Cov tswv yim 3 theem coj los tshem cov kev txwv rau lub caij kab mob COVID-19 sib kis

Tseem fwv teb chaws Australia tau qhia txog nws cov tswv yim 3 theem coj los tswj cov kev maj mam tshem qee cov kev txwv kom pab tau neeg Australians rov qab ua tau lub neej li qub, mus ua tau hauj lwm thiab qhib tau tej lagluam tab sis kom tau txais kev nyab xeeb rau sawv daws.

Tsoom hwv Australia cov tswv yim 3 theem coj los tshem cov kev txwv rau lub caij muaj kab mob coronavirus sib kis

Tsoom hwv teb chaws Australia tau qhia nws 3 cov tswv yim yuav pib maj mam tshem qee cov kev txwv rau lub caij muaj kab mob sib kis no thiab yuav los xyuas kom teb chaws Australia tau txais kev nyab xeeb los ntawm cov kab mob COVID-19 no.

Tej nom tswv xeev los yeej yuav tau los xyuas seb tsim nyog lawv yuav tau ua raws li cov theem uas yuav tshem cov kev txwv no li cas kom haum raws li lawv lub xeev tej zwjceeb tswj kev noj qab haus huv rau nws tej zej tsoom ntawm nws lub xeev.

Yog li tsoom hwv Australia thiaj tau npaj los 3 theem tswv yim yuav siv los tshem qee cov kev txwv tseem ceeb li no:

• Theem 1: Maj mam xyuam xim ceev faj los pib qhib tej lagluam thiab pub cib fim rau neeg Australians rov qab mus ua hauj lwm thiab sib sau ua ke tau txog li 10 leej, pub ib tsev neeg twg tos qhua txog 5 leeg mus xyuas lawv hauv tsev thiab tso cai rau lawv sib sau ua ke tau txog li 10 leej ntawm ntsev, tso cai rau 5 tug neeg ntawm ib tsev neeg twg mus xyuas ib yim neeg twg, mus tau hauv tej zejzog thiab mus tau rau cheeb tsam tuaj ntug nroog tau.
• Theem 2: Yog theem ua txuas ntxiv ntawm theem 1 uas yuav tso cai rau 20 tus neeg sib sau tau ua ke, thiab yuav qhib lagluam ntau yam ntxiv li tej gyms, beauty services, chaw ua kev lom zem li chaw saib yeeb yaj kiab los yog chaw saib duab.
• Theem 3: Yog theem uas yuav hloov ntawm cov kev txwv los qhib rau tej neeg ua tau lub neej thiab ua tau hauj lwm ua tau txais kev nyab xeeb thiab tso cai rau tej neeg sib sau tau txog li 100 leej rau lub caij uas tseem muaj tus kab mob COVID-19 sib kis no. Tab sis yeej tseem yuav txwv tsis pub tej neeg mus txawv teb chaws thiab rov qab los tau rau Australia thiab tsis tau tso cai rau tej neeg sib sau ua ke tshaj 100 leej thiab.

Tsoom hwv Australia kuj qhia tias nyob ntawm seb neeg Australians ho koom tes npaum li cas kom tej nom tswv xeev muaj peev xwm los tshem tau cov kev tshem cov kev txwv 3 theem no xwb, xws li:

• Tseem yuav tau nyob kom nrug ntawm lwm tus neeg li 1.5 metres tsis hais lub caij twg los yog qhov chaw twg li.
• Yuav tsum nquag ntxuav tes thiab siv ntaub tissue pos thaum yus hnoos thiab txham ces tus yus tus kheej kom hu si thiab.
• Nyob twj ywm hauv tsev yog tias yus tsis xis nyob, thiab mus sim seb puas kis tau tusk ab mob COVID-19 no yog tias yuav ho muaj cov yam ntxwv mob ntsws los yog ua npaws ntawd.
• Download lub COVIDSafe app los siv kom peb thiaj muaj peev xwm txheeb tau tus kab mob virus no sai sai, thiab.
• Tsim tej tswv yim los siv kom tau txais kev nyab xeeb rau tom tej chaw ua hauj lwm los yog yuav ua ib yam dab tsi.

3 steps COVIDSafe (SBS) Source: SBS

Koj muaj peev xwm download tau tsoom hwv Australia lub COVIDSafe app raws li hauv qab no:

 

• Download tau lub app no ntawm 
  Apple Store
   yog koj siv iPhone.
• Download tau lub app no ntawm 
  Google Play
   yog koj siv Andriod phone.

Tam sim no twb muaj neeg Australian tshaj 4 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.

READ MORE

Lub app coj los tiv thaiv kab mob COVID-19

Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj ntawm teb chaws Australia no:

Thiab tej neeg kis tau tus kab mob coronavirus ntawm teb chaws Australia no muaj li hauv qab no lawm:

Tsoom hwv Australia yeej tau xub tshwm cov nyiaj $1.1 billion health package coj los pab cov Medicare telehealth, zaub mov thiab chaw nyob rau tej neeg txom nyem thiab pab daws cov teeb meem nyuaj siab ntxhov plawv thiab tiv thaiv cov teeb meem kub ntxhov hauv lub cuab yig. Koj muaj peev xwm mus nrhiav tau tsoom hwv Australia cov xov xwm qhia txog cov kab mob COVID-tau ntawm 

WhatApps

, 

Google Play

 and 

Apple Store

.

Australia tej xeev cov kev pab cuam rau tub kawm pej kum haiv thiab tshem qee cov kev txwv READ MORE

Qhia qhov tseeb txog cov kab mob COVID-19: READ MORE

Hmoob tus kws kho mob cov tswv yim tiv thaiv kom koj txhob kis tus kab mob coronavirus (COVID-19): READ MORE

Cov lagluam twg yuav raug kaw thiab muaj cai ua lagluam txuas ntxiv rau lub caij kab mob COVID-19 tseem sib kis txuas ntxiv: READ MORE

Image

Puas pub tsav tsheb mus ib qho qhov twg? (SBS) Source: SBS

Yog koj raug teeb meem kub ntxhov hauv lub cuab yig rau lbu caij kab mob COVID-19 kis thoob ntuj ces koj tawm tau ntawm koj tsev mus nrhiav kev pab cuam tau (SBS) Source: SBS

Txhua tus neeg ntawm teb chaws Australia yuav tsum nyob kom nrug ntawm lwm tus neeg deb li 1.5 metres, thiab nom tswv tsuas pub 2 tug neeg ua ke xwb tsuas yog tias ntshe tej neeg ntawd ho yog koj tsev neeg los yog koj yim neeg uas yog tib lub tsev ua ke xwb.

Yog koj ntseeg tias tej zaum koj kis tau tus kab mob virus no lawm, txhob mus ntsib koj tus kws kho mob tab sis hu mus nrog koj tus kw kho mob tham los yog hu mus rau lub koom haum National Coronavirus Health Information Hotline tus xov tooj 1800 020 080. Thiab yog koj txog txog siav ua tsis tau pa thiab mob hnyav heev ces hu rau tus xov tooj 000 thov kev pab cuam tau.

SBS yeej kub siab los qhia tej xov xwm tshiab txog cov kab mob coronavirus (COVID-19) ua 63 hom lus rau Australia tej neeg zej zog. Yog koj xav paub txog ntau yam xov xwm ua ntau hom lus ces koj mus txheeb xyuas tau ntawm sbs.com.au/coronavirus thiab txheeb xyuas tau cov xov xwm no ua ntawv Hmoob thiab lus Hmoob ces mus saib tau ntawm SBS Hmong.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.