Ol importan samting
- Aktiviti blo afta skul i kat plante gudfala samting insaed lem blo ol pikinini, olsem lanem ol niufala samting, toktok gud wetem ol narafala mo leftemap helt.
- Fulap fri o no sas tumas prokram i stap, olsem se laebrerim yut mo komuniti senta, prokram blo skul mo mani blo kavman.
- Lo taem we yu jusum wan aktiviti ia, tingting gud long saed blo wanem pikinini blo yu i laekem o i save mekem.
- Prokram we i inkludem yumi evriwan i save helpem krowem wan koneksen wetem olgeta we i stap mo leftemap komuniti ia.
I kat basketbol, serkis mo robotik, ol samting blo aktiviti blo afta skul i fulap we i fulap lo Ostrelia.
Ol gudfala samting blo aktiviti blo afta skul
Riserj i showem se ol pikinini i karemaot plante gudfala samting lo taem oli bin mekem hemia. Hemi tru se oli save lanem wan niufala samting be oli save leftemap helt blem tu wetem filim se hemi wan i positiv mo i save toktok gud wetem ol narafala.
“Sapos yu sakemaot ol nara kaen samting lo saed blo spot mo ol samting we i klosap semak, blo ol yangfala mo pikinini, nambawan samting blo olgeta i enjoyem taem blem, mo toktok wetem ol fren. Blo stap stori mo pleiplei wetem ol fren,” i talem se.
Hemi tingse taem we ol pikinini i filim se i joinem ol narafala lo hemia i importan tumas blo ol maigran: “Mo mi tingse hemia i kat fulap gudfala samting insaed lem blo leftemap helt mo bildim komuniti. Be hemia i moa importan blo olgeta we i bin kam lo plesia no long taem, we oli save stragel wetem malmal toktok o diskrimineson.”
Zakarie Farah i lida blong komuniti developmen lo (komuniti saed blo North Melbourne Futbol Klab), Hemi save se ol aktiviti ia i save helpem ol pikinini lo taem we oli no ko lo skul: “Blo samfala i no isi tumas blo faenem fren, be spot i save helpem plante mo ol nara kaen samting tu we i olsem i save helpem ol yangfala.”
Skateboarding program at The Huddle.
Jusum stret aktiviti blo pikinini blo yu
Lo taem we yu jusum wan aktiviti ia, tingting gud long saed blo wanem pikinini blo yu i laekem o i save mekem.
Ramón Spaaij i tingse i gud blo askem from ol pikinini lo helpem yu blo jusum akitiviti ia. Long famli blem, hemi talemaot se wan boi blem i laekem pleiplei spot lo wan kompetison mo nara wan i laekem ko mekem wan samting lo aotsaed nomo lo wan taem we i no kat tumas kompetison insaed lem.
“Yu save se lo wanwan famli nomo i kat ol difren kaen tingting finis. Mi tingse i importan tumas blo mekem samting blo oli difren kaen yangfala ia,” hemi talem.
Be tekem kea blo no mekem tumas kaen samting olsem hemia, tumas akitiviti bae i save kam wan malmal samting blo olgeta. Yu nidim faenem wan balans blo pikinini mo famli blo yu.
Yu save faenem aktiviti blo afta skul we i fri o no sas tumas?
I tru se - sam famli i pem sam faosan dola lo wan yia lem - be i kat sam we i no sas o fri nomo.
Skul i samtaem kat aktiviti ia lem, mo sam kavman i save kivim mani blo pem aktiviti blo spot o art.
Laebreri blo yu i wan gudfala ples blo faenem ol samting lo saed blo art, sport, saens aktiviti ia.
Ol laebreri blo Liverpool lo Sydney i kat olsem jes, robotik klab, kraf mo olfala vidio geim.
“Laebreri blo pablik, i blo evriwan lo komuniti blo yusum ol samting we i stap. Hemi blong mekem wan ples we ol pikinini we i kat mani o no, oli we i silip lo eni samples, i save yusum ol samting we oli wantem. Ol samting we i save helpem olgeta lanem niufala samting mo i helpem oli enjoyem taem blem,” Elysa Dennis, wan manajer blo laebreri mo miusium servis blo Liverpool Siti Kaonsil i talem.
Yut mo komuniti senta i wan nara kaen ples we i gud blong mekem akitiviti.
Zachary Lovett, wan Gundijitmara man i wan lida lo , lo midel blo Melbourne. Plesia i kat ol samting lem olsem basketbol, futbol, kukum kakae mo serkas.
“From se plesia i lo wan ples we i nokat tumas ples blo sidaon mo toktok wetem ol fren, mifala i traem askem from oli blo mekem smol toktok lo saed blo organaisem ol aktiviti ia. Olsem se sapos mifala kukum kakea, afta bae mifala evri sidaon mo kakae mo toktok tugeta,” hemi talem.
From wanem se inkludem olgeta evriwan i importan?
lo North Melbourne mo Wyndham; oli bin mekem se i isi blo ol pikinini blo ko lem.
“Taem we ol mami mo dadi blo olgeta o yangfala i nidim pem, i nomo blo evriwan mo sam pipol nomo i save yusum. Sapos yu mekem se i fri, afta bae moa yangfala i save kam mo karemaot ol gudfala samting blem,” Zakaria Farah i talem.
Praes blem i importan be wan nara samting we i importan hemi inkludem ol difren kaen kalja. The Huddle i mekem se ol staf i kat save blo mekem wan ples we i sef blo ol kaen kalja, we oli save mekem wan gudfala ples blo yangfala blo fulap samples.
“Mifala i talemaot se i importan tumas se ol staf we i stap i nidim save sam samting lo saed blo kalja blo olgeta we i save kam. Olsem se wanem oli nidim blo harem se i sef mo fasin blo mekem ol aktiviti ia wetem ol yangfala blo ol difren kaen kalja,” Farah i talem.
Mo i tru se hemia i helpem wanfala nomo, be tu i save helpem leftemap komuniti ia.
“Ol yangfala we i save kam luk mifala, mifala save lanem ol samting blem olsem lo saed blo kalja mo mifala save jenjem tingting blo mifala blo leftemap komuniti ia. Ol gudfala samting blem i importan blo wanwan yangfala tru, be i blong helpem yumi evriwan lo komuniti tu,” hemi talem.
Sabskraeb long o folem Ostrelia Eksplen podkas blong luk moa importan samting mo toksave blong helpem niufala laef blong yu long Ostrelia.
