Qhov chaw twg yog cov chaw tej zaum yuav muaj tej bulk-billing GP ntau tshaj plaws thiab tsawg tshaj plaws

Tau nug tej chaw kho GP clinics ze txog li 7,000 lub thoob teb chaws Australia no seb muaj pes tsawg lub siv cov bulk billing rau tej neeg mob tshiab. Ces no yog tej uas peb txheeb tau.

One in four GP clinics that were called were taking on new patients and willing to bulk bill. Source: Getty / Caia Image

Ntsiab lus tseem ceeb:

Tsuas muaj ib lub ntawm plaub lub clinic twg ntawm Victoria thiaj muaj cov bulk billing rau tej neeg mob siv xwb, thiab muaj ib lub ntawm kaum lub twg siv ntawm WA, thiab muaj tsawg dua ib lub ntawm ib puas lub twg ntawm Tasmania thiaj muaj cov bulk billing rau tej neeg mob tshiab siv xwb.
Ces thiaj ua rau tej neeg ntawm cov xeev NSW, ACT thiab Tasmania yog cov neeg us tau rho nyiaj ntiag tug them ntau ntsib kws kho mob ntau tshaj plaws raws tus zauv nrab.
Thiab kuj tau muaj cov kab theem siv bulk billing thoob teb chaws Australia no siv nqes ntawm 11.1 feem pua lub 4 hlis ntuj xyoo 2023 thiab lub 11 hlis ntuj xyoo 2023 lawm.

Yog tias koj pheej yuav tau hu rau ntau lub chaw kho mob kom thiaj nrhiav tau ib tug kws kho mob uas siv cov bulk billing ces tej zaum tsis yog koj tib leeg thiaj ntsib tej teeb meem no xwb.

Raws li tau muaj ib tsab ntawv cej luam tau qhia ces yeej muaj tej chaw kho mob GP clinics tsawg dua ib lub ntawm plaub lub twg thiaj siv cov bulk billing rau txhua tus neeg mob uas siv lawv lub chaw kho mob xwb.

Kate says her son's $4.7k dental shock exposes system issues. There are calls for a shake-up

Tom qab tau nrog tej chaw kho mob GP clinics ntau tshaj 6,800 thoob teb chaws Australia tham lawm, ces Cleanbill uas yog ib lub koom haum teev tej chaw kho mob hauv online kuj tau txheeb tau tias haiv neeg no cov kab theem siv bulk billing uas tej kws kho mob siv thaum ntsib tej neeg mob tshiab ntawd ces tam sim no (08.01.2024) tsuas yog 24.2 feem pua xwb.

Nod yog muaj cov kev siv tej bulk billing zoo li cas ntawm tej xeev.

Muaj cov kev siv bulk billing tsawg lawm

Yog siv bulk billing ces tej kws kho mob kom Medicare them tej nqe kho mob rau tej neeg mob, ces tej neeg mob yuav tsis tau them nqe kho mob thaum mus ntsib ib tug kws kho mob.

Thiab yeej muaj tag nrho 514 lub clinics thoob teb chaws Australia no yeej siv cov bulk billing rau tag nrho txhua cov neeg mob rau thaum pib xyoo no kuj tau tso tseg tsis siv cov bulk billing no rau lub 11 hlis ntuj xyoo 2023 lawm.

Ces lub koom haum Ceanbill tsab ntawv cej luam uas xub coj los tshaj tawm rau lub 4 hlis ntuj xyoo 2023 tau qhia tias 35 feem puas ntawm tej GP clinices ntawm Australia yeej tau siv cov bulk billing rau tej neeg mob.

Ces thiaj ua rau muaj cov kev siv cov bulk billing no nqes tsawg dua 11 feem pua ntawm lub xyoo 2023 lawm.

A female doctor wearing a headscarf speaks with a man and a woman.

Thiab yeej muaj tej kev siv bulk billing rau tej zos toj siab tsawg dua thiab tej zaum tej zaum tseem yuav tau them tej nqe kho mob kim dua thiab. Source: Getty / stockstudioX

Western Australia (WA) ces yog lub xeev uas muaj cov kev siv bulk billing tsawg tshaj plaws rau tsaib no.

Txawm tias tus kab theem siv bulk billing ntawm lub xeev no tseem nyob rau ntawm 26.1 feem pua xyoo 2024 los tam sim no yeej tau nqes yuav laug txog li ntawm 17 feem pua los nyob li ntawm 9.2 feem pua lawm xwb.

Tsis tas li ntawd los kuj yog tej yam nyuaj yuav nrhiav tau ib tug kws kho mob siv bulk billing siv ntawm Tasmania rau thawj 6 lub hli thiab txog rau lub 11 hlis ntuj ces tsuas muaj 2 lub ntawm 100 lub clinics ntawm Tasmania thiaj siv cov bulk billing xwb, thiab ib lub ntawm ob lub chaw kho mob uas siv cov bulk billing no yeej tsub nqe $167 rau tej neeg xub teem caij yuav mus ntsib ib tug kws kho mob twg.

Hos Australian Capital Territory (ACT) ces yog lub xeev uas muaj neeg tau siv cov bulk billing tsawg tshaj plaws txog li 3.8 feem pua xwb uas tej clinics thiaj muaj cov services no rau tej neeg mob tshiab siv.

Lub xeev uas yeej tseem yuav siv cov bulk billing

Xeev New South Wales (NSW) yeej tseem yog lub xeev uas tej clinics feem coob yeej tseem muaj cov bulk billing rau tej neeg mob tshiab siv. Txawm li cas los yeej muaj siv tsawg lawm thiab.

Rau qhov lub xeev no yeej tau muaj cov kab theem siv bulk billing ntawm 48.6 feem pua thaum ntxov xyoo no nqe los ua 37.2 feem pua rau thaum yuav xaus xyoo lawm.

Ces lub xeev no thiaj muaj cov kev theem bulk billing siv ntawm 48.6 feem pua thaum ntxov xyoo no nqes los ua 37.2 feem pua rau thaum xyuas xaus xyoo 2023 lawm.

If you live in a bulk-billing 'desert' it's hard to see a doctor for free. Here's how to fix this

Yuav tau rho nyiaj ntiag tug them nqe kho mob ntau tuaj ntxiv

Cleanbill tsab ntawv cej luam kuj tau teev txog tej nqe yuav tau them thaum ntsib tej kws kho mob thiab.

Ces thiaj ua rau yuav tau them tus nqe theem nrab txog li $41.68 uas yog tus nqe kim dua tus nqe thaum ntxov ntawm lub xyoo thaum mus ntsib ib tug kws kho mob thoob teb chaws Australia no.

Thiab tej neeg nyob ntawm xeev Tasmania ces yog cov yuav tau them tej nqe mus ntsib ib tug kws kho mob kim tshaj plaws, uas yuav tau them raws tus nqe theem nrab txog li $10 ntau dua ces thiaj ua rau yuav tau them txog li $51.67 lawm.

Tus nqe theem nrab uas tej neeg yuav tau rho nyiaj ntiag tug them thaum mus ntsib ib tug kws kho mob ntawm ib lub xeev twg. Source: SBS

Cleanbill founder James Gillespie uas yog tus teeb tsa lub koom haum Cleanbill tau hais tias yeej tseem yuav tau them tej nqe kho mob kim tshaj rau ntawm tej zos toj siab thiab.

Nws tau hais tias "Vim yuav tau siv ntau yam nqe los tswj lub chaw kho mob ntawd rau ntawm tej zos toj siab ntawd ces thiaj ua rau tej nqe kho mob kim zog thiab yeej muaj tej bulk billing siv tsawg dua. Vim li ntawd peb thiaj pom tias tsuas muaj tib lub clinic ntawm Tasmania thiaj muaj cov bulk billing rau tag nrho tej neeg mob tshiab siv thiab thiaj tseem kho tej neeg mob tshiab ntxiv xwb.''

Dr Nicole Higgins uas yog tus coj ntawm lub koom haum sawv cev rau tej kws kho mob (Royal Australian College of GPs - RACGP) tau hais tias lub koom haum Cleanbill tsab ntawv cej luam cov kev teeb txheeb tau no tseem yog ib co pov thawj qhia rau peb tias peb yuav tau kub siab tshaj no los ua tib zoo xyuas kom txhua leej txhua tus muaj peev xwm siv tau tej kev kho mob.

Just 35 per cent of GP clinics bulk bill new patients. Here's how your area compares

Dr Higgins tau hais tias "Yog tej yam tseem ceeb uas txhua leej txhua tus muaj peev xwm siv tau tej kws kho mob no - vim yog ib co kev pab kom tej neeg ua tau lub neej tau txais kev noj qab nyob zoo dua thiab pab kom tsis txhob muaj teeb meem ntau rau peb tej tsev kho mob. Thiab kuj yog peb ib co kev kho mob uas siv tau zoo tshaj plaws, vim cov kev ntsib ib tug kws kho mob 20 ntiag tiv yuav tau them nyiaj txog li $40 xwb, tab sis yog siv tsev kho mob ces yuav tau them tshaj $600 lawm, thiab tseem yuav kim thaj ntawd yog tias tseem txais ib tug neeg mob kho thiab.''

Nws thiaj tau hais tias tos ho poob rau tej xwm txheej zoo li no low twb vim yog

tsuas them tej nqe kho mob Medicare rebate rau tej chaw kho mob li qub rau lub caij 10 xyoo.

Tus nqe nrab yuav tau rho nyiaj ntiag tug them thaum mus ntsib ib tug kws kho mob ntawm ib lub xeev twg raws li Cleanbill qhia rau lub 1 hlis ntuj xyoo 2024. SBS News Source: SBS

Dr Higgins tau hais tias "Tam sim no ces txawm muaj tej neeg mus siv tej chaw kho mob general practice ntau tshaj lwm cov kev kho mob, los tsuas tau tsoom fwv tej nyiaj pab cov hauj lwm kho mob no txog li 6.5 feem pua xwb.''

Nws thiaj tau hais tias thiaj ua rau tej chaw kho mob ntawm tej xeev thiaj nce tej nqe kho mob kom thiaj duav lawv tej nqe se rau tej kws kho mob ntiag tug uas tau coj los siv tsis ntev los no rau lub caij tej nyiaj tseem poob nqe.

Anne Ruston uas yog lwm pab nom tus nom tswj dej num noj qab haus huv thiaj tau nqua hu kom pab nom Labor ''yuav tau kub siab ceev nrooj los nqes tes daws tej teeb meem no'' thiab tau hais tias neeg Australia ''yeej tsis muaj kev ntseeg siab tias yuav muaj peev xwm hloov tau tej xwm txheej uas txaus txhawj xeeb heev no.''

Cost of living takes toll on health sector

Ces tus nom no thiaj tau qhia ib cov ncauj lug rau SBS thiab tau ceeb toom tias ntshe cov kev mus ntisb ib tug kws kho mob no ces ntshe tej zaum tseem yuav tau them kim tshaj no ntxiv thiab.

Ruston tau hais tias ''Tej zaum kuj yuav ua rau yuav tau them $100 thaum yus mus ntsib ib tug kws kho mob ces ntshe yuav ua rau neeg Australia tsis muaj peev xwm yuav siv tau tej kev kho mob uas kim tuaj ntxiv.''

Tej nqe them thaum ntsib kws kho mob ntawm Australia

Ntau xyoo tsis ntev los no ces tej kws kho mob kuj siv bulk billing tsawg lawm

rau qhov tej nqe siv kho mob no kim tshaj tej nyiaj thov tau los ntawm Medicare lawm thiab tej chaw kho mob los yeej tsis tshua xav them tej nqe uas yuav tau siv coj los pab kom ua tau tej hauj lwm no ntxiv.

Ces tsoom fwv thiaj tau them $41.40 nyiaj Medicare rebate rau tej chaw kho mob uas ntsib ib tug neeg mob 15 ntiag tiv. Tab sis ib tug kws kho mob muaj peev xwm tsub tus nqe kim thaj ntawd, txhais tias yog tus nqe kim tshaj ntawd lawm ces tus neeg mob ntawd yuav tau nrho nws nyiaj ntiag tug them.

A young girl opening her mouth for a doctor to examine her.

Kuj tau tsim tej paj tshab kom muaj tej kws kho mob coob tuaj ntxiv tig los siv cov bulk billing rau ib cov neeg mob twg tsi ntsees suav tej me nyuam yaus nrog. Source: Getty / Halfpoint Images

Maria Boulton uas yog lub koom haum Australian Medical Association (AMA) ntawm ceg xeev Queensland tau hais tias them cov nyiaj Medicare rebate no tsawg heev lawm.

Nws tau hais tias ''Peb yuav tau tsub nqe kom ib nyuag kim zog kom peb thiaj muaj peev xwm siv tau tej chaw kho mob no txuas ntxiv.''

Tsoom fwv teb chaws los yeej tau them tej paj tshab no txog peb npaug rau tej kws kho mob uas siv cov bulk billing pab tej me nyuam yaus hnoob nyoog qes dua 16 xyoo, tej neeg tau cov Commonwealth concession card rau lub 11 hlis ntuj kom tej neeg no thiaj muaj peev xwm mus siv tau tej GPs.

Mark Butler uas yog tus nom tswj dej num noj qab haus huv tau hais tias tej nyiaj paj tshab $3.5 billion ces yeej tau pab rau txhua txhua 3 co ntawm 5 co kev mus ntsib tej kws kho mob twg.

Txawm tias Cleanbill tsab ntawv cej luam teev txog lub caij uas tus tsoom fwv Albanese tau los ua nom tau ib xyoos xwb los, Butler tau qhia rau SBS News tias tus tsoom fwv dhau raug liam tias yog tus uas rau tej kws kho mob tsis siv bulk billing.

Nws tau hais tias "yeej tau muaj cov kev txiav nyiaj tau 10 xyoo thiab yeej tsis kub siab txog tej hauj lwm no'' txhais tau tias yog tej yam nyuaj heev rau tej chaw kho mob yuav siv tau cov bulk billing ntxiv.

Cov care clinic xub kub siab kho tej neeg mob thiab tej tsev kho mob cov emergency departments

Tsoom fwv teb chaws los yeej cia siab tias tej urgent care clinics uas tau tsim tshiab coj los siv yuav yog lwm txoj xub ke kho mob rau tej neeg siv.

Ces thiaj tau cog lus tias yuav qhib ob lub clinic kawg ntawm 58 lub rau thaum xaus lub 12 hlis ntuj.

What's on the table as leaders prepare to tackle Australia's rising health care costs

Butler tau qhia tias tej clinics no yog cov tsim kom tej neeg muaj peev xwm siv tau kev kho mob yog lawv poob rau tej xwm txheej mob nkeeg ti tes ti taw, tab sis tsis muaj kev phom sij rau txoj sia, kom tej neeg thiaj li tau siv.

Nws tau hais tias "Tej clinics no los yeej yuav qhib rau lub sij hawm tom qab tej chaw kho mob feem ntau kaw lawm, kom tej neeg thiaj muaj peev xwm siv tau cov kev kho mob bulk billed uas cia li mus kiag rau ntawm lub chaw kho mob rau lub caij after hours ntawd thiab rau ob hnub so. Ces cov Medicare UCCs thiaj pab tej tej zejzog thiab pab kom tej emergency departments ho dim tes me ntsis.''

Ruston thiaj qhia txog nws cov kev txhawj xeeb tias ''muaj teeb meem'' rau Australia cov healthcare system.

“Yeej muaj teeb meem rau peb cov kev xub kho mob no rau lub caij pab nom Labor tseem ua nom thiab tus nom Albanese yuav tsum tau kub siab maj ceev nrooj los daws tej teeb meem no. Cov kev daws tej teeb meem no yog tej yam tseem ceeb yuav pab kom tsis txhob muaj kev cuam tshuam nrog peb tej tsev kho mob uas tam sim no yuav tau ua hauj lwm ntau heev.''

'People can't afford to live': Calls for more support as financial stress hits early pandemic levels

Gillespie tau hais tias ''kuj yog tej yam uas peb ntseeg tias'' cov kev tsis muaj cov bulk billing siv no ''tau ua rau tej neeg pheem mus siv tej emergency department ntawm tej tsev kho mob thoob teb chaws no ntau tuaj ntxiv.

Lub koom haum Australian Bureau of Statistics (ABS) tej xov xwm tau coj los qhia rau lub 11 hlis ntuj tsaib no yeej tau qhia tias

tau muaj neeg ncua tsis mus ntsib tej kws kho mob vim tsis muaj nyiaj them nqe kho txog rau tim 30 lub 6 hli ntuj xyoo 2023 ntawd

ntau tuaj ntxiv txog li ob npaug piv rau tsaib no lawm.

Nws hais tias "Ces peb thiaj xav tias yeej muaj neeg txog li 1.2 million tus mus siv tej chav emergency. Tsis hais yog mus ntsib ib tug kws kho mob uas tsis tau them dab tsi, los yog tsis xav mus ntsib ib tug kws kho mob vim pheej yuav tau them nqe kho mob, txog rau thaum lawv tus mob loj tuaj ras los ua ib co mob nkeeg ti tes ti taw uas yuav tau mus siv cov emergency department ntawm tej tsev kho mob uas lawv yuav tau mus siv ntawd.''