Vim yog tau ua hauj lwm sab, ua hauj lwm ntau thiab tsis muaj txoj kev txaus siab zoo siab rau tej hauj lwm tej kws kho mob ua ces thiaj tau ua rau muaj Australia tej kws kho mob (General practitioners -GPs) yuav laug txog ib feem peb npaj tias lawv yuav tsis ua hauj lwm tawm li kws kho mob ntxiv rau lub sij hawm 5 xyoos ntxiv no.
Yog li ntawd lub koom haum Australian College of General Practitioners thiaj tau nqua hu kom tsoom fwv nqes peev nyiaj txiaj pab kom thiaj muaj tej tub kawm xav kawm ua kws kho mob thiab pab kom tej kws kho mob qhib tau tej chaw kho mob los kho zej tsoom Australia thiab ua tej hauj lwm no txuas ntxiv.
Mark Butler uas yog Australia tus nom tswj dej num noj qab haus huv los yeej tau qhia tias tsoom fwv yeej tau nqes peev nyiaj txiaj los pab kom tej chaw kho mob siv tau cov kev kho mob bulk-billing kom tej neeg mob thiaj siv tau cov health care serivces yam tsis tau them kim.
Tab sis kuj muaj ib txhia chaw kho mob raug kaw vim muaj nuj nqes ntau yam los tswj lawv tej chaw kho mob thiab tej teeb meem nuj nqes ua lub neej ntau yam ces thiaj ua rau cov kev siv kev kho mob kim thiab ua rau tej neeg tsis tshua xav mus ntsib thiab siv tej chaw kho mob ces thiaj ua rau muaj teeb meem rau tej kws kho mob thiab tej chaw kho mob ib txhia raug muab kaw lawm.
Yog li ntawd Dr Nicole Higgins uas yog tus coj lub koom haum Royal Australian College of General Practitioners thiaj hais tias kom nqes peev nyiaj txiaj los pab tej kws kho mob thiab kom lawv tau mus kawm ntxiv kom lawv thiaj xav ua tej hauj lwm no txuas ntxiv.
Dr Higgins hais tias ''Nqes peev nyiaj txiaj los pab tej kws kho mob hluas, xyuas kom lawv siv tau cov paid parental leave, tau siv cov study leave thiab kom tau txais vaj huam sib luag thiab raug lees paub tib yam li lwm cov neeg ua hauj lwm kho mob ntawm tej tsev kho mob'' mas thiaj yuav ceev tau tej kws kho mob kom nyob thiab ua hauj lwm txuas ntxiv.
Yog tias tsis kub siab nrog xyuas ces yuav ua rau muaj tej neeg mob coob mus siv tej tsev kho mob tej tuam chav emergency department coob tuaj ntxiv vim lawv yuav tau them nqe kho mob kim ces thiaj yuav muaj teeb meem rau Australia cov health care system.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
