Xov xwm luv tshaj tawm rau hnub zwj Quag (Tuesday news 31.10.2023):
Israel yuav tsis tso tseg tsov rog ntawm Gaza Strip, UN tau qhia tias nws tau coj 30 lub tsheb trucks thauj khoom mus pab Gaza lawm tab sis tseem qhia tias xav tau txais kev pab cuam ntau tuaj ntxiv.
UN tau qhia tias nws tau xa 30 lub tsheb trucks coj khoom pab cuam mus pab tej neeg xav tau txais kev pab cuam ntawm Gaza lawm, tab sis nws hais tias tseem xav tau kev pab cuam kom ntau tshaj ntawd ntxiv thiab.
Tau muaj ib lub tsev hais plaub ntawm Colorado teb chaws Meskas tseem yuav txheeb tias seb puas yog America tus qub coj dhau los uas yog Donald Trump ntawd muaj feem nrog tej neeg txhawb nqa nws uas mus tsim kev kub ntxhov rau tsev dawb kom tsev tsoom fwv tsis txhob lees paub Meskas cov kev xaiv tsa lub 11 hlis ntuj xyoo 2021, tab sis Mr Trump tsis lees tias nws muaj feem cuam tshuam dab tsi.
Teb chaws Kenya tau hais kom Aaskiv tus huab tais King Charles III thov txim rau tej xwm txheej uas Askiv tej tub rog tau mus nam nias nws lub teb chaws thiab tau ua ntau yam kev txhaum yav dhau los thiab ua rau muaj tej liaj teb tseem ceeb tseem poob rau tej neeg dawb ua tus tswj rau lub caij uas tus huab tais no thiab nws tus poj niam tau mus txog lub teb chaws no thiab tseem yuav mus xyuas ntau lub teb chaws ntawm nrim av Africa.
Tej neeg tua hluav taws ntawm Queensland tseem yuav tau npaj tua hluav taws rau ntawm sab hnub poob ntawm nroog Brisbane rau lub caij huab cua phem heev tom qab huab cua ib nyuag ntaug zog rau hnub tim 30 lub 10 hli ntuj dhau los tom qab uas tej neeg tua hluav taws ua hauj lwm sab heev tswj tau kob hluav taws ntawm Western Downs vim huab cua ib nyuag ntaug zog lawm.
Tau muaj ib co kev teeb txheeb t shia qhia tias tej nyiaj siv coj los daws cov teeb meem carbon dioxide yuav muaj tsis txaus siv rau 6 xyoo ntxiv no thiab ntshe yuav tsis muaj peev xwm los daws tej teeb meem kom tsis txhob tso tej pa tsis huv uas pheej tso paug tsuas rau tej ib puag ncig uas yuav ua rau lub ntuj kub sov tuaj ntxiv txog li ntawm 1.5 degree celcius raws li tej hom phiaj uas cov kev pom zoo Paris Accord tau teev tseg.
Tau muaj ib cov kev teeb txheeb tshiab los ntawm lub tsev kawm qib siab Australian National University txheeb tau tias muaj neeg Australia txog li 77% thiaj txaus siab rau txoj kev tswj hwm democracy tam sim no xwb yog piv rau xyoo 2008 ces muaj neeg Australia txaus siab heev txog li 81% diam.
Tej neeg ua hauj lwm casual uas tsis xav hloov ua hauj lwm full-time yuav tsis raug yuam kom ua hauj lwm full-time tom qab tsoom fwv tau pom zoo kho nws tsab cai workplace bill. Lub hom phiaj ntawm tsab cai no ces yog los xyuas kom tej neeg ua hauj lwm gig economy muaj cib fim tau ua hauj lwm full time, tau nyiaj hauj lwm zoo tuaj ntxiv thiab tau txais kev pov puag. Tab sis tom qab uas tej lagluam ntoj ncig thiab lagluam muag khoom me tau hais tias tsam tej neeg ua hauj lwm raug yuam thiab tsis tau ua hauj lwm raws li qhov lawv xav ua thiab ua rau lawv tsis tau tej txiaj ntsim casual loading benefits ces thiaj tau muaj cov kev pauv hloov no.
Stan Grant uas yog ib tug neeg tshaj xov xwm rau ABC dhau los tau qhia txog nws cov kev tu siab tias cov kev tsis lees paub lub suab sawv cev rau neeg txum tim hauv tsev tsoom fwv yog cov kev tsis kub siab txog neeg txum tim Australia. Professor Grant thiaj tau los hais lus tawm tswv yim thawj zaug rau ntawm lub tsev kawm qib siab Australia National University lub koom txoos Crawford Leadership Forum thawj zaug thiab yog ib cov kev txiav txim rau nws thiab lwm tus neeg txum tim.
Tau muaj ib tug nom tseem ceeb hais tias tus tsoom fwv Labor cov kev txiav txim siab tawm suab tsis pom zoo nrog UN cov kev tawm suab kom xaus tsov rog ntawm Gaza ntawd yog tej yam tsim nyog ua kom thiaj pab tau neeg Australia ntawm cheeb tsam no. Matt Thistlewaite uas yog tus nom ua hauj lwm pab tus nom tiv thaiv teb chaws thiaj tau los tiv thaiv cov kev txiav txim siab no, uas muaj 120 lub teb chaws tawm suab pom zoo vim lawv tsis lees tias Hamas yog tus tawm tsam Israel hnub tim 7 lub 10 hli ntuj dhau los.
Lwm pab nom teb chaws tau pom zoo nrog tsoom fwv Albanese cov kev txiav txim siab tso tseg tsis sib khom lagluam ywj pheej nrog European Union (EU). Don Farell uas yog Australia tus nom tswj dej num lagluam yeej tau sib khom nrog lub koom haum EU rau lub caij nws koom G7 tej nom tswj lagluam lub rooj sab laj ntawm Osaka tab sis kuj tham tsis tau dab tsi.
Bangkok Post tau tshaj tawm tias muaj 22 tug neeg Thaib raug Hamas muab txhom ua cov hostage. Ua ke no los Thaib tus thawj pwm tsav Srettha Thavisin kuj tau mus ntsib Nplog tus thawj pwm tsav Sonexay Siphandone ntawm Vientiane rau cov kev npaj yuav los tsim tus coj hla Mekong ob kom thiaj tsim tau txoj kev tsheb ciav hlau uas yuav pab kom ua tau lagluam ntawm ob lub teb chaws no.
Vientiane Times kuj tau tshaj tawm tias teb chaws South Korea tau tshwm nyiaj USD 10.5 million los pab Nplog khaws tej khoom seem txeej tawv (hard rubbish) thiab pab tswj tej dej qias (sewage) pab kom zej tsoom Nplog tau txais kev noj qab nyob zoo.
Luis Rubiales uas yog tus coj Spain lub koom haum ncaws pob uas thaum xub raug FIFA txwv tsis pub ua hauj lwm 3 hlis rau txwv tsis pub ua hauj lwm cuam tshuam txog cov kev sib tw ncaws pob 3 xyoos, tom qab uas nws tau nwj Jenni Hormerso uas yog Spain ib tug poj niam ncaws pob rau lub caij Spain pab yeej FIFA's Women World Cup 2023 uas Australia thiab New Zealand ua ob tug tswv cuab tswj lub koom txoos sib tw no.
Alex de Minaur uas yog Australia tus hluas sib tw ntau pob tshaj lij kuj muaj peev xwm sib tw yeej Aaskiv tus txiv neej Andy Murray thiab tseem yuav tos seb yuav tau sib tw nrog Fabkis tus txiv neej Bejamin Bonzi los yog Serbia tus txiv neej Dusan Lajovic ob tug no ib tug twg.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
