Neeb Thoj (Neng Thao) uas yog ib tug hluas Hmoob tau mus kawm cov sob kawm regenerate biology ntawm Havard University ntawm teb chaws America qhia tias kev kawm cov sob kawm STEMs (Science, Technology, Engineer thiab Maths) muaj ntau yam zoo tab sis kuj tseem muaj teeb meem me ntsis thiab.
Yam zoo yog thaum yus kawm cov sob kawm no ib hom tiav lawm ces tseem muaj peev xwm mus kawm tau lwm yam ntxiv, tsis yog yuav tau ua hauj lwm cuam tshuam txog tib cov hauj lwm yus kawm los ntawd nkaus xwb.
Tab sis yog yus tsis kawm cov sob kawm STEMs no es ho xaiv kawm cov sob kawm yooj yooj yim xwb ces thaum kawm tiav lawm yus yuav tsis muaj peev xwm mus kawm tau lwm yam ntxiv lawm.
Neeb hais tias yog xav kom tej me nyuam yaus thiab cov tub kawm kub siab los kawm tej sob kawm no mas yuav tsum tau pib puag thaum tej me nyuam tseem yau, txhawb nqa lawv, nyeem tej ntawv qhia txog cov sob kawm no rau lawv kom lawv xav paub xav pom thiab xav kawm. Tsis tas li no los tej teej kawm yuav tsum qhia thiab nom tswv los yuav tsum tsim cai los txhawb nqa kom tej neeg kub siab los kawm. Txawm pab kom lawv kawm thaum loj tuaj lawm yeej zoo thiab tab sis yeej tsis tshua zoo npaum pab lawv thaum tseem yau.
Mloog tau Paj Zaub Vaj (Pajau Vangay) cov lus tawm tswv yim tias yog vim li cas thiaj tsim nyog koj kawm cov sob kawm STEMs ua lus Askiv (English) ntawm no:
"Nqe tseem ceeb tshaj plaws uas Neeb xav qhia, ces yog "yus yuav tsum tau paub yus tus kheej kom zoo (Self aware) thiab ua siab ncaj rau yus txhob dag yus, txhob piv yus tus kheej nrog lwm tus, zam txim rau yus, txhawb siab rau yus tus kheej kom muaj siab kawm kom tau zoo tshaj qub ntxiv, txhob qog lwm tus qab tab sis yuav tsum tau los txheeb xyuas tias yus tshaj lij muaj peev xwm rau fab txuj twg thiab nyiam kawm dab tsi tiag tiag ces yuav tsum txiav txim siab los kawm tej sob kawm ntawd mas yus thiaj raws cuag thiab ua tau raws li yus txoj kev npau suav. Tsis yog kawm rau yus niam yus txiv los yog kawm raws yus tej phooj ywg los sis xav tias kawm ntshe yuav zoo ces kawm xwb."
Yog li thiaj xav txhawb nqa kom yuav tsum muaj cov kev txhawb nqe tej me nyuam los yog tej me yes, hais tsis ntsees rau cov ntxhais kom kub siab los kawm cov sob kawm STEMs no. Txhawb nqa kom lawv ntseeg lawv tus kheej tias yeej muaj peev xwm ua tau tib yam li tej txiv neej thiab.
Mloog tau Paj Zaub Vaj cov kev tawm tswv yim txog nws cov kev kawm PhD thiab teeb txheeb txog cov kab mob hauv tej plab hnyuv tias yog tsis muaj ntau yam kab mob bacteria puas ua rau yus muaj mob tau ntawm no:
Qee cov teeb meem tseem muaj rau phab txuj no ces vim tsis muaj cov Hmoob kawm thiab paub zoo txog tej txuj no ntau, ces thiaj tu ncua cov kev sib qhia rau phaum hluas kom thiaj muaj tej txuj no thiab paub tej txuj no.
Txawm li cas los tiam neej vam meej tshiab no yeej muaj tej neeg paub thiab kawm tiav tej txuj no yeej muaj lub siab coj lawv tej txuj no los nthuav qhia rau sawv daws hauv tej social media lawm thiab los yog yus xav moo nug txog ces qee tus yeej txaus siab pab yus thiab.#
Listen to SBS Radio Hmong program at on Thursday 6pm AEST (Australian Eastern Standard Time) and Sunday 11am AEST.
You can download SBS Radio App from App Store at and from Google Play at or you can download podcasts news in Hmong and English from . and listen to Hmong news in iTunes at
Besides, you can follow us, click like, share and comments at #SBSHmong website at .
Call to have a chat with SBS Radio Hmong Program on + 61 3 9949 2259 or sent your comments to .
