اس سال تیرہ ملین سے زیادہ آسٹریلین شہری اور رہائشی ٹیکس گوشوارے جمع کروا رہے ہیں۔ ٹیکس کے گوشوارے اور ٹیکس ریٹیرن کے طریقہ کار کا ایک اہم حصہ آسٹریلین ٹیکس آفس یا "اے ٹی او" کی طرف سے ٹیکس واپسی کی درخواستوں کا جائزہ لینا ہوتا ہے جب کہ کرونا وائیرس کے دوران آسٹریلین حکومت کی جانب سے اٹھائے گئے کئی معاشی اقدامات کے باعث یہ معمول سے ایک مختلف ٹیکس سال ہے۔
چارٹرڈ اکاؤنٹنٹس آسٹریلیا اینڈ نیوزی لینڈ کے مائیکل کروکر کا کہنا ہے کہ چھوٹے موٹے یا معمولی کام کرنے والے افراد جو پہلے بیروزگار کہلاتے رہے ہیں وہ ٹیکس ادا کرنے سے مستثنیٰ ہوں گے۔ مائیکل کروکر کہتے ہیں کہ گرچہ اٹھارہ ہزار دو سو ڈالر سالانہ سے کم آمدنی والے ملازمین سے ٹیکس نہیں لیا جائے گا مگر انہیں پھر بھی ٹیکس ریٹرن جمع کروانا ضروری ہے۔ اسی طرح ہالیڈے ویزا 417 اور 462 رکھنے والے افراد جن کی آمدنی سینتیس ہزار ڈالر سالانہ سے کم ہو وہ بھی ٹیکس سےمستثنیٰ ہیں۔
Source: Getty Images
آسٹریلیا نے 40 سے زیادہ ممالک کے ساتھ ٹیکس معاہدوں پر دستخط کیے ہیں تاکہ حکومت ایسے افراد کے بارے میں معلومات حاصل کر سکے جو آسٹریلیا میں رہتے ہوئے بیرون ملک آمدنی حاصل کرتے ہیں ، اس طرح حکومت دہرے ٹیکس اور ٹیکس کی چوری پر نظر رکھ سکتی ہے۔
آسٹریلیا میں ملازمین کی لگ بھگ آدھی تعداد وفاقی حکومت کے کوڈ ۱۹ کے دوران معاشی بحران سے بچنے کے لئے متعارف کراوئے گئے کے تحت رقوم حاصل کر رہی ہے ۔ حکومت جاب کیپر پروگرام کے مستحق ملازمین کو سات سو پچاس ڈالر فی ہفتہ کی رقم تنخواہ کے طور پر دے رہی ہے۔
یہ یاد رکھنا ضروری ہے کہ جاب کیپر کے ذریعے وصول کی جانے والی رقم پر ٹیکس ادا کرنا ہوگا۔
Mfanyabiashara ndani ya mgahawa wake Source: Getty Images
ایڈیلیڈ کے کلیم اللہ کا کہنا ہے کہ کچھ ملازمین کی جاب کیپر سے ملنے والی رقم ان کی اصل آمدنی سے ذیادہ ہو سکتی ہے۔ جاب کیپر کچھ کاروباری مالکان کے لئے ایک پیچیدہ عمل ہو سکتا ہے مگر اس عمل کو تیز کرنے کے لئے اقدامات کئے جا سکتے ہیں۔ وہ جز وقتی کام کرنے والوں کو اخراجات کا حساب رکھنے کا مشورہ دیتے ہیں
بہت سے اوبر اور فوڈ ڈیلیوری ڈرائیور بروقت اور درست ریکارڈ نہ رکھنے کے باعث ٹیکس ریٹیرن کا فائیدہ نہیں اٹھا سکیں گے
کوویڈ 19 کے سبب حکومت عارضی طور پر گھر سے کام کرنے والے لاکھوں آسٹریلین ملازمین کو 80 سینٹ فی گھنٹہ کی پیش کش کر رہی ہے۔ کلیم اللہ کا کہنا ہے کہ جو لوگ گھر سے اپنے دفتری کام کے لئے ایک بڑی جگہ استعمال کرتے ہیں وہ مزید ٹیکس ریٹیرن حاصل کر سکتے ہیں بشرطیکہ ان کے پاس استعمال کرتے ہوئے تفصیلی ریکارڈ موجود ہوں۔
Source: Getty Images
گھر سے کام کرنے والے تنہا کام کرنے والے سوِل ٹریڈر بھی ٹیکس میں چھوٹ کی اسی طرح کی رعائیت حاصل کر سکتے ہیں ۔ اسی طرح مورگیج اور کرائے پر بھی ٹیکس ریٹرن ممکن ہے مگر ٹیکس ماہرین خبردار کرتے ہیں کہ اس سے مالک مکان کے کیپیٹل گین ٹیکس پر اثرات پڑ سکتے ہیں۔
مائیکل کروکر کے مطابق ٹیکس گوشواروں کے بارے میں ریکارڈ سے باخبر رہنے کا عمل سیدھا ہے۔
Source: Getty ImagesRick Gomez
اے ٹی او نے اردو کمیونیٹی سمیت سات سو کے قریب ثقافتی اور لسانی اعتبار سے مختلف کمیونٹی تنظیموں کے ساتھ مل کر ٹیکس کی معلومات تقسیم کرنے کے لئے کام کیا ہے۔ آپ پیج پر ٹیکس سے متعلق معلومات حاصل کر سکتے ہیں یا مشورہ کے لئے اے ٹی او کو
13 28 21
پر کال کرسکتے ہیں۔ اگر آپ کی آمدنی 000 60،000 ڈالر سے کم ہے تو آپ مفت ٹیکس کے بارے میں مفت مشورے اور امداد کے اہل بھی ہوسکتے ہیں۔اگر آپ کو اردو زبان میں مدد کی ضرورت ہو تو ، ترجمے اور ترجمان کی خدمات کے لئے
13 14 50
پر کال کریں اور اے ٹی او ہیلپ لائن سے اردو میں بات کرنے کے لئے کہیں ۔
آسٹریلیا میں لوگوں کو ایک دوسرے سے رابطے کے دوران کم ازکم ڈیڑھ میٹر کا فاصلہ رکھنا چاہیئے۔
اپنی ریاست یا علاقے میں کون سے پابندیاں ہیں یہ جاننے کے لئے اس ویب سائٹ کو وزٹ کیجئے۔
کروناوائرس ٹیسٹنگ اب آسٹریلیا بھر میں دستیاب ہے۔ اگر آپ میں نزلہ یا زکام جیسی علامات ہیں تو اپنے ڈاکٹر کو کال کرکے ٹیسٹ کرائیں یا پھر کرونا وائرس انفارمیشن ہاٹ لائن 080 180020 پر رابطہ کریں۔ وفاقی حکومت کی کروناوائرس ٹریسنگ ایپ کووڈسیف اب آپ کے فون پر ایپ اسٹور کے ذریعے دستیاب ہے۔ ایس بی ایس آسٹریلیا کی متنوع آبادی کو کووڈ ۱۹ سے متعلق پیش رفت سے آگاہی فراہم کرتا ہے ۔ یہ معلومات تریسٹھ زبانوں میں دستیاب ہے۔
