Thawngpal-Bultan: Kum 2019 Caah A Himbik-vanlawng Minthatnak cu Qantas (Australia) nih A Hmuh ||
Australia nih a ser/chuah/ngeihmi vanlawng hna lak I pakhat, Qantas cu kum 2019 caah vawlei cungah a himbik vanlawng a si tiah hlathlaitu, AirlineRatings.com nih thanhnak a tuah. Adang vanlawng 405 he cuaithlainak an tuah hnu ah, a tubantuk in ‘a zuangmi kangaroo’ hmelchunhnak a ngeimi Australia vanlawng Qantas cu a himbik tiah minthatnak an pek cu a si.
Ca editu lak ah lutlaibik, Geoffrey Thomas nih a chimmi cu, “aluancia kum 60 chung i Qantas a khuallam thluan zohthan tik ah, a dang vanlawng hna he tahchunh in hmaikaltu-vanlawng a simi le seh-thilri himnak lei ah van khuari cul in rawhralnak lei in a um ballo mi kong ah siseh, cun, voikhatte hmanh thihnak a tonballomi zohthan tik ah, hihi cu a sawhsawh cu a si hrim lo” tiah a ti. 
Hlathlaitu nih a thanh rihmi cu Virgin Group Australia le Atlantic tangah a ummi vanlawng: Air New Zealand, British Airways le Emirates zong a himbik timi vanlawng tiah thimmi 20 chungah an I tel ve tiah a ti.
Australia khampani caah thawngtha a si mi cu 'ahim-bik i aman-fawi' tiah an thimmi vanlawng cu Jetstar Australia/Asia a si. Cuvebantuk in, a dang, Jetblue, Thomas Cook le Westjet vanlawng hna zong minthatnak an hmuh ve.
