Xov xwm luv tshaj tawm hnub zwj Feej (Wednesday newsflash 19.02.2025):
Tony Abbott uas yog Australia tus qub thawj pwm tsav nqua hu kom Australia pab tsim kev thaj ceeb rau teb chaws Ukraine rau lub caij uas Meskas thiab Russia tseem sib khom kom xaus tau tsov rog 3 xyoos thiab tsim kom tau kev ruaj ntseg ruaj. Australia tus coj no thiaj tau qhia rau Askiv lub chaw nthuav xov xwm Sky News tias tsim nog tej teb chaws ywj pheej suav Australia nrog npaj los ua tej hauj lwm no.
Tsev dawb kuj tsis kam qhia kom meej tias puas yuav cia tus tuam los pav Elon Musk tswj tsoom fwv Mekas lub tuam txhab Department of Government Efficiency (DODGE) ntawm Washington tom qab tau muaj lus tib txog cov kev txiav nyiaj rau tsoom fwv tej tuam chav hauj lwm thiab rho tej neeg hauj lwm tawm thiab tau muaj lus nug txog Musk lub fwj chim tom qab lub tuam chav no tau nyiaj hauj lwm ntau tuaj ntxiv txog li ob npaug.
Tau muaj 150 tus ntses whales tau mus khuam daig ntawm xeev Tasmania cov ntug hiav txwv sab hnub poob uas yog ib qho chaw uas pheej muaj tej ntses no los daig. Lub xeev no lub tuam chav tswj tej ib puag ncig thiaj qhia tias tej kws paub zoo txog cov kev pov puag tej tsiaj thiab tej neeg tus tsiaj twb tau mus txog rau ntawm thaj chaw no ntawm tus dej Arthur River seb yuav pab li cas.
Anthony Albanese tau muab ob co xwm txheej neeg tsim kev kub ntxhov rau ib co poj niam ntawm Epping shopping centre tias yog tej tsis tsim nyog ua tom qab tau muaj tej xwm txheej no yuav laug txog li 1 limtiam. Nws thiaj tsis lees paub cov kev iab liam tias tsis kub siab txog cov xwm txheej Islamophobia thiab tsuas kub siab txog lwm cov pawg ntseeg xwb. ''Kuv yeej kub siab tiag tiag txog tag nrho tej xwm txheej tawm tsam txog tej ke ntseeg thiab yuav coj tej neeg no los rau txim raws li qhov tsim nyog.''
Cia siab tias Australia tej txhab nyiaj yuav txo paj qes rau Australia tej neeg qev nyiaj yuav tsev tom qab Reserve Bank of Australia tau txo kab theem paj 0.25%. Thiaj ua rau 4 lub txhab nyiaj loj li Westpac, ANZ, NAB thiab CBA qhia meej tias lawv yuav pib txo txwm txim tim 28 lub 2 hlis ntuj 2025 no mus.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
