Nod yog xov tooj cua SBS Radio Hmoob program thiab hnub no peb muaj tus qhua tsim nuj hu ua Misha Schubert uas yog tus coj ntawm lub koom haum Super Members Council tuaj koom peb, thiab nws yuav qhia txog nws cov lus tawm tswv yim txog cov kev rho nyiaj super thaum ntxov los zoj yuav tsev.
Tsis ntsev los no kuj tau muaj ib co xov xwm qhia ntawm koj lub koom haum tias tsoom fwv lub tswv yim yuav tso cai rau neeg Australia rho tau nyiaj super txog li ntawm $50,000 mus zoj yuav tsev thawj zaug yuav ua rau muaj nuj nqe ntau tuaj ntxiv rau Australia tej nyiaj laus thiab yuav ua rau tej neeg muaj nyiaj tsawg zog siv rau lub caij so tsis ua hauj lwm lawm, koj ho tshab txhais txog tej no rau peb seb yog li cas?
Misha Schubert hais tias:
Lub koom haum Super Members Council ces yog ib lub koom haum sawv cev rau 11 million tus neeg Australia uas muaj lawv cov nyiaj coj mus khaws tseg cia nrog rau Australia cov superannuation system.
Raws li Australia tej cai teev tseb ces tej tswv lagluam yuav tsum tau them 11.5 feem pua ntawm tej neeg tej nyiaj hauj lwm khaws cia rau cov nyiaj super kom tau ntau tuaj ntxiv rau lub caij tej neeg tseem ua hauj lwm kom thiaj muaj peev xwm so tau raws li lub meej mom tsim nyog so thaum peb tsis ua hauj lwm lawm.
Lim tiam dhau los ces tau muaj tsev tsoom fwv ib tsab ntawv cej luam ntawm tsev tsoom fwv tau thov los kho ib tsab cai tsis hais yog txhawb nqa kom Australia tej hluas rho nyiaj $50,000 ntawm lawv tej nyiaj super coj mus zoj yuav tsev xwb, tab sis tseem txhawb nqa kom tej zaum rho nyiaj ntau tshaj qhov nws hais ntawd thiab.
Lub tswv yim uas xav thov tsim tsab cai no thiaj yog tej yam tsis tsim nyog rau phab nyiaj txiaj vim peb yeej paub los ntawm tag nrho tej economists thoob teb chaws sawv daws yeej hasi tias yog tseem txhawb nqa tej neeg los rho lawv tej nyiaj super coj mus zoj yuav tsev thiab ces haj yam yuav ua rau tej nqe vaj tse kim tuaj ntxiv, ces yuav ua rau tej neeg haj yam yuav tau them nqe tsev kim tshaj qub tuaj ntxiv thiab. Ces thiaj haj yam yuav ua rau tej nqe tsev kim tuaj ntxiv ntawm Australia no.
Yeej muaj tej neeg mloog xov tooj cua SBS radio ceeb leej ntau tus, tej neeg uas nyuam qhuav tuaj txog tshiab ntawm Australia yeej totaub tias yog tej yam tseem ceeb npaum li cas rau cov kev muaj peev xwm yuav tau tsev nyob.
Peb yeej xav kom muaj neeg Australia coob tuaj ntxiv, tej neeg tsiv teb tsaws chaw tuaj tshiab rau Australia muaj peev xwm yuav tau tsev nyob raws li neeg Australia txoj kev npau suav.
Tab sis tej cai uas tseem xav thov tsim no yuav txhawb nqa kom tej neeg rho nyiaj super mus zol yuav tsev no thaum kawg ces yuav ua rau tej nqe tsev kim tuaj ntxiv thiab ua rau tsis muaj peev xwm yuav ua tau raws li txoj kev npau suav xav yuav tsev no nyuaj tuaj ntxiv.
Yog li ntawd ne, raws li koj xav lawm tsim nyog yuav daws tej xwm txheej no li cas?
Misha Schubert hais tias:
Tiag ces tej hauj lwm tseem ceeb uas tej nom tsim cai thoob peb lub teb chaws no cov kev maj lost sim kom tau tej vaj tse tsheb kom ntau tuaj ntxiv ntawm teb chaws Australia. Peb yeej paub tias ntau yam uas yuav pab kom muaj neeg Australia coob ntxiv tuaj tau yuav tsev thiab muaj tej neeg tsiv teb tsaws chaw tuaj ntshaib ntau tuaj ntxiv mus yuav tsev thiab xyuas kom tej nqe tsev pheej yig ces yog yuav tau tsim kom tau tej vaj tse ntau tuaj ntxiv thiab pheej yig rau tej neeg nthiav nyob.
Yog li peb thiaj xav nqua hu rau tej nom tswv thoob plaws ntawm tej tsev tsoom fwv kom yuav tsum kub siab nrog xyuas kom tsim tau vaj tse ntau tuaj ntxiv ntawm lub teb chaws no. Vim yog tej yam tsim nyog ua.
Tsis tas li ntawd los kuj yog tej yam tseem ceeb tsis yog tej neeg ntiag tug, tej cuab yig uas xav yuav tsev uas tsis muaj peev xwm yuav tau tsev vim tej nqe tsev yeej tseem kim txuas ntxiv, tab sis kuj yuav ua rau tej neeg ua hauj lwm them se txhua tus yuav tau them ib yam nqe thiab.
Yog li ntawd tej cai uas pheej cuam tshuam ntxog tej nyiaj super thiab pheej xav rho tej nyiaj no siv thaum kawg ces yeej yuav ua rau peb tau them se ntau tuaj ntxiv. Vim tej neeg muaj nyiaj tsawg zog hauv lawv tej nyiaj super rau lub caij so tsis ua hauj lwm lawm, txhais tias lawv yuav tos siv nyiaj laus ntau tuaj ntxiv, thiab tsoom fwv teb chaws thiaj yauv siv tej nyiaj tau los ntawm cov kev sau se mus them tej no. Ces thiaj yuav ua rau muaj nqe ntau ntxiv rau tej neeg ua hauj lwm them se them. Thiab yuav ua rau tej neeg u ahau lwm rau lub caij ntawd yuav ntsib teeb meem thaum muaj tej neeg coob tuaj ntxiv uas muaj hnoob nyoog zo noj nyiaj laus yuav tau them se ntau ntxiv los sis yog yuav ua rau tsoom fwv yuav tau txias lwm yam kev pab cuam tseem ceeb uas pab rau Australia tej zej zog.
Pab nom Greens tau cav tias tsoom fwv Albanese pheej tshwm nyiaj pab rau tej neeg nqes peev tsim vaj tse nplua nuj xwb yeej tsis kub siab tsim kom tau vaj tse ntau ntxiv, tab sis tsoom fwv Albanese hasi tias nws yeej muaj tswv yim 10 billion dollars rau cov nyiaj future housing funds thiab tseem yuav tshwm nyiaj ntxiv coj mus pab tsim kom tau vaj tse ntau ntxiv. Ntawd yog tej uas nws yuav ua, tab sis pab nom Greens yeej tsis pom zoo thiab koj los hais koj ib yam txawv. Yog li thiaj yog tej yam uas cov kawg li.
Misha Schubert:
Yog mas, yeej ib txwm muaj cov kev sib teev theev muaj ceem heev txog tej cai ntawm ntau pab nom thoob plaws ntawm tsev tsoom fwv txog tej vaj tse no los yog tej cai tsim vaj tse no.
Kuv xav tias qhov uas pe blub koom haum Super Members Council xav qhia txog pe blub luag hauj lwm uas peb txhawb nqa 11 million tus eneg Australia kom txuag tau nyiaj txaus siv lub caij so tsis ua hauj lwm no yog tej yam tseem ceeb heev uas peb yuav tau xyuas kom tau txais kev ruaj ntseg rau tej nyiaj super, kom rhiJ MUj pwwc zqm los ua tau tej hauj lwm no zoo kom tau nyiaj rau tag nrho peb sawv daws tau siv thaum peb so tsis ua hauj lwm lawm kom ua tau lub neej muaj meej mom.
Thiab peb los kuj xav nqua hu kom tej nom hauv tsev tsoom fwv uas sib txawv yuav tau koom tes ua hauj lwm ua ke lost sim kom tau vaj tse ntau ntxiv. Thiab yeej yog ib co teeb meem nyuaj sai sai tams im no tab sis qhov nod yog qhov peb xav kom tej nom tsim cai kub siab nrog xyuas. Vim tej kev nrog xyuas kom tsim tau vaj tse ntau ntxiv ntawd thiaj yog tib txoj xub ke uas yuav pab kom muaj neeg Australia coob tuaj ntxiv yuav tau tsev nyob thiab pab kom tej nqe tsev pheej yig.
Txoj xub ke twg yog txoj zoo tshaj plaws uas yuav pab kom peb tau nyiaj super ntau tuaj ntxiv, tsis hais neeg Australia, tej neeg tsiv teb tsaws chaw tuaj tshiab, los yog ib tug twg uas muaj cai ua hauj lwm ntawm Australia no kom tau nyiaj super ntau tuaj ntxiv?
Misha Schubert:
Yog mas. Yog ib lo lus nug zoo heev. Australia tau tsim tau cov nyiaj superannuation 30 xyoo dhau los coj los siv kom tej neeg khaws nyiaj cia rau lub caij lawv tseem ua hauj lwm, kom thaum txog hnoob nyoog so hauj lwm lawm lawv tau nyiaj txaus rho coj los siv, kom tej neeg thiaj ua tau lub zoo neej tsim meej mom rau lub caij ntau xyoo tom qab lawv tau so tsis ua hauj lwm lawm.
Ntawd yog tej yam tseem ceeb heev rau tej neeg tau yug nyob ntawm ib lub teb chaws uas tsis muaj tej system zoo li pe blub no tau siv. Thiaj yog tej yam tseem ceeb yuav tau qhia rau tej neeg kom paub txog tej system no. Vim yog tej neeg kub siab txog lawv tej nyiaj super npaum li cas ces haj yam zoo npaum li ntawd rau lawv xwb. Yog tias lawv kub siab txheeb lawv tej pay slips thiab ua tib zoo xyuas kom tau nyiaj super rau lawv tej super funds, thiab lawv yuav pom tias tau nyiaj supef ntau tuaj ntxiv lawm. Vim yuav pab kom lawv muaj cib fim yuav txiav txim siab rau ib lub caij twg ntawm lawv lub neej tias puas tsim nyog yuav tso nyiaj ntxiv kom ntau kom thiaj li tau nyiaj txaus siv rau lub caij so tsis ua hauj lwm lawm.
Yog li peb thiaj xav txhawb nqa kom tag nrho tej neeg mloog lub xov tooj cua no kub siab txog lawv tej nyiaj super, thiab txheeb xov xwm kom ntau ntxiv thiab kub siab txog lawv tej nyiaj no ntawm lawv lub neej. Vim yog tej yam tseem ceeb heev uas Australia yuav muaj peev xwm pab tau nws ntau million tus pej xeem thiab tej neeg uas ua hauj lwm tag lawv ib sim neej.
Koj puas muaj dab tsi tham txhab ntxiv ua ntej yuav xaus cov kev sib tham no?
Misha Schubert:
Tiag mas yog tej yam tseem ceeb heev uas peb yuav tau nrog xyuas kom cov super system yogi b co system ua tau hauj lwm zoo kom thiaj tau nyiaj txaus rau tej neeg tau siv rau lub caij so tsis ua hauj lwm.
Qhov uas tej nyiaj super no pab tau peb sawv daws ces yog qhov tias peb maj mam khaws me ntsis ib limtiam rau ib limtiam los yog ntawm ob lim tiam twg rau ob limtiam ntxiv rau lub caij peb ua hauj lwm ntawd. Ces tej nyiaj txuas kom tau siv rau lub caij so tsis ua hauj lwm lawv yuav tau ntau npaug ntxiv tuaj rau lub caij ntau caum xyoo uas peb ua hauj lwm ntawd. Vim li ntawd thiaj yog tej yam tseem ceeb heev uas peb yuav tau xyuas kom muaj cov super system zoo kom thiaj khwv tau nyiaj tsam rau tej neeg ua hauj lwm sawv daws ntawm teb chaws Australia. Ces peb thiaj xav txhawb nqa kom tej neeg kub siab txog lawv tej nyiaj super ntawm lawv lub neej.
Koj puas xav tias cov nyiaj txuag coj los yuav thawj lub tsev (first homeowner saving scheme) tsim nyog yuav siv tau nthuav dav tshaj no thoob teb chaws no, piv txwv li yog kuv tab tom txuag kom tau nyiaj mus zoj yuav thawj lub tsev rau kuv, ces tsoom fwv yeej yuav them nyiaj pab ntxiv rau tej nyiaj kuv khaws cia ntawd kom tau ntau ntxiv es tsis txhob siv tej nyiaj super?
Misha Schubert:
Yog mas. Yeej muaj ib co program li no siv tam sim no li cov uas tej zaum nej yeej paub lawm tias yog first time Super Saver Scheme. Tab sis qhov tseem ceeb ntawm cov program no mas nws tso cai rau ib tug neeg tso nyiaj ntxiv rau nws tej nyiaj super uas yuav siv coj mus zoj yuav tsev nyob, tab sis kuj tsis muaj peev xwm yuav rho tau cov nyiaj super guarantee siv. Tej nyiaj li hais ntawd ces yog cov nyiaj uas yus tus tswv lagluam yuav tsum tau them sawv cev rau yus coj mus khaws cia yuav tsev xwb tsis muaj peev xwm yuav rho siv, kom thiaj khaws tau nyiaj txaus rau yus siv thaum so tsis ua hauj lwm xwb. Ces tej nyiaj first time Super Saver Scheme no thiaj yog cov khaws cia coj mus zoj yuav tsev raws li qhov tsim nyog ua tau.
Thiab kuj yogi b co tseem ceeb heev uas tsim los siv thiab pab kom tej neeg txuag tau nyiaj. Thiab cov kev txuag nyiaj no yuav tsis muaj teeb meem kev cuam tshuam dab tsi rau lwm cov cai uas yuav ua rau muaj teeb meem rau tej kiab khw vaj tse dab tsis los sis yuav tsis ua rau tej nqe tsev kim li cas. Ces thiaj muaj cov first home super saving scheme no siv tam sim no thiab yog ib lub tswv yim khaws nyiaj txiaj zoo los pab kom tej neeg khaws tau nyiaj txaus mus yuav tsev yam tsis ua rau nqe tsev kim los yog tsis muaj teeb meem dab tsi rau tej nyiaj superannuation.
Ua tsaug ntau rau koj cov lus tawm tswv yim txog cov kev rho nyiaj super ntxov los yuav thawj lub tsev os Misha Schubert uas yog tus coj lub koom haum Super Members Council.
Misha Schubert: Zoo siab heev nawb. Ua tsaug ntau.
READ MORE
Puas yog nom tswv cov kev pab tej neeg yuav thawj lub tsev haj yam ua rau nqe tsev kim tuaj ntxiv
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
