Анхааруулга: Сэтгэл эмзэглүүлэм хүчирхийллийн тухай мэдээлэл агуулсан болно.
Австралид түр визтэй оршин сууж буй эмэгтэйчүүдийн талаас илүү хувь нь ажлын байран дээрээ бэлгийн дарамтад өртдөг. Гэвч эдгээр эмэгтэйчүүдийн ердөө 25 хувь нь л энэ хүчирхийллийг мэдээлсэн гэдгийг
Unions NSW-ийн саяхны судалгаанаас харж болно.
Барилга, зочлох үйлчилгээний салбар, цэцэрлэгжүүлэлт, цэвэрлэгээ, жижиглэнгийн худалдаа зэрэг салбарт босс, менежерүүд энэ гэмт үйлдлийг хийсэн нь хамгийн нийтлэг бөгөөд хамгийн аюулгүй салбаруудын жагсаалтад оржээ.
Хүчирхийллийн талаар мэдээлсэн олон эмэгтэйчүүдийг дээрэлхэж, цалинг нь бууруулах, ажлаас гаргах, хөдөлмөр эрхлэлтийг зогсооно гэж заналхийлдэг байна.
Австралийн цагаач, дүрвэгч эмэгтэйчүүдийн эсрэг бэлгийн дарамтыг судалсан Мельбурны их сургуулийн профессор Мари Сегрев хэлэхдээ, ихэнх эмэгтэйчүүд ажил хийхгүй бол тэдний аюулгүй байдал бүр ч дордох болно гэж мэдэрсэн гэжээ.
Санхүүгийн аюулгүй байдал эсвэл оршин суух эрхээ алдахаас айдаг учраас олон эмэгтэйчүүд хүчирхийллийг мэдээлэхийн оронд тэсч явах ёстой болдог ажээ.
Засгийн газрууд Австралийн Хүний эрхийн Комисстой хамт эмэгтэйчүүдийг ажил дээрээ аюулгүй байлгахын тулд хууль тогтоомжийг хэрэгжүүлж байгаа. Гэхдээ профессор Сегрев энэ шинэчлэл шийдлийн ердөө нэг хэсэг юм гэлээ.
Хэрэв та эсвэл таны эргэн тойронд хэн нэгэн бэлгийн дарамт, хүчирхийлэлд өртсөн бол 1800RESPECT руу залгах эсвэл 1800RESPECT.org.au хаягаар зочилно уу.
Яаралтай тусламж хэрэгтэй бол 000 руу залгаарай.
