Ijoolleen Oromoo yeroo boqonnaa irra jiran kana, maatiin ijoollee isaanii waliin yeroo hariiroo gaarii tolfachuu qabanii dha. Baasanii bashannansiisuu, hojii mana barmootaatii kennameef itti siqeenyaan ilaaluu, gargaaruu, nyaachuu fi dhuguu isaanii mirkaneeffachuu, fayyaa isaanii mirkaneeffachuu akkasumas ofiif boqonnaa fudhatanii yeroo gaarii ijoollee isaanii waliin dabarsuun bu'a qabeessa.
Hawaasnis Oromoos, guddinaa fi nageenya ijoollee isaanii irratti waan danda'aniin bira dhaabbachuu, gorsuu, qajeelchuuf fi daandii sirrii itti agarsiisuun waan duudhaa fi aadaa Oromoo ti. Waanneen ijoollee buhaarsu qopheessuun ijoolleen Oromoo mana barumsaa gara garaa keessa jiran akka walitti dhufanii wal baran hariiroo Oromoummaas qabaatan, hasawa hiriymmaa, haasawa barmootaa, fi kan hawaasummaa akka guddifatan gargaara.
qophii keenya har'aa keessatti dhimma boqonnaa ijoollee kan bara kanaa fi tumsa maatii fi hawaasaa ilaalchisee aadde Boontuu Mul'isaa fi aadde Amiinaa Alii dubbifne caqasaa
