Ib xyoos dhau los ces neeg Australia yeej raug dag poob nyiaj ntau tshaj $480 million thiab muaj neeg coob ntxiv tuaj qhia tias lawv raug neeg phem dag, txawm li cas los kuj muaj teeb meem nyiaj txiaj rau lawv tsawg lawm thiab.
Lub koom haum Australian Competition and Consumer Commission's (ACCC) cov Scamwatch service tau qhia tias muaj tej xwm txheej raug neeg phem dag txog 301,791 qhia rau nws rau xyoo 2023 (uas yog muaj tej teeb meem no ntau tuaj ntxiv txog 26 feem pua ntawm tej tau muaj rau xyoo 2022), ces thiaj ua rau tej neeg poob nyiaj tag nrho txog li $480.7 million, uas poob tsawg dua $569 million yog piv rau xyoo dhau los.
Nod yog qee cov kev dag uas raug teeb meem loj heev.
Cov kev raug dag cuam tshuam txog kev nrhiav hauj lwm ua yog ib cov teeb meem muaj ntau tshaj plaws tuaj lawm
Yeej muaj neeg tau qhia rau Scamwatch txog 4,824 zaug tias lawv raug dag cuam tshuam txog cov kev nrhiav hauj lwm ua tsaib no.
Ces thiaj ua rau muaj neeg poob nyiaj txog li $24.7 million — uas yog raug cov teeb meem no ntau tuaj ntxiv yuav laug txog 155 feem pua piv ntawm ib lub xyoos rau ib lub xyoos ces thiaj yog ib cov kev ntxias dag uas muaj ntau tshaj plaws tuaj rau xyoo 2023.
Scamwatch kuj txheeb tau tias Australia tej hluas uas suav tej tub kawm nrhiav hauj lwm part-time ua, thiab tej neeg coj ntseeg ntau yam kab lis kev cai thiab hais ntau hom lus, suav cov neeg thov tau visa tuaj rau Australia uas tsis yog tej neeg nyob teb chaws no, yog cov neeg uas raug neeg phem siv tej tswv yim no dag coob heev.
Yog li tej neeg raug dag no pheej teb cov kev haub tau yaum cuav hauv social media, ces thiaj ua rau tej neeg dag siv cov encrypted apps li WhatsApp nrog lawv tham.
Catriona Lowe uas yog ACCC tus lwm coj tau hais rau lub 1 hlis ntuj tias ''Cov kev dag no ces muaj ntsis sib xws li cov online game, uas tej neeg raug dag qhia tias lawv pheej raug tsub nias kom tshwm nyiaj xub pib nqes peev ua ntej thiab mam li them txuas ntxiv tom qab kom muaj peev xwm play tau theem siab tuaj ntxiv thiab kom thiaj khwv tau nyiaj ntau tuaj ntxiv tab sis lawv yeej tsis tau nyiaj hlo li.''
"Yog koj pom ib cov kev haub tau yaum twg ntawm tej social media uas pheej cog lus tias yeej yuav khwv tau nyiaj xwb xwb li thiab ua hauj lwm lub caij twg los tau los sis nyob nyob yus tsis paub tus neeg ntawd li tab sis cia lis siv WhatsApp nrog yus sib tham tias muaj ib txoj hauj lwm rau yus ua, ces xav kom nug yus tuas kheej tias seb puas yog ib co kev ntxias dag?''
Cov kev siv kev nqe peev los ntxias dag
Txawm tias tsuas muaj tej neeg tsawg dua li (8,161) qhia tias lawv raug neeg phem siv cov investment scams coj los ntxias dag lawv, los Scamwatch yeej txheeb tau tias yog ib cov kev ntxias dag uas ua rau poob nyiaj ntau tshaj plaws txog $293.2 million (tsawg dua 7.4 feem pua yog piv rau xyoo dhau los).
Tej neeg phem thiaj siv tej tom txwv haub tau yaum cuav los yog tej xov xwm uas cav tias tej neeg muaj koob nto npe txhawb nqa cov kev nqe peev ib yam twg uas tej zaum yuav khwv tau nyiaj ntau coj los dag tej neeg.
Raws li Scamwatch hais ces tej neeg uas raug tej teeb meem no kuj yuav nrog ib tug neeg sab laj txog cov kev nqes peev no tham thiab tej neeg no yuav cav tias lawv tsis tas yuav thov kom tau Australia ib daim ntawv tso cai tso es mam li nqes peev nyiaj txiaj tau, thiab tej neeg no los yuav siv cov tswv yim ntxias kom tej neeg raug dag yuav tsum tau ua ib yam dab tsi.
Tsoom fwv teb chaws lub vas sab Moneysmart yeej ceeb toom tias tej neeg dag yuav siv qee cov cov tswv yim ntawm ntau yam tswv yim tias yog nqe peev lawm ces yuav khwv tau nyiaj sai thiab yuav tau nyiaj xwb xwb li, cov tswv yim pauv nyiaj txawv teb chaws, los yog yuav hais tias yog ib cov cib fim uas yuav tsis ntsib teeb meem dab tsi.
Phishing scams (Tej tom txwv neeg phem xa emails/text messages tuaj dag yus tej xov xwm ntiag tug, password los yog credit card thiab coj mus siv ua txhaum cai los yog tsim teeb meem rau yus)
Yeej muaj tej xwm txheej no txog li 109,000 raug qhia rau nom tswv paub, thiab tau ua rau tej neeg raug dag poob nyiaj txog li $26.1 million (uas tau muaj ntau tuaj ntxiv 6 feem pua ntawm ib xyoos rau ib xyoos).
Tej xwm txheej no ces tej zaum kuj yuav yog neeg phem xa text messages los yog xa emails tuaj rau yus thiab ua txoj dag tias yog tej tuam txhab lagluam txaus ntseeg tiag uas muaj xav yiag siv yus tej cim thawj (identity) los yog xav nyiag yus tej xov xwm nyiaj txiaj.
Tej no yog cov tom txwv uas tsim coj los nyiag tus neeg raug dag tej xov xwm kom thaum tej neeg phem tau yus tej xov xwm txaus lawm ces yuav pab kom lawv muaj peev xwm mus siv tau yus tej bank accounts los yog yus phau nyiaj khaws tseg cia kom tau siv rau lub caij so tsis ua hauj lwm (superannuatin accounts) los yog coj yus tej xov xwm ntiag tug coj mus qhib ntau cov accounts ua yus npe siv.
Thiab ho muaj lwm cov tom txwv ntxias dag dab tsi ntxiv?
Yeej muaj tej neeg tau qhia rau Scamwatch tias lawv raug tej neeg phem dag cuam tshuam txog kev plees nkauj nraug thiab nrhiav kev hlub tshaj 3,650 zaus uas ua rau lawv poob nyiaj txog $34.4 million tab sis muaj tej xwm txheej no tsawg tuaj ntxiv txog 15 feem pua lawm.
Kuj tau muaj 39,586 cov kev cej luam txog cov kev xa nuj nqe cuav dag kom tej neeg them, li yuav xa tw ntawv yuav khoom los yog siv ib co services twg rau tej neeg uas yeej tsis tau yuav los yog tsis tau siv tej services no them. Ces thiaj ua rau tej neeg raug dag poob nyiaj txog li $28 million — thiaj tau muaj tej teeb meem no ntau tuaj ntxiv txog li 12.8 feem pua lawm.
Thiab kuj muaj tej neeg tau qhia tej xwm txheej uas muaj neeg phem cia li nyiag tuaj siv los yog nkag rau yus tej twj yam tsis tas tuaj kiag ntawm chaw txog li 9,000 zaus, uas tau ua rau tej neeg poob nyiaj txog li $15.6 million (uas muaj tsawg dua li ntawm 28 feem pua piv ntawm ib lub xyoos rau ib lub xyoos lawm thiab).
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Download thiab caum
