Australia tus thawm pwm tsav Anthony Albanese tau mus txawv teb chaws thawj zaug tom qab tau yeej cov kev xaiv tsa tsoom fwv teb chaws Australia tshiab (03.05.2025) dhau tsis ntev los no rov qab los ua tus tsoom fwv teb chaws ntawm pab nom Labor ua zum ob.
Nws kuj muaj hom phiaj 3 yam li mus xyuas Indonesia, mus koom txiv plig Leo XIV lub koom txoos lees ua txiv plig tshiab thiab mus xyuas Sinapore ua ntej yuav rov qab los rau teb chaws Australia.
Australia tus thawj pwm tsav thiaj siv 3 hnub mus xyuas teb chaws Indonesia. Lub hom phiaj yog txhawb nqa kom muaj txoj kev sib raug zoo ntawm Australia nrog Indonesia kom zoo tshaj qub tuaj ntxiv, txhawb nqa kom muaj kev koom tes sab tub rog tshaj qub ntxiv, txhawb nqa kom muaj kev sib raug zoo lagluam zoo tuaj ntxiv thiab koom tes tswj kev ruaj ntseg rau cheeb tsam Indo-Pacific no, sib pab tawm tsam tej tswv yim xav tua pej xeem kom sawv daws ntshai thiab koom tes sib pab tej kev pab tej neeg txom nyem thiab pab daws tej xwm txheej ntuj tsim kev puas tsuaj.
Tom qab nws mus xyuas Indonesia tag lawm ces tseem yuav mus koom lub koom txoos lees txais txiv plig Pope Leo XIV ntawm Rome thiab txuas ntxiv ntawd ces nws yuav rov qab los ntsib tsoom fwv Singapore thiab nrog thawj pwm tsav Lawrence Wong tham uas ntej yuav rov qab los rau teb chaws Australia.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
