Ua toe manumalo le Labor i palota mo le palemene tele o Ausetalia, ma ua toe tula'i mai ai Anthony Albanese i le tofi palemia.
O mata'upu na fa'avae ai le campaign a le Labor i palota, o le fa'amama 'avega i tagata lautele ma aiga i le tau o le soifuaga, ma 'au'aunaga soifua maloloina e auala i le polokalame le Medicare.
Na tuleia fo'i e le Labor fesoasoani i tagata i le faigata ona gafatia le tau o fale, e auala lea i le 5% o le tupe fa'amau, le deposit ma le $10 biliona mo le fausia o fale e 100,000 i le atunu'u.
