Yog koj xav tau xov xwm kom ntxaws ntxiv txog cov nyiaj pab cuam rau cov neeg yuav tsev thawj zaug (First Home Owners Grant-FHOG) ntawm ntau cov xeev ces txheeb xyuas tau ntawm no.
Yuav laug txog 20 xyoo dhau los, Australia tau tsim cov nyiaj First Home Owners Grant-FHOG coj los pab Australia cov lagluam thiab pab tej neeg yuav tsev thawj zaug. Cov kev pab cuam no yog cov neeg xub xub yuav tsev ua thawj zaug los yog xav mus yuav cov tsev ua tau tshiab thawj lub coj los nyob, muaj cai thov tau cov nyiaj FHOG no siv.
Nom tswv xeev yog cov tswj thiab pab cov nyiaj the (FHOG). Thiab lawv yeej muaj cov cai thiab zwjceeb los yog lus zoj khi tias yuav pab nyiaj npaum li cas rau tej neeg xub yuav tsev thawj zaug thov tau. Txawm li cas lis koj yeej thov tau nyiaj sib txawv ntawm ntau lub xeev uas pib txij li $7,000 ntawm lub xeev uas muaj Australia lub tuam ceeb Canberra mus txog rau thov tau .
Guarav Vaishnava, thiab nws tsev neeg tau tsiv ntawm teb chaws India tuaj nyob teb chaws Australia no qhia tias nws zoo siab uas tau tsoom hwv cov nyiaj pab cuam no.
new apartment selfie time Source: Getty Images
“Peb yeej tsis tshua muaj nyiaj txaus siv, thiab peb xav yuav ib lub tsev nyob thiab tej zaum peb kuj yuav tau cov nyiaj pab cov neeg yuav thawj lub tsev-FHOG thiab. Ib hlis twg peb yeej siv nyiaj ntau tshaj $2,000 los ntiav tsev nyob, tab sis peb kuj muaj hmoo uas uas yuav tau ib lub tsev 2 tshooj uas yeej ua tau zoo heev ze ntawm lub zos Rooty Hill thiab."
Koj puas muaj cai thov tau cov nyiaj FHOG no?
Cov nyiaj FHOG no tsuas yog cov nyiaj pab rau tej neeg yuav thawj lub tsev los yog cov apartments ua tau tshiab tshiab uas tsis tau muaj neeg nyob dua los li xwb.
Txawm tias nom tswv tsis txheeb tias seb koj khwv tau nyiaj npaum li cas es mam li kam pab koj, los tsoom hwv tsuas pub koj thov tau cov nyiaj no siv rau ib txhia vaj tse uas muaj tus nqe raws li lawv tau teev tseg xwb. Muaj xeeb lub xeev li xeev, los kuj pub koj thov tau cov nyiaj FHOG ntau zog yog tias koj yuav tsev nyob tuaj cheeb tsam ntug nroog (Regional).
Yog koj yog ib tug pej xeem Australia los yog cov neeg nyob ruaj (Permanent residents) hauv teb chaws Australia thiab koj muaj hnoob nyoog 18 xyoo lawm ces koj muaj cai thov tau cov nyiaj First Home Owners Grant-FHOG no.
Construction managers planning while standing in messy site Source: Getty Images
Tsis tas li no nom tswv tseem muaj cai tswj koj thiab tias tom qab koj yuav tau lub tsev tshiab ntawd lawm, koj yuav tsum tau nyob hauv lub tsev ntawd yam tsawg li 6 lub hli sib txuas ua ntuv zus thiab.
Sonia Akra ntawm lub tuam txhab lij choj ntawm Parramatta hais tias " Yog nyob lub tsev tshiab uas koj yuav tau ntawd txog li 6 hli ntawm thawj xyoo ntawd lawm, ces koj muaj cai muab ntiav rau lwm tus nyob tau lawm thiab."
Txawm li cas los yog xam tej nqe tsev hauv teb chaws Australia no lawm, ces tej nyiaj First Home Owners Grant-FHOG yeej thov tsis tau ntau npaum li cas thiab. Tab sis Raghad Misho uas yog ib tug neeg muag vaj tse ntawm nroog Melbourne ntseeg tias kuj yog tej yam zoo thiab.
خانوادهای در حال دیدار با یک مشاور خرید و فروش املاک Source: Getty Images
Nws hais tias “Txawm tias thov tsis tau nyiaj ntau npaum li cas los, yeej pab tau me ntsis thiab."
Yuav thov li cas?
Muaj 2 txoj hauv kev thov tau cov nyiaj FHOG no: thawj txoj ces yog yus nug thiab thov cov ntaub ntawv ntawm nom tswv lub tuam chav pab cov nyiaj FHOG no coj los sau thiab xa kiag cov ntaub ntawv mus thov. Los yog txoj hauv kev ob ces hais kom tus neeg qeev nyiaj rau koj yuav tsev ntawd ua tus thov sawv cev rau koj los tau.
Cov nyiaj uas thov tau no yuav coj mus them rau cov tuam txhab los yog tej neeg uas qev nyiaj rau koj yuav tsev los yog coj mus tso ntxiv rau koj cov nyiaj koj txuag tau coj mus zoj kom yuav tau lub tsev tshiab ntawd.
Homeownership project Source: Getty Images
Lwm cov txiaj ntsim koj yuav tau txais
Txawm li cas los Vaishnava yeej thov tsis tau cov nyiaj FHOG no siv thiab, vim lub caij ntawd cov nqe tsev ntawm xeev NSW kim tshaj tej nqe tsev uas tsoom hwv pub nws thov tau cov nyiaj no lawm.
“Peb thov tsis tau, tab sis peb kuj tsis tau them cov stamp duty (se) yuav tsev thiab vim tus nqe tsev tsawg dua $650,000.”
Yog koj xav paub xov xwm kom ntxaws ntxiv txog cov nyiaj pab yuav tsev thawj zaug (FHOG) ntawm koj lub xeev los yog lwm lbu xeev ces mus txheeb tau ntxiv ntawm lub vas sab no: .
