ਕਰੋਨਾਵਾਇਰਸ ਮਹਾਂਮਾਰੀ ਕਾਰਨ ਬਹੁਤ ਸਾਰੇ ਮੈਡੀਕਲ ਵਿਦਿਆਰਥੀਆਂ ਨੂੰ ਟਰੇਨਿੰਗ ਆਨ-ਲਾਈਨ ਹੀ ਕਰਨੀ ਪੈ ਰਹੀ ਹੈ ਅਤੇ ਇਸ ਵਾਸਤੇ ਲੋੜ ਹੁੰਦੀ ਹੈ ਬਹੁਤ ਸਾਰੇ 'ਨਕਲੀ ਸ਼ਰੀਰਾਂ' ਦੀ ਜਿਹਨਾਂ ਉੱਤੇ ਸਿਖਿਆਰਥੀ ਟਰੇਨਿੰਗ ਲੈ ਸਕਣ।
ਮੈਲਬਰਨ ਨਿਵਾਸੀ ਸ਼ਸ਼ੀ ਕੋਛੜ ਜੋ ਕਿ 50 ਸਾਲ ਪਹਿਲਾਂ ਆਸਟ੍ਰੇਲੀਆ ਪ੍ਰਵਾਸ ਕਰਕੇ ਆਏ ਸਨ, ਇਸ ਸਮੇਂ ਆਪਣਾ ਬਹੁਤ ਸਮਾਂ ਸਮਾਜ ਭਲਾਈ ਵਾਲੇ ਕੰਮਾਂ ਉੱਤੇ ਹੀ ਲਗਾ ਰਹੇ ਹਨ।
“ਆਸਟ੍ਰੇਲੀਆ ਪ੍ਰਵਾਸ ਕਰਕੇ ਆਉਣ ਸਮੇਂ ਮੇਰੇ ਕੋਲ ਜਰੂਰੀ ਵਸਤਾਂ ਤੋਂ ਅਲਾਵਾ ਹੋਰ ਕੁੱਝ ਵੀ ਨਹੀਂ ਸੀ। ਪਰ ਥੋੜੇ ਹੀ ਸਮੇਂ ਵਿੱਚ ਇਸ ਮਹਾਨ ਦੇਸ਼ ਨੇ ਮੈਨੂੰ ਸਾਰਾ ਕੁੱਝ ਦੇ ਦਿੱਤਾ। ਇਸ ਲਈ ਮੈਂ ਸਮਝਦਾ ਹਾਂ ਕਿ ਹੁਣ ਇਹ ਵੇਲਾ ਆ ਗਿਆ ਹੈ ਜਦੋਂ ਮੈਂ ਆਪ ਹੋਰਨਾਂ ਦੀ ਮੱਦਦ ਕਰਾਂ”।
ਕਈ ਵਿਕਲਪਾਂ ਉੱਤੇ ਗੌਰ ਕਰਨ ਤੋਂ ਬਾਅਦ ਸ਼੍ਰੀ ਕੋਛੜ ਨੇ ਬੱਚਿਆਂ ਲਈ ਕੰਮ ਕਰਨ ਦੀ ਠਾਣ ਲਈ। ਇਸ ਵਾਸਤੇ ਉਹਨਾਂ ਨੇ ਕਈ ਹਸਪਤਾਲਾਂ ਨਾਲ ਸੰਪਰਕ ਕੀਤਾ ਅਤੇ ਉਹਨਾਂ ਨੂੰ ਬੱਚਿਆਂ ਦੇ ਇਲਾਜ ਵਾਸਤੇ ਲੋੜੀਂਦੀ ਮੱਦਦ ਪ੍ਰਦਾਨ ਕਰਨੀ ਸ਼ੁਰੂ ਕਰ ਦਿੱਤੀ।
The Friends of the children foundation donates Mannequins to the hospitals for training of the medical students. Source: Supplied by Shashi Kochhar
“ਬੱਚਿਆਂ ਦੇ ਹਿਰਦੇ ਬਹੁਤ ਕੋਮਲ ਹੁੰਦੇ ਹਨ। ਉਹ ਹਮੇਸ਼ਾਂ ਕੁੱਝ ਨਾ ਕੁੱਝ ਸਿੱਖਣ ਦੀ ਤਾਕ ਵਿੱਚ ਰਹਿੰਦੇ ਹਨ। ਉਹ ਜਦੋਂ ਚੰਗਾ ਕੰਮ ਸਿੱਖਣ ਤੋਂ ਬਾਅਦ ਘਰ ਜਾਂਦੇ ਹਨ ਤਾਂ ਆਪਣੇ ਮਾਪਿਆਂ ਨੂੰ ਵੀ ਚੰਗੇ ਕੰਮਾਂ ਵੱਲ ਪ੍ਰੇਰਦੇ ਹਨ”, ਮੰਨਣਾ ਹੈ ਸ਼੍ਰੀ ਕੋਛੜ ਦਾ।
ਬੱਚਿਆਂ ਵਾਸਤੇ ਕੰਮ ਕਰਨ ਵਾਲੀਆਂ ਸੰਸਥਾਵਾਂ ਦੀ ਮੱਦਦ ਕਰਨ ਤੋਂ ਅਲਾਵਾ ‘ਫਰੈਂਡਸ ਆਫ ਦਾ ਚਿਲਡਰਨ ਫਾਊਂਡੇਸ਼ਨ’ ਸੰਸਥਾ ਹੋਰ ਸਮਾਜ ਸੇਵੀ ਉਪਰਾਲਿਆਂ ਵਿੱਚ ਵੀ ਵੱਧ ਚੜ੍ਹ ਕੇ ਭਾਗ ਲੈਂਦੀ ਹੈ।
Friends of the Children foundation's charity walk. Source: Shashi Kochhar
ਛੋਟੇ ਜਿਹੇ ਉਪਰਾਲੇ ਤੋਂ ਸ਼ੁਰੂ ਹੋ ਕਿ ਹੁਣ ਇਸ ਸੰਸਥਾ ਨਾਲ 50 ਤੋਂ ਵੀ ਜਿਆਦਾ ਸੇਵਾਦਾਰ ਜੁੜ ਚੁੱਕੇ ਹਨ ਜੋ ਕਿ ਨਿਰੰਤਰ ਸੇਵਾ ਵਿੱਚ ਭਾਗ ਲੈਂਦੇ ਰਹਿੰਦੇ ਹਨ।
ਇਸ ਸੰਸਥਾ ਵਲੋਂ ਇੱਕ ਹੋਰ ਵੱਡਾ ਉਪਰਾਲਾ ਵੀ ਰੋਜ਼ਾਨਾ ਕੀਤਾ ਜਾਂਦਾ ਹੈ ਜਿਸ ਦੁਆਰਾ ਬੇਕਰੀਆਂ ਤੋਂ ਵਾਧੂ ਬਰੈੱਡਾਂ ਸ਼ਾਮ ਨੂੰ ਚੁੱਕ ਕੇ ਲੋੜਵੰਦਾਂ ਵਿੱਚ ਵੰਡੀਆਂ ਜਾਂਦੀਆਂ ਹਨ।
Friends of the Children foundation helping for wheelchairs. Source: Shashi Kochhar
“ਉਮੀਦ ਕਰਦਾ ਹਾਂ ਕਿ ਭਾਈਚਾਰੇ ਦੀ ਮੱਦਦ ਨਾਲ ਸੰਸਥਾ ਦੇ ਇਹ ਸਾਰੇ ਸੁਪਨੇ ਜਲਦ ਪੂਰੇ ਹੋਣਗੇ”।
ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ‘ਸਪੀਕਰ’ ਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।
ਐਸ ਬੀ ਐਸ ਪੰਜਾਬੀ ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸੁਣਿਆ ਜਾ ਸਕਦਾ ਹੈ ਅਤੇ ਸਾਨੂੰ । ਤੁਸੀਂ ਸਾਨੂੰ 'ਤੇ ਵੀ ਫ਼ਾਲੋ ਕਰ ਸਕਦੇ ਹੋ।
