Xov xwm luv tshaj tawm rau hnub zwj Feej (Wednesday news flash 14.02.2024):
Lwm pab nom teb chaws tau tib tsoom fwv Albanese tej energy plans tom qab tau muaj ib lub chaw tsim hluav taws xob loj tshaj plaws ntawm Victoria tuag tsis tau hluav taws xob siv. Vim muaj nag xov nag cua hlob thiaj ua rau lub tuam txhab Loy Yang uas siv roj zeb ntsuam tsim hluav taws xob siv tau tuag tom qab uas tau muaj ntau puas tus ncej hluav taws xob vau thiab muaj teeb meem rau tej xov xa hluav taws xob uas tau muaj teeb meem rau 6 lub chaw xa hluav taws xob hnub Tuesday (Tim 13 lub 2 hlis ntuj 2024) dhau los.
Ces thiaj tau ua rau muaj ntau pua txheeb lub tsev thiab tej lagluam ntawm xeev Victoria tsis tau hluav taws xob siv tom qab muaj tej xwm txheej nag xob nag cua thiab huab cua kub sov heev no. Txawm li cas los tej zos li Waverley, Burwood East, Vermont South thiab Bentleigh ntawm sab hnub tuaj thiab hnub tuaj qab teb yog cov raug teeb meem ntau tshaj plaws. Thiab lub koom haum Australian Energy Market Operator hasi tias vim muaj cua hlob, nag xob nag cua thiab xob laim ces thiaj muaj tej teeb meem no thiab ntshe tseem yuav ntau hnub ntxiv no mas thiaj yuav tau hluav taws xob siv. Thiab tam sim no ces tseem muaj tej vaj tse txog li 260,000 lub tsis tau hluav taws xob siv.
Peter Dutton uas yog tus coj lwm pab nom teb chaws tau nug seb Barnaby Joyce puas thov so tom qab muaj neeg yees tau nws limtiam dhau los cia li ntog ze ntawm ib tug neeg cog ntoo thiab tau hais lus phem vuab tsuab. David Littleproud uas yog tus coj pab nom Nationals los yeej qhia tias nws yuav pab thiab yog Mr Joyce xav so.
Tej neeg cog paj thiab muag paj yuav xa thiab muag paj rau tej neeg ntawm Sydney txog li ntawm 250,000 lub rau hnub sib hlub (Valentine's Day). Tej paj feem ntau yog paj ntshua nplaim uas yuav raug xa rau tej neeg Australia thiab xa rau lawv ntawm lawv tsev.
Tau muaj ib tsab ntawv cej luam tshiab qhia tias tsim nyog Australia yuav tau teeb tsa ib pawg neeg sab laj kom thiaj pab tau tej poj niam ntawm tej neeg zejzog coj ntseeg ntau yam kab lis kev cai mus koom ua tej hauj lwm science thiab technology. Vim tsab ntawv cej luam no pom tau tias tseem muaj tej poj niam uas kawm tiav cov sob kawm STEM (Science, Technology, Engineering thiab Mathematics) tiav tsis tau hauj lwm ruaj ua thiab nrhiav tsis tshua tau nyiaj los ua cov kev teeb txheeb.
Tau muaj ib tug neeg uas raug tsoom fwv Australia dhau los muab cais thiab tshem tawm ntawm nws tsev neeg coj mus tu thiab qhuab qhia rau tsoom fwv tej koom haum tau nqua hu kom tsev tsoom fwv teb chaws kub siab tshaj no los pab tej neeg uas raug tej teeb meem no. Tau muaj tej xwm txheej no tom qab txwm 16 xyoo uas tau muaj cov kev los thov txim rau Australia cov neeg txum tim no nag hmo (Tuesday 13 Feb 2024) uas muaj tej neeg raug tej teeb meem no thiab lawv tej xeeb ntxwv tau sib sau ua koom txoos ua ke thoob teb chaws no.
Thaib tus qub thawj pwm tsav Thaksin Shinawatra kuj raug muab tso lawm tom qab uas raug kaw tau 6 hli. Thaum xub thawj ces tus tuam los pav uas ntsib teeb meem cov nyom no yeej tau khiav mus nyob txawv teb chaws tau 15 xyoos kom tsis txhob mag kaw tsev laj cuj. Ces thaum nws rov qab los rau teb chaws Thaib nws thiaj raug kaw 8 xyoo vim siv fwj chim tab sis nws kuj raug huab tais Thaib txo txim los ua 1 xyoos lawm xwb.
Muaj ntau millions tus neeg Indonesia yuav mus xaiv nom hnub zwj Feej (Wednesday tim 14. 02.2024) no los hloov Joko Widodo uas twb ua nom los tau ob tiam lawm. Ces thiaj yuav muaj 3 tug nom tseem ceeb sib tw li Probowo Subianto uas yog tus nom tiv thaiv teb chaws, thiab ob tug hau xeev dhau los uas yog Anies Baswedan thiab Ganjar Pranowo sib tw nom.
Australia lub tuam chav sau se (Australian Tax Office -ATO) tau muab nws ib cov neeg ua hauj lwm rho tawm hauj lwm vim ntseeg tias tej zaum lawv muaj feem xyuam nrog cov kev dag tej neeg poob nyiaj rau cov GST txog li $2 billion. Ces thiaj ua rau ATO tseem yuav tshuaj ntsiam nws tej neeg hauj lwm txog li 150 tus uas raug liam tias muaj feem koom rau cvo kev siv sociak media ntxias dag tej neeg poob nyiaj txog $2 billion.
Bangkok Post tau tshaj tawm tias Thaib tej tub ceev xwm yuav tswj thiab tiv thaiv pov puag Thaib tej hluas kom tsis txhob raug lawm tus yuam deev, txhob raug teeb meem dib cav sib ceg thiab kom tau txais kev nyab xeeb rau tej me nyuam rau hmo Valentine's Day. Yog li thiaj yuav tswj qee cov chaw li tsev tos qhua me, teu pubs thiab clubs los yog tej chaw ua kev lom zem kom tau txais kev ruaj ntseg rau tej me nyuam.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
