Xov xwm luv tshaj tawm hnub zwj Quag (Tuesday newsflash 12.03.2024):
Peter Dutton uas yog tus voj ntawm uas yog tus coj ntawm lwm pab nom tau nqua hu ua ntuv zus kom txhawb nqa cov nuclear energy vim cov kev nqes peev rau tej technology no yuav pab kom tau hluav taws xob pheej yig siv. Mr Dutton thiaj tseem yuav qhia 6 thaj chaw ntawm teb chaws Australia uas tej zaum yuav xaiv coj los tsim nuclear power plant coj los hloov cov uas siv roj zeb ntsuam tsim.
Lub koom haum eSaftey Commission tau tsim dua ib cov code tshiab uas yuav hais kom tej tuam txhab yuav tsum los tso tseg tsis txhbo tso tej xov xwm uas pheej ua phem rau tej me nyuam thiab tej neeg phem terrorist thaum tej neeg mus search. Ces cov code no thiaj yuav txwv tsis pub siv cov twj AI (Artificial Intelligence) coj los siv tsim tej xov xwm tsis zoo no thiab yog Australia thawj cov cai AI regulation uas coj los siv.
India lub tuam chav tswj kev ruaj ntseg tseem npaj yuav tsim tsab cai pej xeem coj los siv uas yog ib tsab cai uas muaj neeg tib tias ''tsis nyiam neeg Muslim'', rau lub caij ntau limtiam ua ntej yuav muaj cov kev xaiv tsa teb chaws. Tsab cai no yeej tau tso cai rau tej neeg India uas coj ntseeg kev cai Hindus, Parsis, Sikhs, Buddishts thiab Christians mus ntawm cov teb chaws Pakistan, Afghanistan thiab Bangladesh ua ntej lub 12 hlis ntuj xyoo 2014 - tab sis txwv tsis pub neeg Muslim mus rau India.
Tau muaj ib tug neeg ua hauj lwm rau lub tuam txhab Boeing dhau los uas txhawj xeeb txog tej cai tswj cov kev tsim dav hlau kuj tau tas sim neej ntawm Meskas lawm. John Barnett tau ua hauj lwm rau Boeing los tau 32 xyoos thiab tau so tsis ua hauj lwm txij xyoo 2017 - thiab tau ntau hnub ua ntej nws yuav tas sim neej ces nws kuj tau coj ib co pov thawj tim khawv coj mus hais ib rooj plaub nrog lub tuam txhab no.
Tsoom fwv teb chaws tau qhia tias tej zaum nws yuav tsub se rau cov aged care system tom qab tau muaj tsoom fwv ib pawg neeg tau coj ib tsab ntawv cej luam los qhia txog tej hauj lwm no. Thiab pawg neeg no yeej tau qhia tias tsoom fwv yeej tseem yog tus tseem ceeb uas tshwm nyiaj pab tsim cov aged care services rau yav pem suab rau lub caij muaj tej pej xeem muaj hnoob nyoog tuaj ntxiv thiab muaj neeg xav siv cov kev tu tsom kwm tej laus ntau tuaj ntxiv.
Tau muaj ib cov kev txheeb pom tias muaj tej qwj thiab tej ntses hiav txw txog li 100 yam tshiab nyob ntawm New Zeland lub pov txwv sab qab teb. Lub caij uas tej Scientist tau mus teeb txheeb tob txog 5,000 ces kuj pom muaj tej qwj, paj pob zeb hiav txwv thiab muaj ntses ntawm thaj chaw Bounty Tough uas dav txog 800 km rau ntawm thaj chaw ntawd uas yeej tsis tau mus teeb txheeb dua los li.
Anthonio Guterres uas yog UN tus coj tau nqua hu txuas ntxiv tias kom xaus tsov rog ntawm Gaza thiab Sundan rau lub caij uas tej neeg Muslim yuav pib ua lawv lub koom txoos Ramadan. Nws thiaj tau rov qab nqua hu kom tso tej neeg uas Hamas mus txhom, thiab xa khoom pab rau tej neeg ntawm Gaza uas UN yeej tau ceeb toom lawm tias muaj tej pej xeem txog li 25% ze rau qhov twb yuav tuag tshaib.
The Laotian Times tau tshaj tawm tias nom tswv Nplo qhia tias muaj peb tug neeg mob tau tus mob Anthrax ntawm xeev Champasak, ces nom tswv thiaj tau ceeb toom kom tej neeg zejzog ceev faj rau cov kev noj nqaij nyuj nqaij twm thiab txheeb lawv tej tsiaj txhu seb muaj xwm txheej li cas kom qhia rau nom tswv paub.
Nom tswv Suav tuam tshoj kuj tau pab ib cov tsheb ze txog 80 lub thiab ib co twj IT pab rau Nplog rau lub caij Nplog yuav npaj ua tus tswv cuab tswj lub rooj sab laj ASEAN xyoo 2024 no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
