Nyeem tau lub koom haum WPP AUNZ tsab ntawv cej luam (Report) ua lus Askiv (English) txog qhov tseeb thiab cuav cuam tshuam txog teb chaws Australia tau raws li hauv qab no:
Mloog tau Rose Herceg uas yog lub koom haum WPP AUNZ tus Chief Strategy Officer tham ua lus Askiv txog cov kev teeb txheeb tsis ntev los no txog "Secret & Lies" about Australia ntawm no: READ MORE
"Tej lus peb hais yeej txawv tej peb xav deb heev yog tham txog Australia lub cim thawj thiab haiv neeg Australia lawm ces, yeej muaj kev koom npoj ntau tshaj tej kev faib cai uas tej chaw nthuav xov xwm qhia peb. Vim muaj pej xeem Australia txog li 2 feem 3 los yog li ntawm 70% yeej ntseeg tias qhov zoo tshaj ntawm teb chaws Australia yog lub tswv yim txhawb nqa ntau tsav neeg tshaj plaws hauv ntiaj teb ua lub neej nyob ua ke kom muaj kev sib haum xeeb "Multiculturalism thiab internationalist."
"Cov neeg tsiv teb tsaws chaw yog cov kub siab dua kom lawv ua tau ib yam dab tsi zoo thiab ua tau lub neej zoo dua tuaj ntxiv. Lawv tseem yog cov neeg xav ua lagluam thiab ua tswv lagluam ntau dua tej neeg yug ntawm teb chaws Australia no. Yog li thiaj tsim nyog tsoom hwv thiab tej lagluam yuav tsum tsim kev pab cuam thiab txhawb nqa kom lawv muaj cib fim zoo tshaj plaws thiab muaj peev xwm tig tau lawv tej tswv yim coj los ua lagluam kom loj hlob huam vam thiab ua tau lub zoo neej hauv teb chaws Australia, vim cov kev teeb txheeb yeej qhia tias Australia ntau tsav neeg hauv tej neeg zejzog yeej yog cov neeg rau siab thiab kub siab rau siab thiab nquag ua hauj lwm tshaj plaws kom pauv hloov tau lawv lub neej zoo tshaj qub tuaj ntxiv."
Languages is world mirror that help us think differently-Secrets and Lies about Australia-WPP AUNZ Source: WPP AUNZ
“Txawm tias tej neeg tsiv teb tsaws chaw yuav tau yoog raws teb chaws Australia no kom lawv ua tau lub neej los yeej yog ib cov hauj lwm nom tswv yuav tau kub siab nrog xyuas kom txhua txhua tsav neeg zejzog muaj peev xwm tiag tau lawv tej tswv yim, tej lus thiab tej kab lis kev cai los ua lagluam thiab tsim ua lagluam."
“Txawm tias peb xaiv yug tsis tau, thiab yeej muaj teeb meem cuam tshuam los ntawm peb tej kab lis kev cai, kev qhuab qhia thiab kev cob peb ua neej los kuv xav tias peb lub teb chaws yeej tseem muaj txoj kev vaj huam sib luag zoo txaus rau txhua leej txhua tus uas ntseeg tias yog rau siab thiab nquag thiab kub siab ua hauj lwm thiab npaj tias yuav tsum ua tau ib yam dab tsi yam tsis txhawj tias tsam ua tsis tau, ces thaum kawg lawv yeej yuav ua tau ib yam dab tsi tiav raws siab xav txawm tsis loj los yeej tsim nyog thiab."
“Yog peb tig los xyuas tej dab neeg ntawm cov neeg uas ua tau lub neej zoo tshaj plaws ua lagluam zoo tshaj plaws ntawd ces yeej yog cov neeg tsiv teb tsaws chaws yog cov ua tau zoo dua. Vim lawv ib txhia thaum tuaj yeej tsis paub ntaub ntawv, tsis muaj txuj ci, thiab tsis muaj nyiaj, thiab yeej ntsib teeb meem nyuaj ntau yam, tab sis yog tias peb muaj kev pab cuam rau cov tuaj rau teb chaws Australia no kom lawv muaj cib fim thiab muaj peev xwm li lwm tus ces lawv yeej yuav ua tau lub neej zoo ntawm teb no xwb."
Mloog tau ntau yam xov xwm ua lus Hmoob thiab lus Askiv tau raws li hauv qab no:
READ MORE
Hmoob cov paj ntaub tej txiaj ntsim
