Xov xwm zwj Teeb 2020.08.27

Muaj neeg kis tau kab mob tsawg ntawm xeev Victoria, cov neeg kho mob tau ceeb toom tias tsis muaj cov twj pab tej neeg mob ua pa txaus siv, Australia thiab New Zealand tus coj cov lus tawm tswv yim txog Brenton Tarrant raug kaw tag ib sim neej vim nws tus 51 tug neeg tuag ntawm Christchurch, Pab nom Labor tus coj hais tias nom tswv tsis kub siab txog cov kev tu thiab tiv thaiv kom tej tsev laus txhob kis kab mob coronavirus, tej zaum Nplog yuav yuav Russia cov tshuaj coronavirus vaccine Sputnik los siv thiab tej zaum kuj yuav tau Suav cov siv thiab, tsoom fwv Australia tsab cai tawm tsam pej kum haiv cov kev raus tes, Meskas lub khaub zeeg cua Laura thiab TikTok tus coj ntawm teb chaws America tawm hauj lwm,...

Download tau lub 

COVIDSafe app

 los siv kom pab Australia tiv thaiv kom txhob muaj neeg kis tau tus kab mob coronavirus no ntxiv.

Tam sim no twb muaj neeg Australian ze txog 6 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.

READ MORE

Cov tshuaj vaccine coj los kho tus kab mob COVID-19

READ MORE

Lub app coj los tiv thaiv kab mob COVID-19

READ MORE

Tej cai uas tej xeev coj los siv tswj kab mob thoob plaws teb chaws Australia

Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj :

Australia muaj neeg kis tus kab mob COVID-19 li no:

Ntiaj teb muaj neeg kis tau kab mob COVID-19 npaum li no:

Ntiaj teb daim luaj chib lig (World map) qhia tias teb chaws twg kis thiab tas sim neej los ntawm tus kab mob COVID-19 ntau npaum li cas:

---

Tej neeg nyob ntawm nroog Melbourne yuav tsum tau nyob twj ywm hauv tsev li nom tswv tau haias thiab tsuas tawm tsev mus yuav khoom noj khoom haus tseem ceeb, mus kawm ntawv, mus ua hauj lwm, mus ua exercise los yog mus tu saib xyuas lwm tus neeg xwb. Tsis tas li no los nom tswv yeej tau taw qhia kom siv ntaub khwb qhob ncauj thaum lawv mus rau zej tsoom tej chaw thiab. Mus txheeb tau tej xov xwm koj yuav tsum tau paub txog tus kab mob COVID-19 ntawm tej xeev tau ntxiv ntawm no.

Tej neeg nyob ntawm teb chaws Australia yuav tsum nyob kom nrug ntawm lwm tus neeg li 1.5 metres. Thiab mus txheeb ntxiv seb koj lub xeev ho muaj cov kev txwv tsis pub tej neeg sib sau li cas ntxiv.

Yog tias koj tau khaub thuas thiab muaj yam ntxwv mob, ces nyob twj yim hauv tsev thiab npaj hu xov tooj nrog koj tus kws kho mob tham los yog hu rau lub koom haum Coronavirus Health Information Hotline tus xov tooj 1800 020 080 tham seb yuav mus sim seb puas kis tus kab mob coronavirus no tau li cas.

SBS yeej tsim tau cov xov xwm ua 63 hom lus qhia txog tus kab mob no thiab koj muaj peev xwm mus txheeb xyuas tau ntawm sbs.com.au/coronavirus.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.