Ntsiab lus tseem ceeb:
- Medicare yeej tsis pab them tej nqe rho hniav/ua hniav feem ntau.
- Yog tias koj tsev neeg tau txais kev pab cuam ntawm tsoom fwv, ces koj tej me nyuam muaj peev xwm mus siv cov kev rho hniav uas siv cov bulk billing tau.
- Tej kws rho hniav yeej yog tej neeg uas saib xyuas ntau yam teeb meem cuam tshuam txo kev kho hniav rho hniav los ygo kho ib yam ib yam dab tsi tsi ntsees twg.
Dental health care ces yog cov kev tu saib xyuas thiab kho kom tau txais kev noj qab nyob zoo rau koj tau hniav thiab qhov ncauj, suav koj tej hniav, tej pos hniav thiab lwm yam hauv koj lub qhov ncauj nrog.
Tab sis yog tham txog tej dental care uas tej kws rho hniav muaj rau sawv daws siv, thiab tej uas peb pom muaj siv ntau tshaj plaws ces yog thaum peb tam li ib tug neeg mob mus ntsib ib tug kws rho hniav. Tej kws rho hniav yeej muaj peev xwm ua tau ntau yam txheej txheem rho hniav raws li tej hauj lwm lawv muaj peev xwm ua tau.
Dr Wessam Atteya ces yog ib tug kws rho hniav ntawm Melbourne ntev tshaj 15 xyoos ntawm Australia.
Nws hais tias tej kws rho hniav yeej yog cov uas los txheeb xyuas txhua yam mob nkeeg cuam tshuam txog tej hniav thiab ua hniav mus txog rau ib yam dab tsi cuam tshuam txog hniav. Muaj qee zaus ces tej niam txiv kuj raug ib lub chaw kho mob twg xa kom mus ntsib lwm cov neeg ua hauj lwm cuam tshuam txog hniav uas yuav tau siv ib cov kev kho tsi ntsees twg uas muaj siv ntawm teb chaws Australia.
Dr Atteya tshab txhais tias "Tej zaum [Ib tug rho hniav] kuj yuav yog piv txwv li rho hniav, ua hniav cuav, ntsia ib tug/ib thom hniav tshiab rau ib tug neeg twg lub qhov ncauj. Tsis tas li ntawd los yeej muaj ib co kws rho hniav uas tsuas rho tej me nyuam yaus hniav nkaus xwb thiab.''
Tsis tas li ntawd los Dr Atteya kuj hais ntxiv tias kuj tseem muaj lwm cov kws ua hauj lwm los pab kom tej neeg tau txais kev noj qab nyob zoo rau lawv tej qhov ncauj thiab tej hniav thiab. Tej neeg no ces yeej tau kawm kom paub txog tej txheej txheem tiv thaiv thiab kho hniav li kaus pob zeb taub txuab los yog ntsuam xyuas seb qhov ncauj thiab hniav puas muaj teeb meem dab tsi.
Lawv thiaj yog tej neeg ua ib txoj hauj lwm tseem ceeb qhia tej neeg mob kom paub tias yuav ua li cas qhov ncauj thiab hniav thiaj huv si thiab tiv thaiv kom tsis txhob muaj kab mob.
Chaw rho hniav ntiav ces yog tej chaw uas tej neeg mob rho nyiaj ntiag tug them los yog siv cov private health insurance them kom tau rho hniav/kho hniav. Credit: XiXinXing/Getty Images/Xixinxing
Rho/ua hniav ntiav thiab zej tsoom cov kev rho/kho hniav
Tej dental services ntawm Australia ces yeej muaj chaw rho hniav ntiav thiab zej tsoom tej chaw rho hniav. Tab sis zej tsoom tej chaw rho hniav yog cov uas pheej yig zog thiab tsis kho kom yus tej kaus hniav zoo nkauj.
Dr Atteya tshab txhais tias tej zaum tej neeg mob kuj tsis muaj peev xwm xaiv tias lawv xav ntsib tus kws rho hniav twg yog tias lawv siv zej tsoom tej chaw rho hniav.
Nws hais ntxiv tias ''Muaj tej thaum ces tej tub kawm xyaum kawm rho hniav kuj yuav rho hniav rau tej neeg mob uas siv zej tsoom tej chaw rho hniav los yog tej neeg oral health therapists thiab, tab sis yeej muaj ib tug kws rho hniav saib thiab qhia nrog nraim.''
Tus kws rho hniav ntawm Melbourne no thiaj hais tias zej tsoom tej chaw rho hniav yeej ib txwm muaj neeg siv coob heev, ces thiaj yuav tau tos ntev heev thiaj muaj peev xwm teem caij mus siv tau.
Txuas ntxiv ntawd los tej zaum tej neeg mob kuj yuav tau them me ntsis thaum mus siv cov kev rho hniav thiab.
Tab sis kuj txawv yog tias koj mus rho hniav ntawm tej chaw rho hniav ntiav, uas koj yuav tau rho nyiaj ntiag tug them tej nqe rho los yog mam li siv cov private health insurance pab.
Dr Atteya tshab txhais tias "Ntawm tej chaw rho hniav ntiav ces tej neeg mob yeej xaiv siv tau tus kws rho hniav uas lawv xav kom kho lawv. Tsis tas li ntawd los kuj muaj ntau txoj xub ke rau tej neeg xaiv siv, suav cov kev kho kom tej kaus hniav zoo nkauj nrog thiab. Tsis tas li ntawd los tej chaw rho hniav ntiav yeej muaj tej technology tshiab siv uas tej zaum yuav tsis muaj tej twj no siv ntawm zej tsoom tej chaw rho hniav.''
Cov kev rho hniav pub dawb rau tej me nyuam yaus - Child Dental Benefits Schedule (CDBS)
Ntawm Australia no ces uas yog zej tsoom ib co kev kho mob uas pab them nyiaj kho mob yeej tsis them tej nqe siv dental healthcare services ntawm lub koom haum Services Australia uas yog haiv neeg no ib lub koom haum pab zej tsoom.
Dr Atteya hais tias Medicare tsuas them tej nqe rho hniav rau tej ntxhais hluas thiab tub hluas nyuam qhuav nto nkauj nto raug thiab tej me nyuam yaus raws li cov kev pab cuam scheme xwb.
Ces koj tus me nyuam yuav muaj peev xwm siv tau cov kev pab cuam CDBS yog thaum lawv muaj cai siv tau Medicare, tab sis lawv yuav tsum muaj hnoob nyoog qes dua 17 xyoo, thiab koj los yog koj tej me nyuam yuav tsum yog cov neeg yam tsawg ib zaug ib xyoos twg.
Justin Bott uas yog tus neeg qhia tej xov xwm rau tej zejzog ntawm lub koom haum Services Australia thiaj tshab txhais txog qhov tseem ceeb ntawm cov kev pab rho tej me nyuam yaus hniav (Child Dental Benefits Schedule) no.
Cov kev rho hniav rau tej me nyuam yaus (Child Dental Benefits Schedule -CDBS) no ces muaj hom phiaj pab kom tej me nyuam yaus tau rho hniav kom tsis txhob ntau yam teeb meem mob hniav rau lub caij lawv muaj hnoob nyoog lawm.Justin Bott, Communtiy Information Officer, Services Australia
Mr Bott tshab txhais tias "Tam sim no ces cov program Child Dental Benefits Schedule no yeej muaj nyiaj txog li ntawm $1,095 rho hniav los yog siv cov kev kho hniav yooj yooj yim rau tej me nyuam yaus siv rau lub caij ob xyoos.''
Ces thiaj yuav piv siv cov kev pab cuam rho hniav (CDBS) ob xyoo no rau thaum ib tug me nyuam los yog ib tug hluas uas nyuam qhuav nto nkauj nto nraug muaj cai siv tau thawj cov kev rho hniav no mus, thiab lawv yuav tsum yog cov neeg muaj cai siv tau cov kev pab rho hniav no rau lub caij ntawd.
Thiab yog tias koj tus me nyuam muaj cai siv tau cov kev pab rho hniav no txuas ntxiv tom qab 2 xyoos lawm, ces koj yuav tau nyiaj pab cuam rho hniav ntxiv rau 2 xyoos txuas ntxiv thiab.
Mr Bott hais ntxiv tias "Ces yeej tseem yuav tau cov kev pab rho hniav no siv mus txog ntua rau thaum koj tus me nyuam tsis muaj cai siv lawm. Uas yog pib txij tim 1 lub 1 hlis ntuj rau thaum pib muaj cai siv tau cov kev pab no 2 xyoos. Ces yog tias lub caij ntawd koj tsis siv tej nyiaj pab cuam li cas yuav tsis tso txhab ntxiv rau cov yuav pab tshiab rau 2 xyoos txuas ntxiv tom ntej lawm, tab sis yuav tau dua ib co nyiaj tshiab siv lawm xwb.''
Ces tej nyiaj pab rho hniav hu ua CDBS thiaj yuav pab them tej nqe mus txheeb xyuas yus tej qhov ncauj thiab hniav, nqe x-rays, nqe kaus zeb taub txuab uas khub hniav, nqe ntsaws tej hniav tawg los yog hniav to qhov, nqe kho hlwb txhab ntiav kom siv tau tus hniav ntawd yam tsis tas rho pov tseg, nqe rho hniav, tab sis kuj tsis them tej nqe rub thiab zoj kom hniav ncaj los yog tej nqe kho pab kom hniav dawb zoo nkauj.
Mr Bott hais tias kauj ruam tseem ceeb uas yuav pab kom siv tau cov kev pab rho hniav CDBS no ces yog qhia rau koj tus kws rho hniav paub tias koj yuav siv cov kev pab no ua ntej yuav rho hniav.
Tsis tas li ntawd los koj yeej muaj peev xwm mus txheeb online ntawm koj phau account seb koj tus me nyuam ntawd tshuav cov nyiaj pab rho hniav no npaum li cas, vim phau account no ces yeej txuas tau nrog tag nrho tsoom fwv cov kev pab cuam hauv online ntawm tib qho chaw, los sis yog koj muaj peev xwm hu nug Medicare los tau.
Ntxiv ntawd los koj tus kws rho hniav kuj muaj peev xwm txheeb tias seb koj tus me nyuam tau txais kev pab dab tsi thiab ho tshua nyiaj pab ntau npaum li cas rau thaum koj teem caij mus rho hniav thiab.
Tej nqe kho/rho hniav ntawd teb chaws Australia no yeej kim dua yog piv rau tej nqe ntawm lwm cov teb chaws. Credit: Tom Werner/Getty Images
Vim li cas tej nqe rho/kho hniav thiaj kim heev ntawm Australia piv rau lwm cov teb chaws?
Ntawm Australia no ces tej chaw rho hniav ntiav yog cov rho hniav feem ntau xwb. Ces Dr Atteya thiaj hais tias ua rau tej nqe rho hniav kim dua yog piv rau tej nqe ntawm lwm cov teb chaws, vim rau qhov tias muaj ntau yam nqe cuam tshuam txog cov kev rho hniav nrog rau lwm yam ntxiv thiab.
Nws hais tias "Tej kws rho hniav los yeej siv sij hawm kawm yam tsawg li 5 xyoos, los yog tej zaum tseem kawm ntawv tshaj ntawd ntxiv thiab, tsis tas li ntawd los tseem yuav tau kawm ntxiv thiab ces thiaj yuav tau siv nyiaj ntau heev kom thiaj li paub ua tau ib tug kws rho hniav zoo raws tiam vam meej thiab ua tau cov hauj lwm zoo raws li tej pov thawj qhia tias siv tau hauj lwm zoo tiag.''
Ces thiaj muaj tej kev taw qhia tias tias yog xav kom tau them tej nqe rho hniav tsawg thiab tiv thaiv kom tsis txhob muaj tej teeb meem cuam tshuam txog hniav rau yav pem suab, ces yuav tsum tau kub siab ntso los tu thiab saib xyuas kom tau txais kev noj qab nyob zoo rau yus lub qhov ncauj thiab tej kaus hniav.
Kuv thiaj xav kom sawv daws kub siab txog cov kev tiv thaiv thiab yuav tau xub kub siab tu thiab saib xyuas kom tau txais kev noj qab nyob zoo rau yus lub qhov ncauj thiab tej hniav, mus ntsib ib tug kws rho hniav tas mus li, uas yog ntsib ib zaug twg txhua txhua 6 lub hli twg los yog ntsib kws rho hniav 1 xyoos 2 zaug, ua ntej yus yuav mloog tau tias zoo li muaj tej yam dab tsi txawv txav rau yus tej hniav.Wessam Atteya, Dentist
Yog tias koj xav paub xov xwm kom ntxaws ntxiv txog zej tsoom cov kev pab tej me nyuam yaus thiab tej laus rho hniav los yog xav siv cov emergency dental care, los yog ib cov kev kho mob tsi ntsees cuam tshuam txog cov kev rho hniav twg ntawm ib lub xeev twg ces muaj peev xwm txheeb tau raws li hauv qab no.
- Australian Capital Territory:
- New South Wales:
- Northern Territory:
- Queensland:
- South Australia:
- Tasmania:
- Victoria:
- Western Australia:
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
