Jieh-Yung Lo niam thiab txiv los yeej zoo tib yam lwm ntau yam neeg tsiv teb tsaws chaw ntawm teb chaws Australia uas rau siab ua hauj lwm los pab kom lawv tej me nyuam tau mus kawm ntawv ntiav los yog ntiav ib tug twg los qhia lawv tej me nyuam.
Nws hais tias “Tag nrho tej me nyuam uas kuv tau nrog lawv kawm ntawv ua ke, ces yeej muaj coob leej ntau tus uas tau ntiav ib tug lees kais los qhia lawv, tsis hais kawm ntawm tej teej kawm hnub zwj Cag (Saturday school) los yog ib tub lees kais qhia tim ntsej tim muag rau ib tug meyes (tub kawm), kuv yeej tau kawm tib si lawm. Kuv yeej tau kawm tej teej kawm uas qhia rau ob hnub so li zwj Cag thiab zwj Hnub (Sunday) uas kawm zauv (maths) thiab kuv kuj tau kawm nrog ib tug lees kais uas qhia kuv tib leeg xwb! Vim kuv niam thiab kuv txiv nkawv yeej xav kom kuv kawm tau zoo thiab tsis xav kom kuv xeem tau cov zauv tsis zoo.''
Tam sim no ces nws kuj yog ib tug leej txi (Txiv) lawm thiab tseem xav tias seb puas yuav ntiav ib tug leeskais los qhia nws tus ntxhais hu ua Hopelyn, tab sis nws hais tias yuav siv ib lub tswv yim txawv lawm.
Nws hais tias ''Peb tab tom txheeb seb yuav siv cov kev qhia zoo li cas tam sim no, hais tsi ntsees rau cov kev kawm zauv (maths) ntawm kawm ntawv Askiv (English), kom nws thiaj kawm tau zoo, kom nws kub siab kawm, thiab kuj ua tib zoo xyuas kom nws tau tau kawm rau ib qho chaw tau txais kev nyab xeeb, hais tsi ntsees rau cov kev kawm uas tib tug lees kais qhia ib tug tub kawm tim ntej tim muag, kom nws thiaj ntseeg tau nws tus kheej.''
Vim li cas tej niam txiv thiaj ntiav lees kais qhia?
Yeej muaj ntau yam laj thawj uas tej niam txiv ntiav: , los sis pab kom lawv kawm tau ib co sob kawm twg tsi ntsees kom kawm tau zoo tshaj qub tuaj ntxiv. Hos lwm cov leej niam leej txi ces yog xav kom lawv tej me nyuam tau kawm ntau yam kev kawm ntawv.
Mohan Dhall uas yog tus coj lub koom haum hais tias kuj pom tias tau muaj cov kev ntiav lees kais qhia tej tub kawm ntau tuaj ntxiv coj los pab kom ib co me nyuam tau mus kawm rau ib co teej kawm uas lawv xav mus kawm thiab.
Nws tshab txhais tias “Ces tej neeg thiaj ntiav ib tug lees kais los qhia lawv tej me nyuam kom tau mus kawm ntawm ib lub tsev kawm qib siab twg los yog kom tau mus kawm ua ib co hauj lwm twg. Ib txhia ces kuj ntiav tej lees kais qhia kom lawv tej me nyuam tau mus kawm tej tsev kawm ntawv ntiav los yog tsoom fwv tej teej kawm uas qhia tau zoo. Thiab yeej pom tias tej zejzog neeg tsiv teb tsaws chaw tej cuab yig yog cov pheej ntiav lees kais qhia lawv tej me nyuam kom tau mus kawm tej teej kawm li hais ntawd.''
Yeej muaj ntau txoj xub ke qhia tias tsis hais qhia tim ntej tim muag ib tug lees kais nrog ib tug tub kawm, kawm hauv online uas pab kom ib tug tub kawm kawm tau zoo ntxiv tuaj thiab kom nws ntseeg nws tus kheej. Credit: JohnnyGreig/Getty Images
Ho muaj cov kev qhia zoo li cas?
Kuj muaj ntau yam: , ntawm tej chaw qhia, los sis qhia hauv online. Yeej muaj ib txhia lees kais ces tsuas qhia tib tub tub kawm tim ntsej tim muag xwb, thiab lwm cov ces qhia ib pab tub kawm. Tsis tas li ntawd los yeej muaj ntau cov kev qhia sib txawv li pab tej tub kawm ua homework, pab lawv npaj ua ntej lawv yuav xeem tshau txuj.
Tab sis vim
Since , ces tsis hais ib tug twg li yeej muaj peev xwm ras los ua ib tug neeg qhia ntawv rau tej tub kawm tau.
Mr Dhall thiaj ceeb toom tias txawm tias ib ib tug tub kawm twg kawm tau zoo los txhais tsis tau tias lawv yuav yog ib tug muaj peev xwm qhia tau ntawv zoo rau lwm tus thiab.
Nws hais tias ''Kuv xav tias tej neeg zejzog tsiv teb tsaws chaw uas yog cov tsis tshua paub txog tej no zoo tej zaum cov kev ntiav lees kais qhia lawv tej me nyuam no kuj yuav ua rau lawv tej me nyuam haj yam tsis ntseeg siab rau lawv tus kheej thiab haj yam kawm tsis tau ntxiv los kuj tau vim tej zaum tus neeg qhia ntawd tsis muaj qualification uas yuav muaj peev xwm qhia tau raws li qhov lawv xav tau.''
Yuav xaiv ib tug neeg qhia li cas
Yog tej yam zoo uas xav kom mus nrog lwm tus niam txiv uas tau ntiav tej neeg qhia lawv tej me nyuam tham seb lawv ho muaj tej kev taw qhia li cas rau yus. Tsis tas li ntawd los Australia ntau lub xeev yeej muaj tej kev taw qhia tias yuav xaiv ib tug neeg qhia ntawv uas yog tej tub koom siab ntawm lub koom haum li cas, vim lub koom haum no yeej muaj tej cai nruj heev los tswj tias tej neeg qhia ntawv yuav tsum ua raws ib cov kev taw qhia zoo li cas los yog ib co cai tswj kom qhia li cas.
ua ntej yuav ntiav ib tug neg qhia yus tus me nyuam:
- Tus neeg ntawd muaj qualifications dab tsi thiab paub qhia zoo li cas?
- Tus neeg ntawd puas muaj daim ntawv tso cai qhia me nyuam yaus?
- Tus neeg ntawd puas muaj ib tug Australian Business Number (ABN) uas tau txais kev tso cai ua tau tej hauj lwm ntawd?
- Tus neeg qhia ntawd puas muaj ib daim receipt rau yus?
- Yog tias ho hloov siab tsis ntiav los yog lawv yuav tau thim nyiam ne, ho yuav thim rov qab li cas rau yus?
- Yuav siv dab tsi los ntsuam tias cov kev qhia yus tus me nyuam ntawd qhia tau zoo, thiab ho muaj tej pov thawj dab tsi qhia tau tias qhia tau zoo tiag?
- Yuav qhia ntev npaum li cas?
- Yuav kawm cov chav zoo li cas?
- Thiab ho yuav qhia ib tug neeg ntiag tug twg li cas?
- Thiab yog tias tus neeg qhia ntawd qhia tsis tau zoo rau yus tus me nyuam, qhia tsis haum ne, thaum twg mam li qhia rau nws paub los yog ho yuav ua li cas?
Ib tug leej niam tab tom pab nws tus tub kawm thaum tseem kawm online ntawm tsev. Credit: MoMo Productions/Getty Images
For online tutoring, Mr Dhall los kuj tawm qhia kom txheeb tias seb tus neeg qhia ntawv puas muaj feem koom kub siab tiag thiab: ''Piv txwv li seb lawv puas qhib lawv lub cameras? Lawv puas saib tias tej neeg tag tom ua dab tsi? Lawv puas muaj ib daim ntawv teev tej tub kawm npe, thiab txheeb tias seb lawv tau ua dab tsi ntau npaum li cas los pab qhia tej tub kawm? Lawv puas pab txheeb thiab saib tej lus uas tej me nyuam sau sib tham? Thiab lawv ho yuav qhia tau li cas tias lawv tau ua tej hauj lwm qhia ntawv lawm? Thiab ho muaj tej lus tawm tswv yim dab tsi txog lawv cov kev qhia ntawv ntawd kiag tam sim no los yog hauv online li cas?''
Jieh-Yung Lo uas yog ib tug leej txiv ntawm Melbourne los kuj qhia tias cov kev cia nws tus ntxhais muaj feem koom rau cov kev ntiav ib tug neeg qhia nws yog tej yam tseem ceeb heev. Ua ke no los Alex Wong uas yog ib tug leej txi ntawm Brisbane los kuj hais tias yuav tau nug seb nws tus ntxhais xav li cas thiab thaum yuav ntiav ib tug neeg los qhia ntawv rau nws tus ntxhais.
“Ces cov kev yuav txiav txim siab tias seb puas yuav ntiav los tsis ntiav ib tug neeg qhia ntawv thiaj tsuas nyob rau ntawm seb yus tus ntxhais xav li cas xwb. Seb puas yog cov kev ntiav neeg qhia nws ua rau nws dhuav, ua rau nws tswj tsis tau nws tus kheej, tsis tij lim, los yog ua rau nws tsis kub siab kawm, los yog ua rau nws xav tias vuag qhia tau zoo tiag tiag thiab kuv xav kawm ntau ntxiv? Ces peb thiaj yuav tau sim ntau tus kom thiaj xaiv tau ib tug qhia tau zoo,'' raws li nws tshab txhais.
Vim yeej tsis muaj tej cai los ua tib zoo tswj cov kev ntiav ib tug neeg qhia ntawv rau yus tej me nyuam ces ntawm Australia, ces thiaj tsim nyog tej niam txiv yuav tau xyuam xim ceev faj txog cov kev txheeb thiab xaiv ib tug neeg qhia ntawv li txheeb seb lawv puas muaj qualifications, lawv puas paub qhia thiab seb lawv ho yuav siv txoj xub ke qhia zoo li cas. Credit: Westend61/Getty Images/Westend61
Tej nqe qhia
Tej nqe qhia kuj sib txawv thiab, yog tej neeg qhia tsis muaj qualification dab tsi ces tsuas them ib teev twg $20 xwb, tab sis yog tej muaj qualifications ces kuj yuav tau them txog li $200 rau lawv cov kev qhia ib co sob kawm twg thiab.
Txawm li cas los kuj muaj ib co program pab qhia tej me nyuam kom kawm tau ntawv zoo uas siv dawb xwb thiab.
Yeej muaj ntau cov koom haum li tej chaw saib ntawv (Libaries) uas muaj tej program pab yus tej me nyuam ua homework, thiab yeej muaj ib co programs uas tsim tsi ntsees coj los pab tej neeg tsiv teb tsaws chaw tuaj tshiab rau Australia thiab.
Ntawm Canberra ces yeej muaj cov uas lub koom haum uas tus tswj thiab yej muaj tej neeg qhia ib tug nrog ib tug tim ntsej tim muag rau tej hluas uas yog cov neeg tsiv teb tsaws chaw thiab.
Sonia Di Mezza uas yog tus coj lub koom haum no thiaj qhia tias tej program no yeej pab tau ntau yam zoo rau tej tub kawm thiab.
Nws hais tias “Ua rau lawv kawm tau zoo dua thiab muaj peev xwm kawm tau txuas ntxiv, thiab pab kom lawv kawm tau ntawv Aaskiv zoo tuaj ntxiv, thiab pab kom kawv totaub zoo tuaj ntxiv txog Australia cov education system.''
The role of parents
Mr Dhall thiaj qhia txog qhov tseem ceeb ntawm cov kev ntiav neeg qhia yus tej me nyuam tias tsis tsim nyog yuav siv coj los hloov cov kev qhia ntawm tej teej kawm. Thiab tsim nyog tej niam txiv yuav tau ua lub luag haum lwm tseem ceeb nrog xyuas thiab pab lawv tej me nyuam cov kev kawm.
Nws hais tias “Thawj nqe lus nug uas tej niam txiv tsim nyog nug lawv tus kheej ces yuav tau nug tias, Kuv ho muaj peev xwm ua tau dab tsi coj los pab kuv tus me nyuam? Kuv puas muaj peev xwm nrog lawv nyeem ntawv? Kuv puas muaj peev xwm siv ib lub sij hawm ua ke nrog lawv? Thiab kuv ho muaj peev xwm ua tau dab tsi los pab kuv kom kuv muaj feem koom thiab pab tau kuv tus me nyuam cov kev kawm?''
Subscribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia kom koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
