Labor cog lus tias yusv siv nyiaj $664 million los tsim 50 lub chaw kho mob bulk billing urgent care clinics yog nws raug xaiv ua tus nom tshiab
Raws li pab nom Labor tau cog lus ua nej yuav muaj cov kev xaiv tsa tsoom fwv teb chaws tias yuav xyuas kom tej neeg Australia feem coob tau mus siv tej chaw kho mob bulk billing urgent care clinics uas tsuas nyog nrug ntawm yus li 20 ntiag tiv xwb.
Tsoom fwv tau cog lus tias yuav qhib 50 lub clinics no rau thaum xaus rau lub 6 hli ntuj xyoo 2026 yog tias nws yeej cov kev xaiv tsa raug rov qab xaiv los ua nom tiam ob ntxiv, thiab raws li tau muaj cov kev ntsuam zej tsoom cov kev tawm tswv yim lawm, ces pom tau tias ob pab nom tseem ceeb (Labor/Coalition) yeej muaj cov kev sib tw nom sib nrawg nroos.
Tej nyiaj $644 million no ces yog tej tswv yim npaj los tsim kom muaj tej clinics ntau ntxiv tuaj siv rau txhua lub xeev, thiab ua ke no los Labor yeej tau qhia tej chaw ntau qhov lawm thiab mam li los txiav txim ua zaum kawg tias seb yuav ua li cas ntxiv.
Tsoom fwv yeej tau qhib 87 lub urgent care clinics rau thawj term thaum nws tau los ua nom lawm.
Thiab yog tias thaum tsim tau tej clinics tshiab no coj los siv ntxiv lawm ces, yuav muaj neeg Australia txog li 80 feem pua los sis txhua txhua 4 tug ntawm 5 tug neeg Australia twg uas nyob nrug ntawm tej clinics no tsuas tau tsav tsheb ntev txog 20 ntiag tiv mus siv ib lub chaw ntawm 137 lub no xwb raws li lub tuam chav uas tswj cov hauj lwm noj qab haus huv thiab tu tsom kwm tej haus cov kev tshuaj ntsuam qhia.
Treasurer Jim Chalmers tau hasi tias tej clinics uas yuav tsim ntxiv no yuav pab neeg Australia txuag tau tej nqe kho mob.
Nws tau qhia rau lub chaw nthuav xov xwm Sky News hnub zwj Hnub (Sunday) tias ''Yog tias muaj tej kws kho mob uas siv cov bulk billing ntau tuaj ntxiv ntawm tej zos, ces yuav ua rau tej cub yig ib nyuag tso siab zog, thiab txhais tau tias yuav pab tej tej cuab yig txuag nyiaj me ntsis. Vim thaum peb pab tau tej cuab yig tej nyiaj txiaj siv lawm ces peb kuj pab tau kom tej neeg tsis txhob pheej mus siv tej emergency departments lawm thiab.''
Ces thiaj yuav muaj tej kws kho mob thiab tej nurses los kho tej mob nkeeg ntau yam dawb uas tsis muaj kev phom sij loj rau tib neeg txoj sia thiab tej xwm txheej raug mob ntau yam ntawm tej chaw kho mob Medicare Urgent Care Clinics, thiab thaum xub ces yeej yog ib co chaw pab kom tsis txhob pheej muaj neeg mus siv zej tsoom tej tsev kho mob ntau.
Ntawm 50 lub clinics tshiab no ces, yuav tsim 14 lub ntawm NSW, 12 lub ntawm Victoria thiab 10 lub ntawm Queensland, 6 lub ntawm Western Australia, 3 lub ntawm South Australia thiab Tasmania, ua ke no los ACT thiab Northern Territory los kuj yuav tau ib lub ntxiv thiab.
Yuav muaj tej kev kho tej mob uas raug mob me ntau yam li — tos raug riam hlais, pob txha dam/xwb, kub hnyiab, ntxiv qhov txhab thaib lo qhov txhab thiab muaj tej khoom ib yam dab tsi nkag rau qhov ntsej qhov ntswg thiab qa — los sis kho ntau yam mob nkeeg me li — mob hlab ntsws, ua pob, mob plab dia hau, los ntshav thaum muaj me nyuam thawj 3 lub hlis, los yog mob qhov ntsej, qhov ntswg, qhov muag thiab mob qa.
Yav dhau los ces twb yeej tau muaj tej neeg ntau tshaj 1.2 million tus tau siv tej kev kho mob ntawm tej clinics us muaj siv tam sim no lawm. Thiab txhua txhua ib tug neeg mob ntawm peb tug twg ces yeej yog cov neeg hnoob nyoog qes dua 15 xyoos.
Puas yuav tau txais txiaj ntsim rau tej nyiaj yuav siv los tsim tej clinics no tshiab li cas
Lub koom haum sawv cev rau tej chaw kho mob/kws kho mob (The Royal Australian College of GPs - RACGP) tau hais tias lub hom phiaj uas tsim tsa tej clinics tshiab no ces ntshe ''xyov puas yuav tau txais txiaj ntsim rau tej nyiaj sau tau los ntawm tej neeg them se'' thiab tseem nug tias seb tsoom fwv ho yuav nrhiav tej neeg ua hauj lwm kho mob li cas los ua hauj lwm rau lub caij uas twb tsis muaj tej neeg no txaus siv.
Dr Michael Wright ua yog tus coj lub koom haum RACGP tau hais rau ib co ncauj lug hnub zwj Hnub (Sunday) tias:
"Lub tswv yim zoo tshaj plaws yuav pab kom muaj neeg tau siv cov urgent care clinics ntau tuaj ntxiv thiab kom tsis txhob muaj neeg mus siv peb tej tsev kho mob ntau ces yog yuav tsum pab nyiaj rau tej chaw kho mob tam sim no kom muaj peev xwm tsim tau cov kev kho mob tam sim no kom siv tau ntuav dav tshaj qub ntxiv, suav cov kev xyuas kom tau siv cov kev kho mob tom qab so tsis ua hauj lwm lawm ntxiv thiab,''
"Tej no thiaj yuav pab kom tau txais kev noj qab nyob zoo tshaj qub ntxiv thaum uas tej neeg muaj peev xwm mus siv tau tej urgent care ntawm lawv tej chaw kho mob uas lawv ib txwm siv, vim tej chaw kho mob no yeej muaj lawv tej keeb kwm kho mob, thiab yeej txhawb nqa lawv cov kev kho tej neeg no txuas ntxiv.''
Wright los kuj yeej tseem muaj kev txhawj xeeb txog Australia cov urgent care clinic model "uas yeej tseem tsis tau ua tib zoo txheeb kom ntxaws thaib.''
Nws tau hais tias "Yeej tau muaj ib cov ntawv cej luam txaus txhawj xeeb heev tau qhia tias ntshe tej nqe kho mob no tseem yuav kim yam tsawg li 4 nplaug kim dua tej nqe kho mob ntawm tej chaw kho mob GP thaib. Yog tias tsis muaj cov kev ua tib zoo txheeb tej urgent care clinic model no kom ntxaws ces yeej tsis muaj pov thawj qhia tau tias yuav yog ib lub tswv yim zoo,''
Mark Butler uas yog Australia tus nom tswj dej num noj qab haus huv tau qhia tias yeej tseem tab tom muaj ib cov kev tshuaj ntsuam ntawm ib pawg neeg tuaj nruab nrab tsis nce rau tog twg tab tom mus txheeb tej clinics uas muaj siv tam sim no thiab tseem yuav cej luam qhia rau tsoom fwv xyoo 2026.
Nws tau qhia rau tej neeg nthuav xov xwm hnub zwj Hnub (Sunday) tias "Yeej paub tseeb tias cov program no yeej siv tau hauj lwm zoo. Vim tab tom pab tej neeg Australia thiab yeej yog tej yam pab tau ntau yam zoo rau peb tej tsev kho mob thiab. Tsis tas li ntawd los tsuas muaj tsawg tsawg cov mob uas yuav tau kho sai los sis tsis tas kho sai thiaj mus siv tej kev kho mob ntawm peb tej tuam chav emergency departments ze ntawm peb tej urgent care clinics xwb.''
Tej chaw uas xav thov tsim cov urgent care clinics tshiab siv
NSW: Bathurst, Bega, Burwood, Chatswood, Dee Why, Green Valley and surrounds, Maitland, Marrickville, Nowra, Rouse Hill, Shellharbour, Terrigal, Tweed Valley, Windsor
Victoria: Bayside, Clifton Hill, Coburg, Diamond Creek and surrounds, Lilydale, Pakenham, Somerville, Stonnington, Sunshine, Torquay, Warrnambool, Warragul
Queensland: Brisbane, Buderim, Burpengary, Cairns, Caloundra, Capalaba, Carindale, Gladstone, Greenslopes and surrounds, Mackay
Western Australia: Bateman, Ellenbrook, Geraldton, Mirrabooka, Mundaring, Yanchep
South Australia: East Adelaide, Victor Harbour, Whyalla
Tasmania: Burnie, Kingston, Sorell
ACT: Woden Valley
Northern Territory: Darwin
READ MORE
Cov kev kho mob uas siv bulk billing
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
