Xov xwm luv tshaj tawm rau hnub zwj Quag (Tuesday newsflash 13.02.2024):
Tej huab cua kub sov thaum ntxov rau hnub zwj Quag (Tuesday tim 13.02.2024) rau hnub uas lub xeev no ntsib tej xwm txheej huab cua kub sov tshaj plaws tom qab tau muaj kob hav zoov kub hnyiab xyoo 2019 -2020. Tasmania, South Australia thiab Western Australia los kuj raug ceeb toom kom ceev faj tsam muaj hav zoov kub hnyiab rau lub caij huab cua kub sov heev no.
Tsoom fwv teb chaws xav tsim kom tau ib tsab cai tshiab uas yuav rau txim rau tej neeg pheej coj lwm tus tej xov xwm mus qhia rau lwm tus hauv online. Lub hom phiaj yog tsim los pov puag tej neeg ntiag tug cov privacy thiab tawm tsam cov kev hais lus phem rau lwm tus. Thawj pwm tsav Albanese qhia rau xov tooj cua 2GB ntawm Sydney tom qab tau muaj ib co neeg tawm tsam txhawb nqa tej neeg Palestine tau coj ntau pua tus neeg Jew tej xov xwm ntiag tug tej npe, tej duab thiab social media coj mus qhia rau lwm tus hauv online.
Tsoom fwv teb chaws muaj hom phiaj xav tsim kom tau 3000 txoj hauj lwm rau Australia tej neeg txum tim ua rau lub sij hawm 3 xyoos ntxiv no tam li yog ib feem ntawm cov hauj lwm Closing the Gap coj los pab tej neeg txum tim uas txom nyem. Thiaj yuav siv nyiaj txog $707 million coj los tsim hauj lwm thiab yuav cia tej zejzog li tej lagluam ntoj ncig, horticulture, retail thiab community services uas cov txiav txim. Kom thiaj li pab kom muaj Australia tej neeg txum tim tau hauj lwm ua ntau tuaj ntxiv.
Tus nom tswj dej num tsiv teb tsaws chaw raug nug tas los rov qab raug nug dua hauv tsev tsoom fwv tias tsoom fwv tswj tej dej num neeg tsiv teb tsaws chaw uas raug muab tso li cas tom qab tsev hais plaub High Court hasi tias cov kev muab tej neeg thoj nam kaw yam tsis paub tias yuav raug tso hnub twg yog ib co kev ua txhaum cai tsaib no. Vim 39 tug neeg ntawm 149 tug uas raug tso yeej tsis tas coj tej pob electronic xauv caj dab taw. Thiab yeej tau muaj tej ntaub ntawv qhia tias muaj tej neeg no tshaj ib nrab tau ua txhaum li ntaus lwm tus, tsim teeb meem kub ntxhov, li nyiag neeg thiab ua lagluam muag riam phom txhaum cai. Tab sis Andrew Giles uas yog tus nom tswj dej num tsiv teb tsaws chaw yeej qhia tias tsoom fwv tau koom nrog tub ceev xwm thoob teb chaws los lis 4 co hauj lwm li tswj cov kev siv visa kom nruj, siv cov electoronic monitoring, siv cov kev txwv tsis pub tawm hmo ntuj thiab npaj tswv yim los kaw tej neeg yog tias tsis tau txais kev nyab xeeb rau tej zejzog.
Thawj pwm tsav Anthony Albanese tau liam pab nom Greens tias tiv thaiv kom tsis txhob muaj peev xwm kho tau tsab cai yuav pab kom tej neeg yuav tau thawj lub tsev nyob. Tus tsoom fwv Albanese yeej tau hais ntau zaus lawm tias nws yuav tsis kho cov negative gearing txawm tias pab nom Green pheej hais kom tsis txhob txo tej ze rau tej neeg nqe peev tsim vaj tse ntiav ua luam mas nws thiaj pab tsoom hawv cov hauj lwm 'Help to buy' home scheme uas tseem yuav sib teev theev rau limtiam tom ntej no.
Olaf Scholtz uas yog Germany tus thawj pwm tsav tau nqu hu tej teb chaws ua tub koom siab nrog lub koom haum NATO tsis txhob txhawj xeeb tom qab uas Meskas tus qub thawj pwm tsav tau hais tias tej teb chaw tub koom siab uas tsis them nyiaj pab phab tub rog yuav tsis tau txais kev pab cuam thiab yuav cia Russia tua tej teb chaws ntawd.
Kuj tau muaj cov kev txhawj xeeb tias Australia tej kev rau txim qeeb heev rau tej neeg Australia ua txhaum rau lub caij muaj tsov rog ntawm Afghanistan tau ua rau ib txhia tub rog Australia khiav tawm txawv teb chaws mus rau tej teb chaws uas tsis kam xa tej neeg raug txim rau Australia lawm. David Shoebridge uas yog ib tug nom senator ntawm pab nom Greens thiaj tau los nug txog tej lus iab liam no rau lub caij nug tsev kis xeev siab tias muaj 19 tug tub rog uas raug liam tias tau ua txhaum war crimes ntawm Afghanistan tau tawm ntawm Australia lawm.
The Laotian Times tau tshaj tawm tias Nplog yuav xub kub siab txog cov kev pov puag tib neeg txoj cai ua ntej tshaj plaws rau lub caij uas Nplog npaj yuav los ua tus tswv cuab tswj lub rooj sab laj ASEAN Summit xyoo 2024 no kom haum raws li zejzog pej kum haiv cai.
Bangkok Post tau tshaj tawm tias Thaib tus thawj pwm tsav Srettha Thavisin tau qhia tias nom tswv Thaib thiab tub ceev xwm Thaib yuav xub kub siab tshaj plaws los pov puag kom tau txais kev nyab xeeb rau tsev neeg huab tais Thaib tom qab tau muaj tej tub kawm uas tawm tsam tsis nyiam tsev neeg huab tais Thaib tau caij tsheb txiav ntxhais huab tais Thaib hauv ntej thiab tseem cav tias huab tais Thaib tej tsheb mus hauj lwm no tsim teeb meem rau zej tsoom, ces tom qab ntawd thiaj tau muaj tej neeg Thaib uas nyiam tsev neeg huab tais Thaib tau tshwm thiab tsim kev kub ntxhov thiab sib ntaus nrog tej neeg no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
