ਮੈਲਬੌਰਨ ਸੜਕ ਹਾਦਸੇ ਵਿੱਚ 4 ਪੁਲਿਸ ਮੁਲਾਜ਼ਮਾਂ ਦੀ ਮੌਤ, ਦੁਰਘਟਨਾ ਵਿੱਚ ਸ਼ਾਮਿਲ ਟਰੱਕ ਡਰਾਈਵਰ ਪੁਲਿਸ ਪਹਿਰੇ ਵਿੱਚ ਹਸਪਤਾਲ ਦਾਖਿਲ

ਮੈਲਬੌਰਨ ਦੇ ਦੱਖਣ-ਪੂਰਬ ਵਿੱਚ ਕਿਊ ਇਲਾਕੇ ਨੇੜੇ ਫ੍ਰੀਵੇ ਉੱਤੇ ਹੋਏ ਇੱਕ ਹਾਦਸੇ ਵਿੱਚ 4 ਪੁਲਿਸ ਮੁਲਾਜ਼ਮਾਂ ਦੀ ਮੌਤ ਹੋ ਗਈ ਹੈ। ਮੀਡਿਆ ਰਿਪੋਰਟਾਂ ਮੁਤਾਬਿਕ ਦੁਰਘਟਨਾ ਉਸ ਵੇਲ਼ੇ ਹੋਈ ਜਦੋਂ ਇੱਕ ਸੇਮੀਟਰੈਲੇਰ ਟਰੱਕ ਜਿਸਨੂੰ ਇੱਕ ਪੰਜਾਬੀ ਡਰਾਈਵਰ ਚਲਾ ਰਿਹਾ ਸੀ, ਮੁੱਖ ਸੜਕ ਤੋਂ ਹਟਕੇ ਅਪਾਤਕਲੀਨ ਲਾਈਨ ਵਿੱਚ ਚਲਿਆ ਗਿਆ। ਟਰੱਕ ਦੁਆਰਾ ਓਥੇ ਖੜ੍ਹੀਆਂ ਵਿੱਚ ਟੱਕਰ ਮਾਰੀ ਗਈ ਅਤੇ ਇਹ ਦੁਰਘਟਨਾ ਓਥੇ ਮੌਜੂਦ ਪੁਲਿਸ ਮੁਲਾਜ਼ਮਾਂ ਦੀ ਮੌਤ ਦਾ ਕਾਰਨ ਬਣੀ। ਜ਼ਿਆਦਾ ਜਾਣਕਾਰੀ ਲਈ ਸੁਣੋ ਇਹ ਆਡੀਓ ਰਿਪੋਰਟ।

ਐਸ ਬੀ ਐਸ ਪੰਜਾਬੀ ਨੂੰ ਦਿੱਤੇ ਬਿਆਨ ਵਿੱਚ ਵਿਕਟੋਰੀਆ ਪੁਲਿਸ ਨੇ ਕਿਹਾ ਕਿ ਡਰਾਈਵਰ ਇਸ ਸਮੇਂ ਪੁੱਛਗਿੱਛ ਲਈ 'ਠੀਕ' ਨਹੀਂ ਹੈ।

"ਟਰੱਕ ਡਰਾਈਵਰ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ ਜਿਥੇ ਉਸ ਦੇ ਕਈ ਦਿਨਾਂ ਤੱਕ ਰਹਿਣ ਦੀ ਉਮੀਦ ਹੈ" - ਵਿਕਟੋਰੀਆ ਪੁਲਿਸ

ਦੁਰਘਟਨਾ ਪਿਛਲੇ ਕਾਰਨਾਂ ਦੀ ਜਾਂਚ ਜਾਰੀ ਹੈ ਅਤੇ ਪੁਲਿਸ ਵੱਲੋਂ ਉਸ ਵੇਲ਼ੇ ਡਰਾਈਵਿੰਗ ਕਰ ਰਹੇ ਲੋਕਾਂ ਨੂੰ ਡੈਸ਼ਕੈਮ ਫੁਟੇਜ ਦੇਣ ਦੀ ਅਪੀਲ ਵੀ ਕੀਤੀ ਗਈ ਹੈ।

Emergency services at the scene of the fatal crash in Kew, Melbourne Source: AAP

ਜਿਸਨੇ ਵੀ ਇਸ ਘਟਨਾ ਨੂੰ ਹੁੰਦਿਆਂ ਵੇਖਿਆ ਹੋਵੇ ਉਹ ਜਾਣਕਾਰੀ ਦੇਣ ਲਈ 1800 333 000 'ਤੇ ਸੰਪਰਕ ਕਰਨ ਜਾਂ www.crimestoppersvic.com.au ਉਤੇ ਆਨਲਾਈਨ ਗੁਪਤ ਰਿਪੋਰਟ ਵੀ ਜਮ੍ਹਾ ਕਰਵਾਈ ਜਾ ਸਕਦੀ ਹੈ।

ਹੋਰ ਜਾਣਕਾਰੀ ਲਈ ਇਹ ਖ਼ਬਰ ਅੰਗਰੇਜ਼ੀ ਵਿੱਚ ਪੜ੍ਹੋ:

READ MORE

Cranbourne truck driver under police guard after Eastern Freeway crash which killed four Victoria Police officers