Tau muaj cov kev los txheeb ib tug neeg mob twg cov genes coj los tsim dua ib co tswv yim tshiab coj los kho yam mob cancer tsi ntsees rau tej neeg mob ces tej zaum kuj yuav muaj peev xwm pab cawm tau ntau tus neeg Australia txoj sia thiab yuav yog ib co kev rhawv tau ib txoj xub ke tshiab uas siv coj los kho tau tej mob cancer no zoo.
Professor David Thomas ces tam sim no yog tus chief science and strategy officer rau lub koom haum Omico thiab kuj yog tus coj lub chaw teeb txheeb Centre of Molecular Oncology at the University of New South Wales.
Nws thiaj hais tias nws lub koom haum tau los siv cov kev txheeb tej neeg mob tej gene uas twb mob cancer loj lawm thiab kho tsis tau lawm coj los nrhiav kom tau tej xub ke kho tej mob cancer uas kho tsi ntsees.
'Peb lub koom haum Omico tej hom phiaj ces yog los tsim kom tau ib co hauv paus txhim kho haiv uas pab kom Australia tej neeg mob cancer muaj peev xwm siv tau cov genomic technologies coj los siv kho cancer. Peb cov kev teeb txheeb no twb tau coj los ua kev teeb txheeb rau Australia tej neeg mob cancer loj uas kho tsis tau tshaj 15 txheeb tus lawm, ces kuj pom tau tias kuj muaj peev xwm siv tau ib co kev kho tsi ntsees coj los kho ib tug ntawm 10 tus neeg mob no lawm,' raws li Professor Thomas tau qhia.
Mr Matthew Webster uas yog ib tug engineer hnoob nyoog 34 xyoos ntawm Newcastle los kuj tau siv cov kev kho mob no thiab nws hais tias 'sim kho tau 2 limtiam xwb ces cia li ua rau lub qob cancer luaj lub golf ball pawv lawm. Thiaj yog tej yam tsis txaus ntseeg li, thiab txij xyoo 2017 los uas kuv tau kho ces zoo li kuv yeej tsis muaj cancer lawm. Thiaj ua rau kuv lub neej tig ntawm qab teg ua qaum tes los ua tau lub neej li qub thiab muaj peev xwm rov qab ua hauj lwm full-time lawm.'
Professor David Thomas thiaj taw qhia tias 'kom tej neeg mob cancer tus twg uas yog xav siv cov kev kho mob cancer ces kom nug lawv tej kws kho mob seb puas muaj peev xwm siv tau cov genomic profiling uas tseem yog ib co technology tshiab coj los kho cancer ntawm Australia no.'
Tsis tas li ntawd los lub chaw teeb txheeb Garvan Institute of Medical Research ntawm Sydney kuj txheej tau tias tib neeg cov 'junk' DNA tej zaum kuj yuav yog tej uas qhia rau peb tias vim li cas thiaj ua rau mob cancer.
Dr Amanda Khoury yog ib tug neeg teeb txheeb tom qab kawm tiav doctor ntawm lub chaw teeb txheeb Garvan Institute thiaj hais tias 'cov kev txheeb tau tej no kuj ua rau muaj kev cia siab heev tias yuav muaj peev xwm tsim tau cov kev kho mob coj los kho tej mob cancer rau yav pem suab, tab sis ntshe tseem yuav yog ntau caum xyoo ntxiv no vim tseem yuav tau sim thiab teeb txheeb hauv tej labolatories ntxiv kom nrhiav tau ib txoj xub ke tshiab los kho kab mob cancer.'
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab. Downloadthiab caum
