Ntsiab lus tseem ceeb:
- Tau muaj ib tsab ntawv cej luam tshiab qhia tias Australia tej zos uas yuav tau nyiaj $50,000 pab coj mus zoj yuav tsev..
- Lub koom haum Canstar uas piv cov kev siv nyiaj txiaj ces nws kuj tau teev 150 thaj chaw uas nws tau hais tias yog cov chaw zoo tshaj plaws uas yuav muaj peev xwm siv nyiaj zoj txij $50,000 txog $100,000 yuav tsev.
- Thiab tej nyiaj no ces yeej muaj peev xwm coj mus zoj yuav tau ib lub tsev ntawm tej nroog feem coob los yog yuav ib lub tsev unit rau ntawm tej chaw uas kim zog los tau.
Tej nqe tsev nrab ntawm teb chaws Australia yeej tau nce kim tuaj ntxiv txhua txhua lub hli rau lub caij 1 xyoos 7 hli dhau los no (19 hli) lawm.
los yeej tseem muaj cib fim rau tej neeg yuav tsev uas muaj nyiaj zoj yuav tsev txog li $50,000 yuav tsev thiab.
Raws li lub koom haum Canstar uas yog ib lub koom haum teeb txheeb thiab piv txog cov kev siv nyiaj txiaj hais ces yeej muaj peev xwm siv tau tej nyiaj no coj mus zoj yuav ib lub tsev los yog yuav ib lub appartment.
Hos teeb txheeb tau tej xov xwm no li cas los?
Canstar tsab ntawv cej luam hu ua Deposit Stars uas tau coj los nthuav tawm lub 9 hli ntuj (2024) no tau qhia txog 150 lub zos uas nws piav tias yog cov chaw zoo tshaj plaws uas koj muaj peev xwm siv cov nyiaj $50,000 los yog $100,000 coj mus zoj yuav tau ib lub tsev.
Tab sis tsis yog tib co zos uas tej nqe tsev pheej yig tshaj plaws thiaj li raug teev rau daim list ntawd nkaus xwb thiab.
Tej zos hais ntawd yuav tsum yog cov zos uas tej nqe tsev tau nce kim tuaj lawm los yog tau nqe zoo tuaj ntxiv rau lub caij 3 hlis dhau los, yog tej zos uas muaj tej hauv paus txhim kho nyob ze thiab yog cov zos uas yuav tau nqe ntiav tsev zoo tuaj ntxiv thiab.
Sally Tindall uas yog tus coj uas tawm tswv yim txog tej xov xwm no ntawm lub koom haum Canstar tau hais tias kom tej neeg yuav tsum xyuas kom ua tau raws li qhov tsim nyog ua uas siv tau haum raws li yus 'lub hom phiaj, tsis hais yog yuav nyob rau ib lub caij twg los yog yuav es ho muab ntiav rau lwm tus nyob ntxiv.''
Canstar data insights director Sally Tindall says buyers need to consider a number of factors when looking to buy property. Source: Supplied
Tej xub ke yuav tsev hauv nroog
Yeej muaj tej zos yam tsawg li 10 lub ntawm ib lub nroog twg uas raug txheeb tias muaj peev xwm coj tej nyiaj txog li $50,000 los yog $100,000 coj mus zoj yuav tau ib lub tsev.
Ces tej nyiaj uas siv coj mus zoj yuav tsev no yeej tsis suav lwm yam nqe uas tej neeg yuav tsev yuav tau them li tej nqe lwm yam cuam tshuam thiab cov nyiaj yuav tuav pov hwm lub tsev (Lenders Mortgage Insurance - LMI).
Real estate analyst Terry Ryder uas yog ib tug neeg tshuaj ntsuam txog tej vaj tse ntawm lub vas sab teeb txheeb hu ua Hotspotting uas tau sau tsab ntawv cej luam no hais tias ib yam ntawm ntau yam laj thawj ntawm cov kev yuav tsev ntawd ces yog ''muaj tej thaum ces tej neeg xav yuav tsev pheej mus yuav tej tsev uas kim tshaj qhov lawv muaj peev xwm yuav tau lawm.''
Ryder thiaj tau hais tias tej ntawd ces yog ''yuav tsum xav tias tias yus muaj peev xwm npaj tau 20 feem puas ntawm lub tsev ntawd coj mus yuav tsev ntawm ib lub nroog loj twg.''
Piv txwv li tias yog tus nqe tsev nrab ntawm haiv neeg no raug nqe txog li $800,000 ces 20 feem pua ntawm tus nqe no yog cov nyiaj $160,000 uas yuav tau siv coj mus zoj mas thiaj yuav tau ib lub tsev nyob.
Vim rau qhov tias yog yus siv nyiaj tsawg dua li 20 feem pua ntawm tus nqe tsev ntawd coj mus zoj yuav tsev ces yuav ua rau yus yuav tau yuav cov nyiaj tuav pov hwm tsev LMI, uas yog ib co nyiaj uas yus yuav tau them kiag ua ntej tam li yog ib co kev qhia rau ib lub txhab nyiaj twg tias tau txais kev pov puag rau lawv lawm yog tias yus tam li yog tus neeg qev nyiaj tsis muaj peev xwm them tau tej nyiaj qev los yuav tsev no rov qab rau lawv.
Raws li Canstar tsab ntawv cej luam no hais ces kuj muaj peev xwm siv nyiaj txog li $50,000 mus zoj yuav tau ib lub tsev ntawm tej zos li Brendale ntawm Brisbane, Melton South ntawm Melbourne, Clarendon Vale ntawm Hobart, Elizabeth South ntawm Adelaide, Calista ntawm Perth thiab Palmerston ntawm nroog Darwin.
Source: SBS
Txawm li cas los kuj yuav muaj peev xwm siv nyiaj txog li $100,000 coj mus zoj yuav tau ntawm tej zos li St Marys thiab Campbeltown ntawm Sydney thiab Isabelle Plains, Evatt thiab Holt ntawm Canberra thiab.
Hom tsev uas muaj peev xwm yuav tau
Ryder tau hais tias yog yuav tej tsev ntau lub sib txuas ua ke ces yuav pab kom tej neeg yuav muaj cib fim yuav tsev ntau dua.
"Muaj tej vaj tse yuav laug txog li 1 feem 3 ntawm tsab ntawv cej luam Deposit Stars qhia tias muaj tej neeg tig mus yuav tej tsev units los yog townhouse ntau tuaj ntxiv lawm. Thiab yeej muaj tej tsev no rau ntawm tej chaw tseem ceeb, thiab yog ib co tsev zoo rau tej neeg xav mus nyob tsev me los yog tej neeg yuav thawj lub tsev nyob, thiab xav tias yeej yuav muaj neeg tig los yuav tej vaj tse no txuas ntxiv.''
Cov kev muaj peev xwm yuav tsev ntawm tej zos toj siab
Kuj muaj ib daim list teev txog 10 cov zos toj siab ntawm tej xeev Northern Territory, Victoria, NSW, Tasmania thiab South Australia, nrog rau 15 lub zos ntawm Western Australia thiab Queensland.
Rockhampton (QLD), Renmark (SA), Mildura (Vic), Mount Austin ntawm Wagga Wagga (NSW) thiab Ravenswood ntawm Launceston (Tasmania) yog cov zos uas muaj peev xwm siv nyiaj $50,000 mus zoj yuav tau ib lub tsev.
Ntawm WA lub zos Geraldton, ces tsis yog tias tej neeg yuav tsev muaj peev xwm siv tau $50,000 mus zoj yuav tau ib lub tsev xwb, tab sis lawv kuj tseem muaj peev xwm siv tej nyiaj no coj mus yuav tau tsev ntawm lub zos West End, uas kuj tsuas tau them nqe tsev ib hlis twg tsawg dua $700 xwb thiab.
Source: SBS
Cov kev them tej lenders mortgage insurance (LMI)
Tindall tau hais tias: "Ib txhia neeg qev nyiaj yuav tsev yeej tsis muaj peev xwm yuav txuag tau nyiaj txog 20 feem pua coj mus yuav lawv thawj lub tsev nyob.''
Nws tau hais tias ces yeej muaj ntau yam uas tej neeg qev nyiaj yuav tsev yuav tau nrog xyuas, ''thiab muaj qee zaus ... ces kuj tsim nyog them cov lenders mortgage insurance thiab, tab sis kuj nyob ntawm seb yuav tau them ntau npaum li cas, kom thiaj yuav tau tsev.''
"Tab sis qhov tseem ceeb ces kom nco tias yog tias yus txiav txim siab siv nyiaj tsawg zoj yuav tsev, ces tej zaum yus kuj yuav plam lwm yam txiaj ntsim thiab, yog li ntawd yuav tsum ua tib zoo xyuas kom yus paub txog tej no zoo.''
Tindall tau hais tias 32 feem pua ntawm tej neeg uas qev nyiaj yuav tsev ces yeej qev yam tsawg li 80 feem pua ntawm tus nqe ntawm lawv lub tsev, thiab yeej muaj tej neeg nqe nyiaj li no coob tuaj ntxiv lawm.
Cov kev lug kom tsis txhob tau them LMI txawm tias muaj nyiaj zoj yuav tsev tsawg
Yog tias koj siv nyiaj zoj yuav tsev tsawg ces yuav tau them kab theem paj kim tua yog piv rau tej uas muaj nyiaj ntau dua coj mus zoj yuav lawv tej tsev.
Western Australia thiab Queensland ces thiaj yog ob lub xeev nkaus xwb uas raug teev rau daim list uas tej neeg yuav tsev yam tsis tau them LMI.
Vim rau qhov tias muaj tej vaj tse tus nqe tsawg dua $250,000 ua tau raws li tej cai ntawm daim list tau teev tseg, ces tej nyiaj $50,000 uas coj mus zoj yuav tsev thiaj yog tej nyiaj ntau tshaj 20 feem pua ntawm tej nyiaj zoj yuav tsev lawm.
Tsis tas li ntawd los kuj muaj cov kev txog ntau yam nqe kom pheej yig zog rau tej neeg yuav thawj lub tsev uas muaj cai tau txais kev pab cuam thiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
