သကုၤအီစထြ့လယါကီၢ်ဒီဘ့ၣ်အပူၤအံၤ တၢ်တြီတံာ်ဝဲဒၣ် တၢ်တၢၤကွံာ် လီမ့ၣ်ပီးလီတၢ်ဖိတၢ်လံၤသ့ၣ်တဖၣ်ဆူဟီၣ်ခိၣ်လိၤ ဟီၣ်ခိၣ်လာ်န့ၣ်လီၤ. တၢ်အံၤအခီပညီမ့ၢ်ဝဲဒၣ် တၢ်ပီးတၢ်လီလၢအမ့ၢ်ဒ်သိး TVs, computers, mobile phones, batteries, smart devices, ဒီး တၢ်ပီးတၢ်လီလၢတၢ်သြီအီၤဒီးလီမ့ၣ်ခဲလၢာ်ဃၣ်ဃၣ်န့ၣ် နတၢၤကွံာ်အီၤဖဲ တၢ်ကမှံၤဒၢလၢနသူညီနုၢ်အီၤအပူၤသ့ၣ်တဖၣ်တန့ၢ်ဘၣ်.
ဘၣ်ဆၣ်သနာ်က့ ကျဲခီအိၣ်ဝဲဒၣ်အါမးလၢ တၢ်က့ၤဘှီထီၣ် ဒီး သူကဒါက့ၤ တၢ်ဖိတၢ်တၢ်လံၤသ့ၣ်တဖၣ်အံၤအဂီၢ်န့ၣ်လီၤ.
နလီမ့ၣ်ပီးလီဒီး လီအ့ၣ် လၢနတသးလီအီၤလၢၤဘၣ်သ့ၣ်တဖၣ် နတၢၤကလီကွံာ်အီၤကသ့အဂီၢ် တၢ်ဃုထၢ ကျိၤကျဲအဂုၤအဂၤသ့ၣ်တဖၣ် အိၣ်လၢနဂီၢ်ဒ်လဲၣ်န့ၣ် ပကဃုသ့ၣ်ညါမၤလိန့ၢ်အီၤန့ၣ်လီၤ.
မ့မ့ၢ်လၢ လီမ့ၣ်ပီးလီ မ့တမ့ၢ် ဟံၣ်ပူၤ တၢ်သူတၢ်ဖိတၢ်လံၤပီးလီလၢနတသူအီၤလၢၤဘၣ်သ့ၣ်တဖၣ် နကလဲၤတၢၤအီၤဖဲ တၢ်လီၢ်လၢတၢ်အဘၣ်ဘျီးဘၣ်ဒါဒီး အိၣ်ဘူးဒီးနၤအဂီၢ် နနုာ်လီၤကွၢ် တၢ်ဃုတၢ်လီၢ်သ့ၣ်တဖၣ်ဖဲ Planet Ark အလီပှာ်ယဲၤသန့ recyclingnearyou.com.au အပူၤသ့ဝဲန့ၣ်လီၤ.
