yeej haus kasfes txhua hnub. Thiab yog ib feem tseem ceeb ntawm lub neej ntawm lub teb chaws no.
Yeej muaj peev xwm txheeb tau Australia tej kab lis kev cai haus kasfes rau thaum muaj tej neeg Europe sab hnub poob uas tau tsiv teb tsaws chaw tuaj thiab coj tej kab lis kev cai haus kasfes tuaj - thiab coj tej tshuab espresso tuaj.
Tej tshuab espresso ces yog cov ua cov kasfes espresso uas nyeem nyeem heev thiab kom muaj peev xwm ua tau ntau hom kasfes haus. Thiab kuj tsis yog tej yam dab tsi txawv uas yeej muaj ntau lub npe kasfes yog tau los ntawm lus Italy.
Tom qab tau ntau xyoo uas tau haus cov kasfes espresso lawm, ces peb kuj xav kom tau tej noob kasfes zoo, ces peb thiaj tau mus nrhiav yuav thoob ntuj thiab tau los sim siv ntau cov tswv yim los ci thiab los tov haus.
Santo Buccheri uas yog tus tswv lub khw Map Coffee hais tias yeej muaj neeg paub tias cov kasfes espresso—ces yog hom kasfes hu ua short black—uas yog ib lub hauv pauv ntawm tej kasfes thiab yog ib qho zoo tshaj plaws tias tsim nyog kasfes yuav qab li cas.
Ces thiaj yog ib co kev tshawb fawb thiab yog ib tug neeg paub tov kasfes tshaj lij uas paub siv tej tshuaj espresso machine thiaj yuav ua tau tej kasfes qab haus.
Espresso los yog short black ces yog cov kasfes uas tau los ntawm cov noob kasfes txog li ntawm 10 txog 12 grams ntawm cov kua kasfes 30 ml.Santo Buccheri, Map coffee
Nws hais tias "Tsis txhob yoob rau cov kasfes ristretto uas siv tib co kasfes tab sis tsuas lim tau los ntawm cov kua kasfes txog li 20 mil xwb.''
Vim tias cov kasfes ristrotto no nyeem dua ces thiaj qab txawv cov espresso. Tab sis xav kom paub tias espresso ces tsuas haus tib khob xwb, tab sis yeej muaj ntau cov chaw haus kasfes yeej ua ob khob espresso coj los hliv ua ke ua tib khob rau tej neeg haus thiab.
Cov kasfes long black thiab latte ces yog Australia cov kasfes dub thiab kasfes dawb uas muaj neeg nyiam haus tshaj plaws (Getty). Source: iStockphoto / Tim Allen/Getty Images
Tej kasfes dub
Lily Fairhall yog tus manager ntawm Melbourne ib lub khw uas paub zoo txog kasfes hais tias hom kasfes hu ua long black zoo li cas.
Nws hais tias "Hom kasfes hu ua long black ces yog ob khob espresso tov xyaw dej kub xwb.''
"Tsis tas li ntawd los yus kuj muaj peev xwm yuav hom kasfes short black thiab uas tsuas yog tib khob espresso nkaus xwb. Uas yog ib co neeg nyiam haus kasfes tiag tiag thiaj haus los yog xav kom tau cov caffeine ntau pab rau lawv xwb.''
Hom kasfes hu ua one black ces yog hom uas muaj neeg nyiam haus dua cov espresso. Hos cov kasfes lim los yog 'batch brew' ces yeej yog ib lub tswv yim lim kasfes siv qub qub uas cia cov kasfes nrog thaum lim xwb, tab sis tam sim no ces kuj ua tau qab dua lawm.
Tej kasfes dawb
Yeej tseem siv tib co espresso xwb thiab, tab sis cov kasfes dawb ces tsuas yog tov mis ntxiv rau nrog ib co npuas dawb xwb.
Cov muaj neeg nyiam tshaj plaws yog café latté (los yog latte), thiab ua rau hauv lub khob iav thiab muab ib co npuas mis zoo li tsos ntaub pag tso rau saum toj.
Raws li Lily Fairhall hais ces hom kasfes hu ua flat white ces yeej xub tsim ntawm Australia thiab zoo li yeej muaj neeg nyiam haus thoob ntuj lawm. Thiab hom kasfes no yeej xyaw mis tsawg dua latte.
"Kuv xav tias yeej tsis muaj dab tsi sib txawv ntau ntawm hom kasfes hu ua latte thiab flat white, tsuas yog siv cov khob sib txawv ntim xwb.''
Yog tias koj nyiam qab zib ces hais kom ua cov cappuccino thiab tso cov npuas mis rau saum ncov khob thiab nchos hmoov chocolate xyaw ntxiv rau.
Ua cov yeeb yam duab rau saum ncov ntawm khob kasfes cappuccino. Credit: pixelfit/Getty Images
Melbourne ces yog ib hom kasfes neeg nyiam haus muaj ntsis sib xws li hom piccolo latte, rau tej neeg uas nyiam cov kasfes iab, thiab xav tau caffeine sai rau lawv. Vim rau qhov tseem xyaw mis tsawg dua tej mis xyaw rau hom kasfes latte thiab, kom haj yam nyeem dua ntxiv thiab. Ces thiaj muaj tej neeg yuav coob thiab peb thiaj tau tis npe hu ua Magic.
Lo lus Italy 'macchiato' txhais tias 'lo/khub'. Uas muab ib khob expresso tov xyaw ib co npuas mis kom ib nyuag tsuag zog.
Ms Fairhall hasi tias "Kuv xav tias tej neeg yuav hom kasfes no haus yog lawv xav tau caffeine rau lawv lub cev, tab sis lawv tsis xav haus tib co espresso nkaus xwb. Ces thiaj xyaw mis me me ntxiv rau xwb.''
Tam sim no ces tej chaws muag kasfes rau tej neeg haus yeej muaj cov kasfes uas tsis xyaw mis nyuj thiab siv lwm yam mis xyaw li mis taum pauv, mis noob qoob oat, los yog mis noob txiv almond, tab sis yog tias koj tsis xyeej ces koj kuj muaj peev xwm xyaw mis nyuj rau los tau.
Neeg Australia yeej yog ib co neeg uas nyiam haus kasfes heev txog rau theem uas nroog Melbourne raug lees paub tias yog ntiaj teb lub nroog haus kasfes (Getty). Credit: miniseries/Getty Images
Haus tej kasfes uas tsis muaj caffeine
Hom kasfes hu ua decaffeinated coffee, los yog 'decaf,' yeej muaj koob npe tsis zoo los ntev, tab sis Ms Fairhall hais tias tsis tsim nyog ntaus nqe tsis zoo rau thiab.
Kuv yeej hwm tej neeg nyiam haus hom kasfes decaf vim lawv tsuas xav haus kasfes kom paub tias qab li cas xwb. Lawv yeej tsis xav tau tej caffeine no rau lawv kom thawm hnub.Lily Fairhall, Melbourne specialty coffee shop manager
Tsis tas li ntawd los kuj tau kho tej kasfes zoo tshaj qub ntxiv rau lub caij 10 xyoo dhau los no lawm. Thiab tam sim no los yeej siv ib co txheej txheej los npaj thiab lim zoo dua uas lim tau tej caffeine feem ntau ntawm tej noob kasfes zoo, ces hom kasfes decaf thiaj yog ib hom uas muaj peev xwm sib tw tau nrog lwm hom thiab.
Cov kasfes single origin yog cov zoo li cas?
Yeej muaj ib txhia khw muag kasfes rau tej neeg haus yeej muaj ntau hom rau yus xaiv seb puas nyiam haus ib hom kasfes tau ntawm ib thaj chaw twg tsi ntsees los yog haus ntau yam. Thiab yeej muaj ib txhia neeg nyiam haus kasfes yeej tau mus sim haus ib hom kasfes cog tau ntawm ib thaj chaw twg nkaus xwb thiab uas yeej qab txawv lwm cov.
"Ces cov Single origin coffee thiab yog tej kasfes uas tau los ntawm ib lub teb chaws twg thiab kuj tsuas nyob ntawm seb lub khws muag kasfes ntawd yuav ua li cas xwb, muaj qee zaus ces lawv yeej qhia tias tej kasfes ntawd tau ntawm cheeb tsam chaw twg, los sis yog tau qhov chaw twg kiag, los yog tus tswv cog lub npe hu li cas, uas kuj yog tej yam ua rau sawv daws xav paub txog thiab. Ces thiaj muaj ntau yam noob kasfes ntawm ntau thaj chaws coj los zom sib xyaw kom tau tus yam ntxwv qab tib yam li qub,'' raws li Santo Buccheri uas yog ib tug kws paub zoo txog kasfes hais.
Muaj ntau yam kasfes dhau rau yus xaiv?
Vim muaj ntau yam rau yus xaiv ces tej chaw muag kasfes rau tej neeg haus thiaj yuav tau ua tej uas yus nyiam haus, tab sis Lily Fairhall hais tias muaj ib txhia neeg mas kuj nyiam tej yam txawv thiab.
"Tsis ntev los no ces yeej tau muaj neeg hais kom kuv ua ib co kasfes uas tov ib nrab mis noob txiv almond thiab tov ib nrab noob qoob oat xyaw - ces kuv thiaj hais tias, yog koj xav tau li ntawd ces 'kuv yuav tsis ua rau koj haus!' vim tias tsis tshua yooj yim.''
Thiab peb los yeej tseem nco txog hom kasfes babycino. Uas ntim rau ib lub khob me me nrog ib co npuas mis xyaw nrog ib co hmoov chocolate. Babycino ces yog tsim rau tej me nyuam yaus haus kom nyob twj ywm thaum peb tseem haus peb tej kasfes.
Uas muaj ib txhia xav tias yog ib hom kasfes uas pheej tsim coj los npaj kom tej me nyuam no quav kasfes tag lawv ib sim neej xwb. Tab sis lub caij nyoog mam ua tus txiav txim seb yuav zoo li cas.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
