Xov xwm luv tshaj tawm hnub zwj Feej (Wednesday news 05.02.2025):
Meskas tus President Donald Trump hais tias Meskas yuav ua tus los txhim kho Gaza Strip dua tshiab tom qab muab tej neeg Palestineans tshem tawm thaum nws tau sab laj nrog Israel tus thawj pwm tsav Benjamin Netanyahu.
Tub ceev xwm New South Wales txheeb tau tias muaj ib tug me nyuam ntxhais hnoob nyoog 1 xyoos tau tas sim neej hauv ib lub tsheb nres sab nraum lub childcare centre ntawm Earlwood.
Muaj av qeeg ntawm Greek lub pov txwv Santorini ua rau muaj tej nkoj thiab dav hlau mus tshem ntau txheeb tus neeg.
Alistair Coe ntawm lub koom haum Alcohol Beverages Australia qhia tias raws li tau muaj ib cov kev teeb txheeb ua ntej thiab tom qab tim 1 lub 8 hli ntuj 2023 ces txheeb tau tias muaj tej tej caw tsis lo ntaub ntawv ceev toom kom tej poj niam muaj me nyuam tsis txhob hauv cawv rau.
Tab sim xa ib cov khoom mus pab rau Queensland lub zos Ingham tom qab muaj ntuj los nag hlob thiab raug dej nyab uas txoj kev Bruce Highway txuas rau Ollera Creek Bridge tu thiab muaj dej nyab siab txij pob ntsag ntau thaj chaw thiab tus dej Herbert tau siv tshaj 15 metres.
Lub tsev kawm qib siab Australian National University tau muaj ib cov kev teeb txheeb tshiab qhia tias neeg Australia totaub yuam kev txog cov kev tsiv teb tsaws chaw thiab xav kom muaj neeg tuaj tsawg rau Australia. Lawv ntseeg tias muaj tej neeg tsiv teb tsaws chaw ntawm Pacific tuaj coob txog 3 npaug thiab tej neeg tuaj ntawm Middle East tuaj coob 2 npaug.
Anne Ally uas yog tus nom tswvj hauj lwm Early Childhood tau coj Labor tsab cai childcare subsidies los sab laj hauv tsev kis xeev qes uas pab nom Greens hais tias nws yuav pab ntawm tsev kis xeev siab. Thiab yog tsim tau ua cai siv ces Australia tej niam txiv yuav tsu siv 3 hnub childcare ruaj.
Australia lub koom haum pov puag tej customer thiab tej lagluam cov kev sib tw (ACCC) tau coj ib cov kev teeb txheeb tshaj qhia tias muaj Australia tej khw muag khoom tshaj 2000 tsis kam qhia lawv tej terms thiab conditions rau tej customers txog lawv tej caij hloov dua tshiab, thim nyiaj los yab xa tej khoom rov qab, uas ACCC hais tias tej tuam txhab tej lus zoj khi tsis muaj peev xwm yuav tshem tau tej customers tej cai no.
Nplog tus thawj pwm tsav Sonexay Siphandone tau hais kom lub tuam chav tswj peev txheej thiab tej ib puag ncig nrog tswj tej roj hmab siv ib zaug pov tseg, thiab qhia kom zej tsoom, zejzog, lagluam, teej kawm paub txog kev phom sij ntawm tej khoom seem txeej coj los ua cov kev tiv thaiv kom tsis txhob muaj tej pa tsis huv paug tsuas rau tej ib puag ncig raws li Vientiane Times qhia.
Apple kuj muaj kev txhawj xeeb rau ib lub app ua luam liab qab uas coj mus tso rau nws lub App Store uas nws txhawj tias tsam ua rau nws puas koob npe raws li Tuoitre News qhia.
Tau muaj ib tug coj ntawm Thaib lub txhab nyiaj Bank of Thailand hais tias muaj 10 lub apps qev nyiaj yog cov app uas siv tsis raug cai thiab sam sim npaj yuav muab rho tawm hauv App Store thiab Google Play raws li Bangkok Post tau tshaj tawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum
los yog lwm cov podcast platforms (, , thiab ).
