Ntsiab lus tseem ceeb:
- Negative gearing pab tej tswv tswv txo tej se rau tej nyiaj lawv khwv tau los.
- Qhov zoo: pab txo nqe ntiav tsev, tau txais txiaj ntsim rau tej neeg yuav tsev, pab kom tsev tau nqe zoo tuaj ntxiv.
- Qhov tsis zoo: yuav ua rau tsis tau nyiaj thaum xub thawj, ua rau tsis muaj peev xwm yuav tau ntau lub tsev ntxiv.
Muaj tej xwm txheej negative gearing tshwm sim thaum uas ib lub tsev ua luam twg muaj nuj nqes ntau tshaj tej nyiaj uas khwv tau lo. Hos yog lwm los lus li positive gearing ces yog thaum uas tej nqe ntiav tsev tau los ntawv duav tag nrho txhua yam nqe, suav cov paj qev nyiaj los yuav lub tsev ntawd thiab.
Txawm tias lub hom phiaj ntawm cov kev nqe peev lagluam rau tej vaj tse no yeej xav kom tau nyiaj tsam (profits) xwb los, cov negative gearing no yeej tsis ua rau tej neeg nqe peev tag kev cia siab li.
LISTEN TO
Tej txiaj ntsim tau los ntawm negative gearing
SBS Hmong
30/07/202312:52
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, thiab los yog download thiab
kom koj mloog tau SBS Hmong.
Lub tswv yim negative gearing
Maxwell Shifman uas yog tus Chief Operating Officer (COO) ntawm lub koom haum Intrapac Property tshab txhais tias, negative gearing yog ib lub tswv yim rau tej neeg Australia them se uas nqes peev lagluam rau tej vaj tse siv.
Nws pab kom lawv txo tau tej nqe cuam tshuam txog lub tsev ntawd rau tej nyiaj lawv khwv tau.
Australian tej cai sau se yeej teev tias, tej neeg nqes peev rau tej lagluam vaj tse no muaj peev xwm claim tau tej paj uas lawv yuav tau them rau tej nyiaj qev los yuav tsev tam li yog ib co kev txo se thiab yog tias lub tsev ntawd raug muab ntiav rau lwm tus nyob los yog cia ntiav rau lwm tus nyob.
Yog tias muaj nqe ntau tshaj tej nyiaj uas yus khwv tau los lawm, ces yus muaj peev xwm siv tej nqe no los txo tej se rau tej nyiaj uas yus khwv tau los ntawm tej chaw ua hauj lwm los yog lwm yam nyiaj uas yus khwv tau los thiab.Maxwell Shifman, Chief Operating Officer, Intrapac Property
Mr. Shifman hais tias cov negative gearing no feem no mas yog cov kev nqes peev lagluam los yog cov kev ncua kom tsis txhob tau them se rau ib lub caij twg xwb tsis yog ib co kev txo se dab tsi.
Qhov zoo thiab phem ntawm negative gearing
Negative gearing ces yeej zoo tib yam li lwm cov tswv yim nqes peev lagluam thiab, uas yeej muaj qhov yuav tau txiaj ntsim thiab plam txiaj ntsim.
Qhov uas tau txais txiaj ntsim tshaj plaws ces yog nws muaj peev xwm txo tau tej nqe ntiav tsev rau tej tswv tsev li pab kom lawv tau them se tsawg rau tej nyiaj lawv khwv tau los.
Ntxiv ntawd ces, ua rau tej neeg xav yuav tsev kom tau txais txiaj ntsim los ntawm cov kev siv negative gearing, uas yuav pab kom tsev muaj nqes tuaj.
Negative gearing txhawb nqa kom muaj kev nqes peev lagluam rau tej vaj tse kom tej neeg thiaj ntiav tau tsev nyob thiab tiv thaiv kom tsis txhob muaj tej teeb meem uas ntiav tsis tau tej tsev pheej yig nyob.
Peter Koulizos yog tus Program Director uas tswj lub tuam chav Master of Property degree ntawm tsev kawm qib siab University of Adelaide.
Mr Koulizos hais tias negative gearing kuj ua rau ib tug neeg nqes peev lagluam vaj tse tsis muaj peev xwm yuav tau lwm lub tsev ntxiv thiab, vim rau qhov tsis muaj peev xwm them taus lub tsev ntawd.
Yog tias yus siv negative gearing rau ib lub tsev yuam kev, li ib lub apartment (ib chav tsev ntawm lbu tsev muaj ntau tshooj) uas tsis tau nqe zoo. Ces tsis yog tias yuav ua rau lawv poob nyiaj ntawm ib limtiam rau ib limtiam xwb, tab sis tsev tsis tau nqe li thiab, los yog tsuas muaj nqes me ntsis xwb. Ces kuj yog ib cov kev nqe peev uas poob peev thiab.Peter Koulizos, Program Director of the Master of Property degree, University of Adelaide.
Negative gearing muaj peev xwm txo tau tej nqe ntiav tsev rau tej tswv tsev thiab pab kom tej neeg yuav tsev xav yuav tsev vim yuav tau txais txiaj ntsim rau tej se thiab.
Tej teeb meem yuav muaj tau rau tej kiab khw lagluam ntiav tsev
Stephen Mickenberger, Group Executive of Financial Services thiab yog tus Chief Commentator ntawm Canstar tshab txhais tias, negative gearing ho yuav muaj tau teeb meem dab tsi rau tej kiab khw lagluam ntiav tsev.
Nws hais tias tsoom fwv tso cai siv cov negative gearing los txhawb nqa kom muaj cov kev nqes peev lagluam tsim vaj tse nyob thiab ua tib zoo xyuas kom muaj tej vaj tse txaus ntiav nyob.
Tsoom fwv tso cai siv cov negative gearing los txhawb nqa tej neeg kom nqe peev lagluam tsim vaj tse, hais tsi ntsee rau tej tsev nyob, kom thiaj muaj tsev txaus raws li qhov tej neeg xav ntiav nyob.Stephen Mickenberger, Group Executive of Financial Services and Chief Commentator at Canstar.
Yog tias tsis siv negative gearing lawm, ces tej zaum kuj yuav ua rau tej nqe ntiav tsev kim tshaj qub ntxiv thiab ua rau tsis muaj tej vaj tse txaus ntiav rau tej neeg nyob.
Tej txiaj ntsim yuav tau ntev ntxiv tuaj rau cov kev nqes peev lagluam vaj tse
Peter Koulizos hais tias negative gearing ces yog ib lub tsev yim uas yuav tau ib yam dab tsi thiab plam ib yam dab tsi uas tej zaum kuj yuav tau txais txiaj ntsim rau cov capital gains thaum muag lub tsev ntawd rau yav pem suab, txawm tias thaum xub yeej poob nyiaj ntau.
Mr Koulizos hais ntxiv tias cov kev nqes peev lagluam rau tej vaj tse yuav pab kom tej neeg nplua nuj rau yav tom ntej thiab pab kom tsis txhob pheej yuav tau tos tsoom fwv tej nyiaj laus los yog tej nyiaj so hauj lwm pab cuam.
Nws hais tias "Txawm tias koj muaj ib lub tsev uas koj nqe peev thiab muaj nqe txog $500,000 xwb los thaum kawg yog koj them tag lawm, ces tej zaum koj yuav tsis muaj cai thov tau nyiaj laus noj los sis tej zaum tsuas thov tau me ntsis xwb. Los yeej tsis ua rau yus ua chaw leg rau tsoom fwv thiab."
Twb xaus Australian financial year rau thaum hnub tim 30 lub 6 hlis ntuj no lawm, thiab yuav tsum tau thov se rau financial year xyoo dhau los rau lub caij tim 1 lub 7 hli ntuj no mus txog hnub tim 31 lub 10 hli ntuj.
