Xov xwm luv tshaj tawm hnub zwj Quag (Tuesday newsflash 18.02.2025):
Aaskiv tus thawj pwm tsav tua qhia tias Europe yuav tsum tau lees tias yog tiam tshiab rau cov kev tswj kev ruaj ntseg tom qab tau muaj ib lub rooj sab laj ceev nrooj sib tham nrog lwm tus coj ntawm Paris ntawm cheeb tsam no. Tau muaj lub rooj sab laj no tom qab tau muaj kev tsis sib haum xeeb sab nom tswv ntawm Meskas thiab Ukraine thiab ua rau muaj kev kub ntxhov rau cov teb chaws phooj ywg.
Kuj tau muaj ib tug neeg ntawm 80 tus neeg uas tau caij fij dav hlau ntawm Meskas tau yees ib daim video txog ib fij dav hlau uas mus tsaws rau Canada lub nroog Toronto thiab tau ntxeev qab plab qhia tias muaj dab tsi tshwm sim.
End Food Waste Australia tsab ntawv cej luam uas tau koom tes teeb txheeb ntawm tej tuam txhab tsim zaub mov thiab tej supermarkets txheeb tau tias tau pab txuag tau tej zaub mov tshaj 16,000 tonnes txij xyoo 2022-24 uas pab kom tsis txhob tso tej carbon dioxide tshaj 500,000 tonnes rau tej ib puag ncig.
Tej nom tswv uas tshuaj ntsuam tej xwm txheej tsev kub hnyiab thiab foob pob tau nqua hu kom zej tsoom pab yog paub xov xwm txog cov xwm txheej ib lub tsev raug hlawv ntawm lub zos Truganini sab hnub poob ntawm nroog Melbourne uas lawv ntseeg tias cuam tshuam txog cov kev tsis haum xeeb ua lagluam luam yeeb txhaum cai thiab hlawv tau lub tsev yuam kev.
Thawj pwm tsav Anthony Albanese tau los pov puag tsoom fwv tej hauj lwm tswj lagluam rau lub caij uas muaj teeb meem loj rau tej lagluam thaum Reserve Bank of Australia tseem yuav txiav txim sib tom qab tav su dua hnub tim 18.02.2025 no seb puas txo kab theem paj kom qes tias nws tej tswv yim txo se, pab them nqe hluav taws xob thiab siv child care pheej yig los yog lwm yam yuav pab daws tau tej nuj nqes siv ua lub neej me ntsis.
Tau muaj lub koom haum Palestine Action tau lees tias nws tau muab BBC lub chaw nthuav xov xwm ntawm London lub qhov rooj tsoo tawg rau cov kev tshaj xov xwm tsov rog ntawm Gaza uas yog zaum ob tom qab lawv tau tsim teeb meem thawj zaug xyoo 2023.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (,,
