Jue SaeWang (Tswb Vaj) qhia tias nws yeej nyiam qeej thaum nws tseem yau li peb los yog plaub xyoos los lawm, tab sis nws yeej tseem tshuab tsis tau zoo txaus vim tsis tau kawm kom tsheej kws. Thiab xav qhia rau ib tsoom Hmoob uas xav kom qeej kom tshaj lij thiab siv tau npliag yog xav kawm tiag xes yuav tsuam tau mus cuag cov kws qeej ua txawj tiag tiag ua lees kais qhia yus.
Cov laj thawj ua rau nws txiav txim siab los ua qeej Hmoob twb vim yog nws txiv yog ib tug kws txawj qeej thiab kws ua qeej dhau los. Tab sis nws txiv tsuas ua qeej thaum tseem hluas xwb thaum laus ces tso tseg lawm. Yog li ntawd Jue SaeWang thiaj tau txiav txim siab los ua cov qeej no txuas ntxiv kom thiaj khaws tau nws txiv tej txuj ci no kom tsis txhob ploj.
Central part of Hmong pipe rid - Jue SaeWang Source: Jue SaeWang
"Tswb Vaj hais tias -Yog ib txoj xub kev pab khawv Hmoob tej txuj ci kom tsis txhob ploj, tsis tas li ntawd tseem yog ib cov kev los kaws thiab ceev txuag Hmoob lub cim thawj ntawm Hmoob tej kab lis kev cai thiab. Kuv thiaj xav kom txhua tus Hmoob uas nyiam yuav tau kawm qeej los yog ib yam twj paj nruag twg los tautsis hais qwv nplooj, tshuab raj, ncas thiab qoj xim xos los tau."
Hmong pipe rid make from PVC plastic - Jue SaeWang Source: Jue SaeWang
Tos ho hloov ntawm xyoob los siv lawm yam khoom li hais no txua qeej los vim yog tej teb chaws qee lub uas muaj Hmoob nyob ntawd no heev thiaj ua rau qeej xyoob tawg thiab nkhaus tsis zoo lawm ces thiaj yuav tau siv lwm yam khoom li hais no los txua qeej lawm.
"Yog tham txog cov qeej suab nrov zoo yuav laug cuag qeej xyoob, ces cov qeej roj hmab PVC yog cov nrov zoo yuav laug cuag qeej xyoo thiab zoo dua cov qeej pej tshum (Aluminium)," raws li Jue SaeWang tau qhia.
Mr. Wang qhia tias tsuas siv sij hawm ua cov qeej uas siv xyoob thiab ntoo ua txog li peb los yog plaub hnub xwb ces tiav thiab tau tshuab lawm. Tab sis yog cov qeej pej tshum (aluminium) thiab qeej roj hmab PVC ces yuav tau siv sij hawm li ntawm tsib mus txog rau hnub thiaj ua tiav.
Hmong pipe rid made from aluminium - Jue SaeWang Source: Jue SaeWang
Ntxiv ntawd Jue SaeWang tseem xav kom Hmoob tej kws uas txawj Hmoob txhua yam txuj li tau hais los saum toj no txhob qia dub thiab ho qhia thiab muab kaw tso rau YouTube kom Hmoob tej hluas thoob ntuj thiaj tau kawm, thiab thiaj khaws tau Hmoob tej txuj ci no tseg cia kom tsis txhob ploj. Vim yog tsis ua li no ces yog thaum tej kws ntawd dua toj lawm ces Hmoob yuav plaj tag Hmoob tej txuj ci no lawm.
