zaum ncig rooj thiab qhwv ncuav ntim nqaij ntau pua lub rau hnub xyoo tshiab. Thiab kuv yeej ua kom txaus noj ntau tshaj ib pluag, ces mam muab tsau khov cia tau noj rau yav lig rau lub caij ua kev zoo siab xyoo tshiab no.''
Suav cov teej cim zwj ib txwm siv
Txawm tias Suav yeej siv cov teej cim zwj uas ntiaj teb siv thiab los Suav yeej muaj nws ib co teej cim zwj siv ntawm teb chaws Suav thiab tej neeg Suav nyob txawv teb chaws rau lub caij ib txwm so no rau lunar Chinese New Year, Lantern Festival thiab Qinming Festival (Koom txoos tu tej poj koob yawm koob tej ntxa).
Dr Pan Wang tshab txhais tias Suav kuj muaj tej txheej txheem teeb cov npe hnub ntawm ib lub xyoos twg uas tej neeg muaj peev xwm xaiv cov hnub zoo coj los ua tshoob, ua ntees, nqes tsev tshiab los yog pib lagluam tshiab.
Suav kuj ib txwm muaj tej teej cim zwj uas suav raws lub hnub thiab lub hli siv thiab. Uas suav raws cov kev tig ntawm lub hnub lub hli li lub hli tig ncig ntiaj teb thiab lub ntiaj teb tig ncig lub hnub.
Dr Wang hais tias "Cov teej cim zwj no ces, cov kev yuav pib ntawm lub hli yuav raug xam raws lub hli. Thiab tej teej cim zwj xam raws hli, ces yeej muaj ntau hli muaj 29 hnub los yog peb caug hnub, thiab yuav xam cov solar year thaum pib lub xyoo.''
Txawm li cas los kuj muaj cov kev siv Suav tej teej cim zwj no sib txawv rau cov teb chaws nyob sab hnub tuaj ntawm Asia thiab.
Hnub Lunar New Year ces yeej poob rau lub 1 hlis ntuj los yog lub 2 hlis ntuj rau ib lub xyoo twg.
Lub koom txoos taws teeb (Lantern Festival)
Dr Kai Zhang tshab txhais tias yeej ib txwm ua kev zoo siab rau lub koom txoos Lunar New Year ntev txog li 2 limtiam, pib txij li Lunar New Year's Eve mus txog lub koom txoos Lantern Festival uas ua rau hnub tim 15 ntawm lub koom txoos no.
Thiab raws li Suav cov teej cim zwj teev tseg ces lub koom txoos Lantern Festival yeej ib txwm poob rau hnub tim 15 ntawm thawj lub hli.
Nws hais tias "Tos ho hu lub koom txoos taws teeb nco txog tej poj koob yawm koob tau nruam sim tias yog Lantern Festival los vim tej cuab yig yeej ua ib co teeb me me rau lawv tej me nyuam, thiab yuav muab taws rau cov teeb sab nraum qhov rooj,''
"Thiab raws li keeb kwm tau ua rau tiam huab tais Tang dynasty ces yeej muaj tej koom txoos loj ntau yam ua rau hnub ntawd."
Source: AAP / AAP Image/Jeremy Ng
"Yog lub caij pe tsiab rau tej poj koob yawm koob''
Dr Craig Smith kuj yog ib tug zes kais qhia ntawv txog cov Translation Studies (Chinese) lawm lub chaw teeb txheeb Asia Institute ntawm tsev kawm qib siab University of Melbourne.
Nws kuj tau nyob ntawm Taiwan thiab South Korea tau ob peb xyoos thiab kum tseem nco tau cov kev ua kev zoo siab rau lub koom txoos Lunar New Year.
Dr Smith hais tias hnub ua lub koom txoos xyoo tshiab no ntawm South Korea ces yog lub caij pe tsiab rau tej laus, kuj yog ib lub caij uas lwm cov neeg ntseeg lawm yam kab lis kev cai kuj ua thiab.
Nws hais tias "Hnub xyoo tshiab ces, sawv daws yeej npaj ib plua hno rau lawv tej poj koob yawm koob uas tau nruam sim lawm noj, thiab muab dej caw rau lawv haus los yog hawm lawv."
"Yog ib cov keeb kem muaj los tau ntau txheeb xyoo."
Dr Smith hais tias yeej muaj ntau yam kab lis kev cai ntawm cov kev ua kev zoo siab rau lub koom txoos Lunar New Year ntawm lwm cov teb chaws dua ntawm tej ua ntawm teb chaws Suav tuam tshoj thiab.
Piv txwv li tsov ntxhuav seev cev ntawd ces yeej ib txwm ua rau lub caij uas tau kev rau lub koom txoos Lunar New Year.
Dr Smith tshab txhais tias "Thaum tej neeg txawj txeeg txuj (academics) tau mus txheeb txog tej keeb kwm tsov ntxhuav seev cev no ces, lawv yuav tau mus txheeb txog ntau txheeb xyoo dhau los, thiab peb kuj tau paub los ntev lawm tias yeej muaj ntau yam kab lis kev cai, tej kev ntseeg, tej paj nruag ces yeej raug coj ntawm cov teb chaws sab hnub poob, sab plawv teb chaws Asia tuaj raws txoj kev ntaub pag (silk road) tuaj mus rau teb chaws Suav.''
Tej zaum tej kev cai no thiaj yuav muaj qee cov cib keeb pib sab nraum teb chaws Suav tuam tshoj. Thiab yeej muaj tej neeg coob heev muaj kev sib cuam tshuam nrog rau tej neeg Persian tej kab lis kev cai raws li tau muaj cov kev tshuaj ntsuam txog tej lus thiab tej keeb kwm.
Tsis tas li ntawd los Suav cov tsiaj kav xyoo no kuj tau pib thiab xaus rau lub xyoo tshiab Lunar New Year no thiab.
Ib lub xyoo tshiab twg ces yeej rov qab xaiv dua ib tug tsiaj tshiab twg coj los kav xyoo tshiab thiab yuav muaj cov tshiaj tshiab kav sib hloov rau 12 lub xyoos. Cov tshiaj no ces yog Nas, Nyuj, Tsov, Luav, Zaj, Nab, Nees, Tshis, Liab, Qaib, Dev thiab Npua.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
