បាតុកម្មនៅ​ទីក្រុងម៉ែលប៊ន ប្រឆាំង​ការ​បោះឆ្នោត​នៅ​កម្ពុជា

ប្រជាជនខ្មែរនៅក្នុងទីក្រុងម៉ែលប៊ន ដែលប្រឆាំងនឹងរបបដឹកនាំរបស់លោក ហ៊ុន សែន បានប្រមូលផ្តុំគ្នា កាលពីរសៀលថ្ងៃអាទិត្យទី១៦ ខែកក្កដា នៅមុខ Springvale Town Hall ដែលស្ថិតនៅភាគអាគ្នេយ៍ ក្រុងម៉ែលប៊ន ដើម្បីលើកទឹកចិត្តឱ្យប្រជាជនខ្មែរនៅក្នុងប្រទេសកម្ពុជា គូសសន្លឹកឆ្នោតចោល។ លោកនាយករដ្ឋមន្រ្តីហ៊ុន សែន ដែលជាមេដឹកនាំកាន់អំណាចយ៉ាងយូរជាងគេម្នាក់ កំពុងតែរៀបចំការបោះឆ្នោតថ្នាក់ជាតិនៅថ្ងៃអាទិត្យទី ២៣ ខែកក្កដា នេះ ដោយមិនមានវត្តមានគណបក្សភ្លើងទៀន ដែលជាគណបក្សប្រឆាំងចំបងនោះទេ។