Xov xwm tshaj tawm hnub zwj Quag (Tuesday news 21.11.2023):
Tam sim no tab tom muaj cov program Australian Antartica xav tau 200 tus neeg ua hauj lwm mus koom Australia 3 co kev teeb txheeb ntawm sub-Antarctic Macquarie Island.
Tsoom fwv tej tuam chav tau npaj tshuaj ntsuam lub tuam txhab Optus cov kev tsis muaj peev xwm siv tau nws tej xov tooj thiab internet thiab yuav npaj tswv yim tias yuav ua li cas kom thiaj muaj peev xwm siv tau cov xov tooj emergency services li Triple Zero los yog emergency calls.
Tau muaj ib tug txiv neej raug coj mus hais plaub hnub tim 21.11.2023 no ntawm xeev New South Wales vim raug liam tias tau yuam deev ib tug poj niam laus ntawm lub tsev laus Bateau Bay rau hnub tim 15.11.2023.
Tsoom fwv Australia tau qhia tias lub hli tom ntej no ces tej neeg Australia muaj cai hno tshuaj COVID vaccine yuav tau hno cov tshuaj vaccine tshiab hu ua COVID-19 XBB 1.5 vaccine raws li Mark Butler uas yog Australia tus nom tswj dej num noj qab haus huv tau qhia rau ntawm tsoom fwv lub tuam chav tswj kev noj qab haus huv rau hnub tim 20.11.2023 dhau los.
Lloyd Austin uas yog Amercia tus nom tiv thaiv teb chaws tau mus xyuas tuam ceeb Kyiv thiab tau cog lus tias Meskas yuav tshwm nyiaj USD 100 million pab rau tej cuab tam ua tsov rog ntxiv rau tej pab tam sim no rau teb chaws Ukraine.
Lub koom haum Anglicare Australia hais tias Australia tej neeg ua hauj lwm essential workers li aged care, nurses, early childhood education, cleaners etc yog cov tsis muaj peev xwm ntiav tau tej vaj tse nyob ze ntawm tej chaw ua hauj lwm uas lawv ua.
Lub koom haum Australian Competition and Consumer Commission (ACCC) tab tom nqua hu kom tej neeg Australia xyuam xim ceev faj txog cov online scamming rau lub caij Black Friday thiab Cyber Monday sales.
Tej kws teeb txheeb ntawm tsev kawm qib siab University of New South Wales cov kev teeb txheeb tshiab qhia tias kom tsoom fwv teb chaws thiab tej tuam txhab lagluam technology los koom tes pov puag tej me nyuam yaus kom tsis txhob raug tej txiv neej tsim cov teeb meem child sex abuse rau tej me nyuam yaus hauv online.
Tau muaj tej cuab yig ntawm tej neeg uas raug Hamas tej tub rog muab txhom mus tau nrog Israel tus thawj pwm tsav Benjamin Netanyahu tham ntawm sab qab teb vim lawv pom tau tias zoo li tseem tsis tau kub siab txaus txog cov kev pab kom tso tau tej neeg raug Hamas muab txhom kom raug tso rov qab.
Bangkok Post tau tshaj tawm tias Thaib tus lwm thawj pwm tsav thiab yog tus nom tswj dej num lagluam Wichayachai tau qhia tias Thaib lub tuam chav Council of State tseem tab tom txheeb tsoom fwv Thavisin tsab cai 500 billion Baht digital wallet bill thiab mam teb rau nws tus tsoom fwv seb puas pom zoo siv tej nyiaj no.
The Laotian Times tau tshaj tawm tias Nplog tus lwm coj uas tswj ciam teb ntawm Lao-Thai Friendship bridge tau los tshab txhais tias twb yog tim ib tug neeg Thaib daim passport tsis muaj lub thwj ntaus rau nws daim ntawv ces thaum nws tawm ntawm Nplog rov qab mus rau teb chaws Thaib nws thiaj rau nplua LAK 700,000.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
