Storian Blong Mi: Queensland PALM Woka I faenem purpose thru long Musik

Anda long PALMS (Pacific Australia Labour Mobility Scheme) I lukim wan hae namba blong ol wokman blong Vanuatu oli kam stap mo wok olbaot long Ostrelia especially nao anda long horticulture indastri.

Willie Iatiknou hemi wan PALM Scheme wokman we I kamaot long aelan blong Tanna mo I stap wok long Atherton, wan long tufala bigfala taon long Tablelands region, hemia long Queensland, Ostrelia. Ever since hemi mekem appearance blong hem wetem wan song cover blong “Take Me Home” long yia 2020, Willie or olsem plante man oli save long hem long stage nem blong hem olsem “Wilz” hemi kontinu blong rilisim plante mo singsing kasem tede. SBS Bislama I tekem smol taem blong storian wetem Wilz blong faenem aot lelepet long storian blong hem mo hao hemi statem wokbaot blong hemia.

Olsem wanfala PALM Scheme wokman we I wok long karen blong banana long Queensland, Wilz hemi se long hem, musik hemi passion blong hem mo hemi mas tekem taem evri dei blong develepem hem wan long musik, nomata se hemi taet afta long wok.

Mo olsem wan upcoming musik artist blong Vanuatu we I stap lif naoia long Ostrelia, Wilz hemi se reggaeton hemi wan stael blong musik we plante man Vanuatu oli laekem blong lisen long hem be I nogat tumas artist long Vanuatu oli go long stael musik ia, so mekem se hemi start blong mekem ol musik blong hem folem musik stael ia.

Tekem taem long wan dei o long wan wik blong developem ol skills blong yu long eria blong yu

Willie Iatiknou

Wilz i perform long wan event, source Willie Iatiknou

Wilz hemi se thru long wok collaboration blong hem wetem fulap lokol musik prodiusa long Port-Vila I mekem se hemi save manej blong gat sam gudfala saontrak blong ol musik blong hem. Hemi acknowlejem ol lokol Ni-Vanuatu musik prodiusa mo artists olsem: Vanom, DJ Colinz, DJ Alexis, DJ Morgz, DJ Wellz, DJ Benjax, DJ Jack, DJ Pakx, Khalz Music, Ryan Beats, Deloha, Era’k3hto Production, Kevinz Remix, Robin Andrew, Falgon, A1, Grant Wilson (Wilz Music), Roline, Raiso T Sound, Taii Clan, Asha, Elty, Taii Lee, Frank, Tai Linho & Era Crews, Zedla, Krasrut Star, J3hzee mo Darreen.

Naoia we hemi stat blong rikotem mo prodiusum musik long hom blong hem long Tablelands Queensland, Ostrelia,Wilz hemi se I gat ol narafala PALM woka tu long ples we hemi stap long hem oli gat askem hem blong hemi prodiusum musik blong olgeta tu.

Lastly, Wilz hemi se sapos yu gat wan passion long wan samting, mekem taem long wan dei o long wan wik blong developem ol skills blong yu long eria ia mo hemi save helpem tu, mentality blong yu wan blong yu save gat happiness ol taem.