Key Points
- پاکستان کرکٹ ٹیم نے ٹیسٹ سیریز کے لیے آسٹریلیا میں ڈیرے ڈال لیے
- آسٹریلوی بیٹر عثمان خواجہ نے پاکستان کی بیٹنگ لائن اپ کو بہترین قرار دے دیا
- پاکستان اور سعودی عرب فٹبال فیڈریشن کے درمیان تاریخی معاہدہ
آسٹریلیا کے خلاف ٹیسٹ سیریز کے لیے پاکستان کرکٹ ٹیم کینبرا پہنچ چکی ہے پاکستان اسکواڈ اپنے تربیتی سیشن کا آغاز 3 دسمبر سے کرے گا، جو مقامی وقت کے مطابق صبح 10 بجے شروع ہوگا۔کینبرا میں پاکستان کرکٹ ٹیم کی آسٹریلوی وزیراعظم انتھونی البنیزی سے ملاقات بھی شیڈول ہے پاکستان ٹیسٹ کرکٹ ٹیم کینبرا میں چار روزہ پریکٹس میچ کھیلنے کے بعد پرتھ روانہ ہوجائے گی جہاں پہلا ٹیسٹ میچ چودہ دسمبر سے شروع ہوگاپاکستان اور آسٹریلیا پی ایم الیون کے درمیان چار روزہ میچ 6 دسمبر کو شروع ہوگا، میچ میں پہلی گیند صبح 10:30 بجے پھینکی جائے گی۔پاکستان ٹیسٹ کرکٹ ٹیم کے کپتان شان مسعود نےدورہ آسٹریلیا کو چیلنج قرار دیا ہے شان مسعود نے کہا کہ پریکٹس سیشن میں اچھا موقع ملا ہے ہماری تیاری اچھی ہے پرائم منسٹر الیون کے خلاف پریکٹس میچ سے بہت فائدہ ہوگا یہ بالکل نئی ٹیم نہیں ہے امام الحق اور عبداللہ شفیق ایک ساتھ اچھا کھیل رہے ہیں بابر اعظم کی پوزیشن کوئی نہیں چھیڑے گا وہ سب سے بہترین بیٹر ہیں ہم ٹاپ تھری کے حوالے سے کلئیر ہیں ہماری خواہش تھی حارث رؤف بھی یہ سیریز کھیلتے لیکن وہ دستیاب نہیں ہیں کوشش ہو گی کہ جو فاسٹ بولرز ساتھ ہیں ان سے اچھا رزلٹ حاصل کریں۔
ادھر آسٹریلوی بیٹر عثمان خواجہ بھی پاکستان کے خلاف ٹیسٹ سیریز کے لیے انتہائی پرجوش ہیں عثمان خواجہ کا گفتگو کرتے ہوئے کہنا تھا کہ پاکستان کی مضبوط بیٹنگ لائن اپ آسٹریلیا آئی ہے،بابراعظم کا شمار دنیا کے بہترین بیٹرز میں ہوتا ہے،بابر اور اسمتھ کا موازنہ ایسے ہی ہے جیسے کوہلی اور اسمتھ کا موازنہ کیا جاتا ہے
پاکستان اور سعودی عرب کی فٹبال فیڈریشنز کے درمیان معاہدہ طے پا گیا ۔ پاکستان فٹبال کی تاریخ میں پہلی بار اس نوعیت کے ایم او یو پر دستخط ہوئے ہیں ۔ معاہدہ کی روح سے دونوں ممالک مل کر کھیل کے فروغ کیلئے کام کریں گے،آئندہ سال کے کیلنڈر میں پاکستان اور سعودی عرب کی قومی، یوتھ اور ویمنز ٹیموں کے درمیان مقابلے کھیلے جائیں گے معاہدے کے تحت فٹبال سے متعلقہ ٹیکنالوجی،سپورٹس سائنس، ریفریز اور مارکیٹنگ سمیت مختلف معاملات پر بھی دونوں فیڈریشنز کے درمیان معاونت کی جائے گی
Credit: Supplied By Anus Saeed (SBS Urdu Correspondent )
رپورٹ: انس سعید
