Dhaabbatni kun(FARREP) Waa’ee FGM ykn FGC (Female Genital mitulation or cut) jedhu karaa biraan dhannaqabaa ykn kittaana bifa aadaatiin dubara irratti raawwatamu irratti barmoota gara garaa hawaasaaf kenna. Dubartoota sababa Kanaan jireenya keessa miidhaan irra gahe barsiisa deggeras.
Dhanna qabaa ykn kitaanni kun akka hafu, akkasumas dhibeen inni fayyaa irratti qabu barsiisuu irratti bal’inaan ogeessota fayyaa fi hawaasa waliin hojjeta.
Shaakalli aadaa kun gaarummaa hin qabu kan jedhtu , Dhaabbata Fayyaa kan keessa kan hojjettu aadde Wudaad Saalim keessummaa keenya har’aa ti. Bal’inaan odeeffatneerra itti dhihaadhaa.
Dhanna qabaa ilaalchisee, Mirgi dubartootni dhalootaan qaban sarbamuu hin qabu haala jedhuun guyyaan FGM wagga waggaan idil-adnyaatti kabajamas jedhti aadde Wudaad.
Shaakalli fayyaa irratti dhiibbaa fidu aadaatti fudhatamuu seerri gad jabeessee dhorkeeras jedhti.
Ummatni illee hubatanii, aadaa fayyaa isaanii miidhu of irraa dhiisan jedheen amana, garuu dararrii duratti inni geessise amma illee rakkoo tahee jira jedhti aadde Wudaad dabaltee.
Bakkoota adda addaatti amma illee aadicha, dhiisuu dadhabuun namootni raawwatan, dubartoota irraan yeroo da’umsaatti akka miidhaman taasisaa jira jedhti.
Biyya keessa jiranittis tahe biyya biraa ijoollee ofii geessuun kitaansisuun ykn dhanna qabsiisuun seerri dhiifama hin godhu illee jedhti aadde Wudaad.
FGM fi FARREP kan jedhu adda baaftees ibsiteetti aadde Wudaad, dhanna qabaan illee gosa gosa qaba, dubartootnis tahe daa’imni yeroo itti miidhaman ni jiras jedhti. Aadde Wudaad, dubartootni fayyaa dhalootaan kennamefiin nagana ijoollee godhachuun mirga qabu, mirga kana bifa aadaan sarbuun rakkina fayyaa, adaba maallaqaa fi miidhaas maatii keessatti fida jedhti.
Dhaqna qabaan ykn kitaanuun fafa malee bu’aa hin qabu jechuun kan barreeffama isaa waguma kana Amajjii 31 maxxanse keessatti Waldaan Fayyaa Addunyaa ibseen, dinagdee addnyaa fi fayyaa dubartootaa milioonotaan lakkayamanii irratti dhiibbaan inni fidaa jiru qorannoo biyyoota 31 irratti taasiseen ifa baaseera. Miidhaan dhanna qabaa ykn kitaanaa irraan dhufus dhukkubbii irraa kaasee, garmalee dhiiguu, fi du’a dabalatee miidhaa jiran tarreesseera.
Odeeffatnoo dabalataa FARREP irraa akka argatamus dubbatteetti. Better health channel marsariitii irraa soquun dubbisaas jedhti, aadde Wudaad.
