I le tu'ua ai o le malo e Pope Francis i le faai'uga o le masina na te'a nei, ua potopoto ai le vasega o Katinale i le laumua o le Ekalesia Katoliko Roma i le Vatikana i Roma, Italia, mo le Conclave e filifilia ai seisi mai le vasega o Katinale e tau'aveina le ta'ita'iga o le Ekalesia i le lalolagi.
O le Conclave e faia i le malumalu le Sistine Chapel, ma e na o Katinale i lalo mai o le 80 tausaga e mafai ona palota i le filifiliga.
E pei ona fa'aalia e se tusitala a le Associate Press e fa'apitoa i le lipotia o talafou mai le Vatikana, e fa'atautoina tagata uma e faigaluega i le tautuaina o Katinale ae o fa'agasolo le Conclave; mai 'ave ta'avale, foma'i, 'au kuka ma kiligi.
A molimauina loa le asu pa'epa'e mai le ala asu (chimney) o le malumalu, o le fa'ailoga lea ua filifilia e le vasega o Katinale le Tupu Sa e soso'o ia Pope Francis.
