Key Points
- Tej cuab yig uas muaj ib tug niam tsev los sis txiv tsev khwv nyiaj siav ntsib teeb meem nyuaj heev rau cov kev ntiav tsev nyob, tab sis tseem muaj teeb meem phem tsham rau tej neeg noj nyiaj laus thiab JobsSeeker thiab.
- Tej zos yaj sab ntawm Queensland yog cov chaw nqe ntiav tsev nyob kim tshaj plaws hos Melbourne yog lub nroog uas tej neeg tseem muaj peev xwm ntiav tau nyob.
- NSW yog lub xeev uas muaj tej vaj tse tej neeg muaj peev xwm ntiav tsev nyob tsawg sai kawg nkaus lawm thiab tam sim no yuav tau siv tej nyiaj ntawm ib tsev neeg twg khwv tau txog li 29 feem pua los ntiav tsev nyob lawm.
Tej kev muaj peev xwm ntiav tau tsev nyob rau neeg Australia ntawm txhua lub xeev tau rhais ntawm ib co xwm txheej phem los ua cov xwm txheej phem tshaj qub ntxiv rau lub caij tej nqe ntiav tsev kim thoob tej nroog mus rau tej zos toj siab lawm.
Lub koom haum National Shelter thiab SGS Economics & Planning tsab ntawv cej luam tshiab uas teev txog cov kev muaj peev xwm ntiav tsev nyob uas qhia ib xyoos ib zaug tau txheeb tau tias tau ua rau tej neeg muaj peev xwm ntiav tsev nyob tsawg rau txhua lub nroog tsuas tshuav Canberra thiab Hobart thiaj tseem ntiav tau nyob rau lub caij ib xyoos dhau los no xwb.
Tej neeg ntiav tsev nyob ntawm tej zos toj siab ntawm xeev Queensland mas yog cov ntsib tej teeb meem tsis muaj peev xwm ntiav tau tsev nyob ntau tshaj plaws rau lub caij uas muaj tej vaj tse tsawg heev ntiav rau tej neeg nyob thoob teb chaws no, uas tam sim no tej neeg ntiav tsev nyob ntawm lub xeev no yuav tau siv tej nyiaj uas khwv tau los yam tsawg li ntawm 30 feem pua coj mus ntiav tsev nyob, ces thiaj ua rau lawv ntsib teeb meem nyuaj rau cov kev ntiav tsev nyob.
Hos xeev NSW ces yog lub xeev uas muaj tej vaj tseg uas tej neeg muaj peev xwm ntiav tau nyob ntawd tsawg tshaj plaws, thiab tam sim no ces yuav tau siv tej cuab yig tej nyiaj khwv tau txog li 29 feem pua los ntiav tsev nyob lawm. Thiab lub xeev no kuj yog lub xeev raug teev tias yog 6 lub ntawm 10 lub xeev uas tej neeg tsis muaj peev xwm ntiav tau tsev nyob tshaj plaws thiab.
Tej xov xwm no yeej tau qhia tias tej cuab yig ho muaj peev xwm them tau nqe ntiav tsev nyob li cas thoob teb chaws no.
Tej neeg nyob tib leeg uas tseem tau cov nyiaj JobSeeker pab ces yeej tsis muaj peev xwm ntiav tau tsev nyob ntawm tag nrho tej nroog thoob teb chaws li, thiab yuav tau siv lawv tej nyiaj txog li 75 feem pua ntiav ib chav tsev uas muaj ib lub txaj pw, thiab yuav tau siv nyiaj txog li 53 feem pua coj mus ntiav tej tsev pheej yig tshaj plaws nyog ntawm tej zos toj siab.
Tej neeg tau nyiaj lauas siv thiab tej neeg nyob tib leeg los kuj yuav tau siv lawv tej nyiaj yam tsawg li 50 feem pua coj los ua nqe ntiav tsev nyob thoob plaws rau txhua lub nroog loj, tsuas tsis suav Hobart thiab Adelaide xwb.
Raws li tej xov xwm ntawm tsab ntawv cej luam no qhia, ces nkawm niam txiv uas ob leej khwv nyiaj thiab muaj ntau tus me nyuam ces siv nyiaj tsawg dua coj los ntiav tsev nyob ntawm tej nroog loj thoob teb chaws.
Yog li ntawd li ho txom nyem nyiaj txiaj npaum li cas rau cov kev ntiav tsev nyob ntawm ib lub xeev twg? Thiab thaj chaw/lub zos twg yog cov chaw uas tsim nyog koj tsis txhob ntiav nyob yog koj xav ntiav pheej yig zog?
Watch this image to see how housing affordability in your state capital compares to other major cities and the ACT. Source: SBS
New South Wales
6 lub zos uas tej nqe ntiav tsev nyob kim tshaj plaws ntawm haiv neeg no uas tsis muaj peev xwm ntiav tau nyob los yog ntiav tsis tau nyob hlo li lawm yog nyob rau ntawm lub nroog tej chaw nres nkoj thiab tag nrho tej chaw sab hauv plawv nroog, thiab yog cov chaw uas muaj peev xwm ntiav tau nyob tsawg tshaj plaws txij xyoo 2017 los no.
Tej postcodes no ces yog Seaforth, Northbridge, Belrose, Frenchs Forest, Warriewood thiab Avalon/Bilgola.
Tej cuab yig thiaj yuav tau ntiav tsev nyob nrug ntawm nroog li 15-20 km mas thiaj muaj peev xwm ntiav tau tej tsev uas yus muaj peev xwm them tau nyob xwb.
Tej neeg ntiag tug uas nyob tib leeg thiab yog tib leeg khwv nyiaj siv thiab ho tau nyiaj JobSeeker pab ces yeej tsis muaj peev xwm ntiav tsev nyob li vim tej nqe ntiav tsev nyob twb yuav tau siv lawv tej nyiaj tau los txog li 137 feem pua lawm.
Tej neeg ntiav tsev nyob ntawm tej zos toj siab ntau cheeb tsam ntawm lub xeev no los tshuav ze ze rau qhov lawv twb tsis muaj peev xwm ntiav tau tsev nyob lawm thiab, feem ntau mas yog cov chaw nyob raws ntug hiav txwv thiab tej chaw li Bathurst, Maitland thiab Waggga Wagga.
Victoria
Melbourne yog lub nroog uas tej neeg tseem muaj peev xwm ntiav tau tsev nyob tshaj plaws piv rau tej nroog thoob teb chaws Australia no txawm tias tej nqe ntiav tsev nyob tau kim tuaj ntxiv txog li 16 feem pua rau lub caij 1 xyoos dhau los no.
Tej tsev nyob nrug nroog Melbourne CBD li 15 kim yog cov tseem muaj peev xwm ntiav tau nyob dua, hos tej zos nyob raws ntug hiav txwv li Brighton, Hampton thiab Beaumaris yog tej chaw uas muaj peev xwm ntiav tau nyob tsawg tshaj plaws.
Thoob xeev Victoria tej zos toj siab los kuj muaj peev xwm ntiav tau nyob tsawg lawm thiab, Torquay thiab Apollo Bay yog ob lub zos uas rau ras los ua cov zos tsis muaj peev xwm ntiav tau nyob txij tau muaj kab mob COVID sib kis coob heev los ni, hos cov zos li Kerang, Nhil thiab Numurka yog cov zos zoo ntiav nyob tshaj plaws.
Queensland
Thoob nroog Brisbane thiab tej zos feem ntau ces tau poob ob theem rau cov kev muaj peev xwm ntiav tau tsev nyob lawm, uas yeej tsis muaj ib qho chaw twg li uas tej neeg yuav muaj peev xwm ntiav tau nyob li lawm.
Hos tej zos tuaj ntug ntawm lub nroog no li Woodford, Rosewood, Sandstone Point thiab Caboolture ces yeej ntiav tau nyob tsawg txog li 20 feem pua lawm thiab.
Tej zos yaj sab ntawm xev Queensland ces yog cov chaw pheej yig tshaj plaws uas muaj peev xwm ntiav tau nyob yog xam raws tej nyiaj khwv tau coj los them nqe ntiav tsev nyob. Vim tej nqe ntiav tsev nyob los yeej muaj ntsis zoo sib xws li tej nqe ntiav tsev ntawm nroog Brisbane, ua ke no los tej neeg kuj khwv tau nyiaj hauj lwm tsawg dua thiab.
Eumundi yog lub zos ntawm 10 lub uas muaj peev xwm ntiav tau nyob tshaj plaws, hos cov zos li Tewantin, Cooroy thiab Noosa Heads ces yog tej zos uas tej nqe ntiav tsev nyob kim tshaj qhov muaj peev xwm ntiav tau nyob lawm.
South Australia
Tej zos Bellevue Heights mus txog rau lub zos Gillman uas nyob zej tej chaw ua luam plawv nroog Adelaide uas yav dhau los tseem muaj peev xwm ntiav tau nyob ces tam sim no yeej ntiav tsis tau nyob li lawm, thiab tej neeg ntiav tsev nyob feem coob yuav tau ntiav tej tsev nrog ntawm plawv nroog deb li 30 km mas thiaj ntiav tau nyob lawm xwb.
Tej nqe ntiav tsev ntawm tej zos yaj sab ntawm lub xeev no los kuj tau kim tuaj txog li 12.9 feem pua rau lub caij 1 xyoos dhau los no lawm thiab, tab sis yeej tseem muaj ntau tshaj chaw tus nqe nrab uas pheej yig tshaj plaws thoob teb chaws uas tseem ntiav tau nyob.
Western Australia
Tej nqe ntiav tsev nyob ntawm nroog Perth thiab tej zos ib puag ncig kuj tau kim tuaj ntxiv txog li 52.4 feem pua lawm txij li nrab xyoo 2020 los no, ces thiaj li ua rau tej nqe ntiav tsev nyob kim tshaj qhov muaj peev xwm ntiav poob rau theem nrab ua thawj zaug txij xyoo 2016 los no lawm. Qee cov zos ntawm tej chaw plawv nroog ua lagluam thiab tej zos ab qaum teb mus rau lub zos Marangaroo ces kuj tseem muaj tej nqe ntiav hauj sim thiab.
Tej chaw yaj sab feem ntau ces yeej muaj tej nqe ntiav tsev uas yeej tseem them tau hauj sim mus txog rau theem uas tej neeg feem ceeb muaj peev xwm ntiav tau nyob, ces thiaj pom tias muaj kev sib txawv txav deb heev ntawm tej tej plaws zos yaj sab thiab tej zos nyob nrug deb.
Tasmania
Tus nqe ntiav tsev nrab ntawm lub zos Apple Isle tau kim tuaj ntxiv toxg 60 feem pua txij li xyoo 2016 los no. Ces thiaj ua rau tej nqe ntiav tsev nyob ntawm nroog Hobart los yeej yuav laug sib npaug li tej nqe ntiav tsev nyob ntawm Melbourne lawm thiab, txawm tias tsuas tau siv tej nyiaj uas ib yig neeg twg khwv tau tsawg dua li 21 feem pua los them nqe ntiav tsev nyob xwb.
Hos nroog Hobart ces yog ib cheeb tsam chaw ntawm ob cheeb tsam uas tseem muaj peev xwm ntiav tau nyob thoob teb chaws no.
Txawm li cas los kuj muaj peev xwm ntiav tau tej chaw ntawm tej zos toj siab nyob tsawg lawm thiab. Tej chaw muaj peev ntiav tau nyob tshaj plaws ces yog cov chaw nyob rau ntawm lub xeev no sab hnub poob qaum teb li lub zos Burnie thiab Devonport xwb.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
