Cov kev xyuas kom ua tau raws li qhov tsim nyog ua thiaj yuav pab kom tau txais kev nyab xeeb rau tej neeg taug kev, tab sis peb tsis muaj peev xwm yuav siv tib lub tswv yim no nkaus xwb. Australia yeej muaj cai coj los tswj siv kev tsheb coj los pov puag txhua leej txhua tus uas siv kev tsheb los yog taug kev.
Tej cai no thiaj yog cov tswj ntau yam cai uas muaj siv thoob tej xeev, tab sis kuj siv ib nyuag sib txawv ntawm tej xeev thiab.
Raws li Dimitra Vlahomitros uas yog tus kws paub zoo txog kev nyab xeeb rau tej kev ntawm lub koom haum National Road Motors' Association (NRMA) hais ces tej cai no mas zoo li tej zaum yuav ib nyuag nruj zog rau ib txhia, tab sis tej neeg taug kev yog peb ib co neeg siv kev tsheb uas yuav raug teeb meem yooj yim tshaj plaws.
Nws hais tias ''Peb paub tias tej neeg uas yuav raug tau teeb meem yooj yim tshaj plaws ces yog tej me nyuam yaus, tej hluas, tej laus neeg los ygo tej neeg qaug tshuaj qaug cawv.''
Thaum tsis muaj teeb qhia kev lawm ces kom nrhiav cov chaw 'pleev kob dawb hla kev' siv. Source: iStockphoto / Veronica Todaro/Getty Images/iStockphoto
Tus neeg pedestrian yog tus neeg zoo li cas?
Lub ntsiab lus teev raws cai ntawm lo lus pedestrian mas muaj lub ntsiab lus nthuav dav heev.
Raws li James Williams uas yog tus tswj tej policy ntawm Royal Automobile Club of Victoria (RACV) tshab txhais ces ''Ntawm Australia no ces cov neeg pedestrians tsis yog tib cov neeg taug kev ntawm tej chaw taug kev li foot path, pavement los yog tej kev xwb,''
[Ib tug neeg pedestrian ces yog] ib tug twg uas tej zaum caij ib lub tsheb kauj vab, thawb/cab ib lub tsheb kauj vab, los yog ib tug neeg twg uas sib ib yam twj muaj log twg li tus neeg caij ib daim skateboard, roller skates, rollerblades, wheelchairs tab sis tseem suav tus neeg cai lub mobile scooters thiab.James Williams, Head of Policy, RACV
Raug txhom tau tias ua txhaum thaum tseem hla kev
Yuav tsum hla tej kev thaum muaj teeb ntsuab hla tau thiab ua raws li tej teeb qhia mas thiaj li yuav tau txais kev nyab xeeb ntawm peb tej kev.
Ces thiaj xav kom hla rau thaum kom pom lub teeb qhia tus neeg ntsuab. Thiab tsis txhob hla kev thaum lub teb liab los yog ntsais ntsais lawm.
Cov kev tsis hla kev raws li tej teeb qhia yus hla kev yuav raug nplua. Feem ntau mas sawv daws paub tias yog jaywalking los yog pheej tsis hla kev rau ntawm qhov chaw pleev kab dawb kom hla, txawm li cas los lo lus no kuj tsis yog ib lo lus siv ntawm Australia no.
Harold Scruby uas yog tus coj thiab tus teeb tsa lub koom haum Pedestrian Council of Australia hais tias ''Yog neeg Meskas ib lub tswv yim xwb.''
Nws hais tias “Ntawm Australia no ces yeej muaj tej cai teev meej. Ib tug neeg taug kev yeej muaj peev xwm hla tau ib txoj kev twg rau ib lub caij twg tab sis yuav tau ceev faj kom tau txais kev nyab xeeb, yog tias tsis nyob ntawm qhov chaw tej neeg hla kev li 20 metres ces tus neeg tau kev ntawd cov kev hla kev yuav tsis yuam tej cai uas teev tias hla teeb liab los yog hla ib lub teeb tab tom ntsais ntsais.''
Ntawm xeev New South Wales (NSW) ces koj yuav raug nplua yog tias koj pib hla ib lub teeb liab uas ntsais ntsais los yog lub teb liab lawm.
Yuav yog ib co kev ua txhaum cai yog koj cia li lam tau kev/hla kev yam tsis kub siab txog lwm tus cov kev siv kev tsheb. Credit: vm/Getty Images
Yuav hla kev qhov twg
Yog tias tsis muaj teeb qhia kev, ces xav kom nrhiav cov kev uas 'pleev kob dawb rau' hla kev. Vim yog qhov chaw uas tej tsheb yuav tau tso kev rau tej neeg taug kev hla kev.
Ua tej zaum ces yeej yog 'qhov chaw uas muaj muaj ib lub pob su tshoom tuaj' - uas yog qho chawzos kob dawb rau ntawm lub pob su ntawd.
Tab sis tej no yeej ua rau tej neeg yoob thiab tias: Puas yog qhov chaw hla kev los tsuas yog ib lub pob thaiv kev kom tej neeg khiav qeeb xwb?
Yog li ntawd thiaj xav kom txheeb tej chaw yus taug kev uas yuav coj yus mus hla kev, los yog ib daim phiaj muaj tus neeg rhais ruam.
Saib seb thaj chaw ntawd puas muaj ntsa laj kab thaiv kom yus tsis txhob hla lub pob thaiv kev uas tshoom siab tuaj ntawm txoj kev, los sis yog ''muaj phiaj qhia tias 'tsis pub neeg hla' ces yuav tsum tsis txhob hla.
Tsis tas li ntawd los cov pob tshoom thaiv kev hauv tej kev los kuj tsis muaj cov kob dawb zas rau xwb tsis yog cov kab dawb uas zas xwm yeem li cov piano keys rau lwm sab ces tsis txhob hla.
Yuav hla kev li cas kom tau txais kev nyab xeeb
Yog tias tsis muaj chaw hla kev nyob ze ces qhov tseem ceeb tshaj plaws ces tej neeg hla kev yuav tsum hla ntawm ntu kev luv tshaj plaws thiab ncaj tshaj plaws ntawm txoj kev ntawd hla mus rau lwm txoj. Ua feem ntau ces yeej hla ncaj qha xwb tsis yog hla nkaus ua ces kaum, raws li Williams hais.
“Ib qho ntxiv thiab ua tej zaum tej neeg yuav ua txhaum cai yam lawv tsis paub txog ces pheej hla txoj kev ntawd raws tej tsheb uas tseem tab tom khiav vim rau qhov yuav ua rau raug teeb meem tau.''
Tej neeg tsav tsheb yuav tsum tso kev rau tej neeg hla kev thaum yuav nkag mus rau hauv txoj kev tsav tsheb mus rau yus lub tsev los yog tawm ntawm ib txoj driveway, thiab thaum siv thaj chaw uas tej neeg taug kev thiab neeg tsav tsheb koom siv ua ke los yog ntawm tej chaw uas tej neeg hla kev. Source: Moment RF / Diane Keough/Getty Images
Yus puas muaj peev xwm taug kev ntawm txoj kev tsheb?
Tej zaum koj kuj yuav ceeb thiab yog koj paub tias yog yus taug kev ntawm ib txoj kev yuav ua rau yus raug nplua.
Vim yog ib cov kev ua txhaum yog tsis muaj laj thawj zoo txaus uas yus yuav tau taug kev yam tsis kub siab txog lwm tus neeg siv kev tsheb.
Thiab tej xeev feem coob ces yog yeej muaj kev taug ko taw rau tej neeg taug los yog yeej muaj tej chaw taug ko taw nyob ze tab sis yus pheej taug kev hauv ib txoj kev twg ces kuj yog ib cov kev ua txhaum cai.
Hos yog tias hos tsis muaj ib qho chaw rau yus taug kev li los sis tsis muaj ib txoj kev me me rau yus taug kev, ces tej neeg taug kev muaj peev xwm siv tau txoj kev ntawd.
Txawm li cas los Mr Williams hais tias ''RACV yeej xav kom yus taug kev tim ntsej tim muag tshuam nrog lub tsheb los rau ntawm yus.''
Nws hais tias ''Vim rau qhov tias yuav tau txais kev nyab xeeb dua vim yus pom tej tsheb los rau yus xub ntiag dua qhov tej tsheb lawv yus qab.''
Tej neeg taug kev muaj cai siv kev ua ntej
Tej neeg tsav tsheb yuav tsum tau tso kev rau tej neeg hla kev ua ntej thaum lawv yuav tsav tsheb nkag mus los yog tsav tsheb tawm ntawm ib txoj driveway twg, los yog thaum koom siv thaj chaw uas tej tsheb thiab neeg hla kev koom siv thiab tej chaw hla kev.
Tej xov tooj tes (Smart phones) tau ua rau muaj ib co neeg hla kev pheej tsis kub siab txog tej teeb tswj kev tsheb thiab yuav ua rau lawv raug kev phom sij. Credit: Dobrila Vignjevic/Getty Images
Cov kev nplua
Yeej muaj cov kev nplua txawv tsuas nyob ntawm seb koj nyob qhov twg xwb.
Piv txwv li ntawm xeev Victoria ces yuav raug nplua txij li $96 yog yuam tej teeb tswj siv kev tsheb, los yog hla ib txoj kev twg uas nyob ze 20 metres ntawm ib qho chaw hla kev tsheb twg, los yog pheej taug kev rau hauv ib txoj kev tsheb.
Mr Williams ceeb toom tias ''Yog yuam tej cai tswj cov kev siv kev tsheb ces yuav raug tub ceev xwm nplua nyiaj txog li $385.''
Tej neeg taug kev/hla kev tej cwj pwm
Tej cai uas yuav pab kom koj tsis txhob raug nplua ces yog yuav tau taug kev rau sab laug ntawm txoj kev yus taug kev xwb, los yog tsis txhob cia xov tooj ua rau yus tsis kub siab txog tej cai siv tswj kev tsheb, los yog pab kom tej neeg taug kev hla tau kev mus los tau yooj yim.
Yog li ntawd ces muaj qee zaus cov kev nyab xeeb thiaj li yog tej yam yooj yim li yus zam rau lwm tus.
Tej neeg taug kev uas pheej saib xov tooj thiab tsis kub siab txog tej cai tswj siv kev tsheb
Tej xov tooj tes (Smart/mobile phones) tau ua rau muaj ib txhia neeg taug kev tsis kub siab txog tej cai tswj siv kev tsheb thiab yuav raug kev phom sij tau.
'Pedestrian zombies' ces yog tej neeg taug kev tsis kub siab txog tej cai tswj siv kev tsheb, thiab yeej yog ib cov neeg uas lwm tus paub zoo thoob ntiaj teb, thiab yog tej yam tsis muaj hmoo uas lawv yog cov uas pheej ua rau muaj neeg raug mob ntau heev rau ntawm tej kev.Harold Scruby, CEO, Pedestrian Council of Australia
Tej cai uas muaj siv tasm sim no coj los tswj cov kev hla kev kom tej neeg kub siab hla kev los zoo li yeej tsis tshua raug coj los siv thiab.
Lub koom haum Pedestrian Council of Australia thiaj xav kom tsim ib tsab cai coj los siv thoob plaws ntawm Australia no kom muab tej neeg uas tsis kub siab thaum hla kev uas tsis ua raws li tej teeb tswj cov kev hla kev ntawd xam tias yog ib co kev ua txhaum cai, uas muaj lub hom phiaj siv coj los pab kom tej neeg hloov tej cwj pwm no thiab kom thiaj pab cawm tau tej neeg txoj sia.
Mr Scruby hais tias “Yog tias koj siv ib yam twj dab tsi ntawm tes, ces ib tug tub ceev xwm twg yuav hais tias koj tsis kub siab hla kev rau thaum hla kev, ces koj yuav raug nplua nyiaj $200.''
Txheeb tau lub koom haum kom thiaj paub tej cai tswj tej neeg hlau kev ntawm koj lub xeev.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
