Ntsiab lus tseem ceeb:
- Ntawm teb chaws Australia no ces koj yeej muaj peev xwm coj tej khoom siv hluav taws xob uas tsis xav siv lawm coj mus rau tej chaw rov qab coj tej khoom no mus siv dua los yog tej chaw khaws cov e-waste dawb yam tsis tau them dab tsi.
- Tej lithium-ion batteries ces yuav tsum coj mus pov tseg txawv tej batteries ib txwm siv.
- Koj muaj peev xwm mus txheeb tau ntawm lub vas sab recyclingnearyou.com.au ces paub tias muaj tej chaw twg uas koj muaj peev xwm coj koj tej TV qub, computer, xov tooj los yog lwm yam khoom siv hluav taws xob uas puas lawm los yog tsis xav siv lawm coj mus pov tseg tau.
Raws li tsab ntawv cej luam tshiab tau qhia ces xyoo 2020-21 tau qhia tias Australia muaj cov e-waste txog 531,000 tonnes diam.
Rebecca Gilling uas yog tus coj ntawm lub koom haum tshab txhais tias “Txhais tau tias ib tug neeg Australia twg muaj tej khoom e-waste no xam ua tus zauv nrab txog li ntawm 7 kilo,''
“Thiab muaj tej khoom ntawd txog li ntawm 54 feem pua uas raug xa rov qab coj mus siv dua, hos muaj txog li 35 feem pua ces yog cov khoom uas muaj peev xwm kho tau rov qab coj los siv.''
Batteries ces yog tej khoom e-waste uas tau koob npe tsis zoo tias raug coj mus pov rau hauv tej thoob rau khoom seem txeej tas mus li.
Thiab yeej tau kwv yees tias 90 feem pua ntawm tej batteries uas teb chaws Australia siv ntawd ces raug coj mus faus ntawm tej chaw faus khoom seem txeej, uas tau taug tshuaj ntawm tej batteries no tau paim paug tsuas rau peb tej av thiab tej dej.
Thaum uas tej batteries raug sib tsub sib nias thiab tawg rau hauv tej tsheb thauj tej khoom seem txheej thiab ntawm tej chaw khaws/faus khoom seem txheej lawm, ces tej zaum lawv kuj yuav tawm txim ua rau hluav taws kub hnyiab thiab ua kev phom sij rau tib neeg txoj sia thiab tej ib puag ncig tau thiab. Credit: PhotoAlto/Milena Boniek/Getty Images
Tej nom tswv xeev los yeej tau koom tes nrog lub koom haum , uas yog ib lub koom haum tau txais kev pab cuam ntawm tsoom fwv uas los tsim tej chaw khaws tej batteries uas tej cuab yig siv ntawm tej zejzog tej chaw khaws tej khoom rov qab coj mus siv thiab tej chaw muag khoom uas khaws tej khoom no rov qab coj mus siv dua.
Thiab txawm coj tej batteries uas tsis siv lawm coj mus pov tseg los yuav tau ua tej yam yooj yooj yim pab kom thiaj tsis tawm txim kub hnyiab thiab.
Peb yeej tau pom tsis ntev los no tias yeej muaj pov thawj qhia tau tias muaj ib co xwm txheej kub hnyiab tau tshwm sim rau ntawm tej chaw khaws tej khoom qub rov qab coj mus siv dua.Rebecca Gilling, CEO of Planet Ark
Ms Gilling thiaj tshab txhais tias ''Yog li ntawd, peb thiaj txhawb nqa kom tej neeg siv ntaub nplaum los rau ntawm ob tog ntawm lub roj teeb [ sab muaj tus cim + thiab tus cim -] thiaj yuav pav tiv thaiv kom tsis txhob tawm txim thaum sib chwv thiab thiaj tsis txhob kub hnyiab.''
Tab sis kuj muaj ib txhia batteries uas muaj cai coj mus rau cov B-cycle recycling program li tej lithium batteries uas peb ib txwm paub li tej siv rau tej tsheb kauj vab siv hluav taws xob thiab siv rau tej scooters thiab.
Tab sis Tianyi Ma uas yog ib tug zes kais nto npe ntawm lub tuam chav School of Science ntawm tsev kawm qib siab Royal Melbourne Institute of Technology (RMIT) hais tias tej roj teeb lithium-ion batteries ces yeej raug coj mus siv rau tej twj ntau yam uas siv ua lub neej txhua hnub tshaj qhov peb xav lawm thiab.
Nws hais tias “Tsis hais tej roj teeb me mus txog rau tej roj teeb loj li tej pab nqa tau uas siv rau tej xov tooj ntawm tes (smartphones - mobile phones), laptops, tablets, thiab digital cameras, hos tej baterries loj ces yog tej siv tau ntawm tej tsheb siv hluav taws xob, tej siv ntawm tej tsheb, tej tsheb maum npua (motorcycles) thiab tej loj li tej siv khaws hluav taws xob ntawm tej tiaj phiaj ziab tshab tsim hluav taws xob.''
Lithium-ion batteries ces kuj yog tej batteries uas peb siv coj los sam hluav taws xob rau lwm yam twj siv hluav taws xob, los yog tej khoom ua si uas yeej muaj ntau hom yam ntxwv thiab loj me sib txwv. Yog tias lub battery ntawm muaj lo lus ''Li los yog Lithium'' sau rau ces yeej yog hom lithium-ion battery lawm. Source: Moment RF / Kypros/Getty Images
Yog thaum tau puas lawm ces tej zaum lub battery ntawm kuj yuav muaj peev xwm tawg muaj ceem heev, thiab yuav tso tej taug tawm, yuav muaj peev xwm kub hnyiab thiab yuav muaj ib co gases, thiab yuav kub hnyiab muaj ceem heev uas tej zaum yuav tsis muaj peev xwm tua tau thiab.
Yog xav lug kom tsis txhob rau tej xwm txheej phom sij no ces yuav tau xyuam xim ceev faj ntau yam xwb.
Professor Ma taw qhia tias “Thawj yam ces khaws tej roj teeb lithium-ion battery rau tej chaw txias, qhuav qhuav thiab tsis tso rau tej khoom ntim uas tsis txais hluav taws xob los yog thaiv kom tsis txhob kub coj los tiv thaiv kom hluav taws xob ntwm lub rooj teeb (battery) tsis txhob dim los laum yus,''
Thiab nws hais ntxiv tias “Yeej muaj ntau cov khw thiab tej chaw tswj tej khoom seem txeej khaws tej batteries qub coj rov qab mus siv dua tshiab,''
Yog thaum tau txais kev nyab xeeb tshem tau ib lub lithium battery tawm lawm ces tsim nyog muab ntaub nplaum los ob tog (+ thiab -) rau ua ntej yuav muab xa mus rau tej chaw khaws tej khoom no rov qab coj mus siv dua.
Professor Ma thiaj xav rov qab qhia ntxiv tias kev nyab xeeb yog tej yam tseem ceeb tshaj plaws thaum los tswj ib lub roj teeb uas puas lawm.
Thoob plaws Australia no ces yeej muaj ntau yam program uas rov qab coj tej khoom siv hluav taws xob coj mus siv dua ntxiv.
Thiab tej program no ces tej chaw tsim tej khoom no siv los yog nqus tej khoom no txawv teb chaws los siv yuav tsum tau tshwm nyiaj los pab rov qab coj tej khoom no rov qab coj mus siv dua ntxiv.
Koj puas paub tias tej e-schooters thiab tej tsheb kauj vab yeej siv tej roj teeb lithium-ion batteries? Thiaj li tsis tsim nyog muab tej roj teeb no los yog ib yam roj teeb twg coj mus tso nrog tej khoom seem txeej hauv lub cuab yig los yog coj mus tso rau tej thoob ntim tej khoom uas yuav rov qab coj mus siv dua ntxiv. Credit: Solskin/Getty Images
“Tej neeg yeej muaj peev xwm cia li coj tej khoom li tej TV qub uas tau siv lawm los yog tej computers los yog ib yam dab tsi ntawm tej comptures, los yog tej twj siv rau computers coj mus rau tej nom tswv zos tej chaw khaws tej khoom no tau.
“Thiab tag nrho tej nom tswv zos yeej muaj ntau qhov chaw rau tej neeg zejzog coj tej khoom no ib yam dab tsi coj mus pov tsawg rau tej chaw ntawd.''
“Thiab kom tej neeg tso siab tias cov National Television and Computer recycling Scheme yeej yuav pov puag lawv tej xov xwm ntiag tug li yuav tshem tag nrho lawv tej xov xwm ntawm tej twj ntawd tawm ua ntej yuav raug muab xa rov qab coj mus siv dua, coj mus kho dua los yog rov qab coj mus nchuav ua dua yam khoom tshiab siv dua ntxiv.''
Txawm li cas los yog tej yam tseem ceeb kom peb nco tias tsis yog txhua qhov chaw khaws tej khoom rov qab coj mus siv no yuav koom cov scheme no thiab, ces tej zaum yus kuj yuav tau them nqe coj tej khoom no coj mus pov rau ntawm ib qho chaw twg thiab. Ces qhov zoo tshaj ces xav kom txheeb tej no nrog yus tus nom tswv zos.
Tsoom fwv Australia yeej muaj cov recycling program uas tej neeg muaj peev xwm siv tau dawb li coj lawv tej qub TV, computers, tshuab luam ntawv, los yog ib yam dab tsi ntawm tej computers los yog tej khoom siv cuam tshuam nrog computers coj mus pov rau yam tsis tau them dab tsi. Source: Moment RF / Schon/Getty Images
Louise Hyland ces yog tus coj ntawm lub koom haum Australian Mobile Telecommunications Association, uas yog ib lub koom haum tseem ceeb uas sawv cev rau tej lagluam cov industry-led recycling program.
Nws hais tias “Peb txhawb nqa tej neeg kom theej lawv tej xov xwm mus rau tej twj tshiab thiab muab tej xov xwm qub lwv ntwm tej xov tooj qub lwv pov tseg kom tag ua ntej yuav coj mus recycling. Kom yus tej xov xwm tsis txhob poob rau lwm tus.
“Tab sis txawm yus tsis ua li ntawd los, yog thaum tej neeg coj lawv tej xov tooj mus recycle ces lawv tej xov xwm yeej yuav raug txov pov tseg thiab, vim tias tag nrho lub xov tooj ntawm tes yeej yuav raug muab rhuav lawm.''
Tsis tas li ntawd los tej twj uas siv pab ntxiv rau tej xov tooj los yeej muaj peev xwm coj mus recycle tau raws li cov program no thiab, uas yus yeej muaj peev xwm coj mus rau tej chaw ntawd kiag los yog muaj peev xwm xa hauv hnab ntawv mus rau tej chaw recycle ntawd yam tsis tau them dab tsi thiab.
Ms Hyland hais tias ''Peb yeej txais txhua yam xov tooj thiab txhua hom xov tooj ntawm tes, nrog tej pob sam hluav taws xob, tej twj siv ntxiv rau tej xov tooj, tej modems, tej khoom coj ntawm tes lso yog tej twj siv rau yus lub tsev thiab,''
“Ces cov kev coj ib lub xov tooj coj mus recycle nrog mobile muster thiaj siv dawb xwb, uas yus yeej muaj peev xwm coj tej khoom no mus kiag rau ntawm tej chaw recycle tej khoom no txog 3,000 lub thoob teb chaws ... los yog muaj peev xwm thov kom xa cov hnab uas twb them nqe xa lawm es mam ntim thiab xa rau peb lub chaw ntawd los tau.
“Ua tau yooj yooj yim xwb, koj cia li mus rau ntawm peb lub vas sab: thiab sau koj tus postcode rau xwb.”
Tsis tas li ntawd los tej roj teeb uas siv rau ntawm tej mobile phones/smartphones los kuj muaj peev xwm coj mus recycle thiab yog tias tseem nyob sab hauv lub xov tooj ntawd. Tsis li ntawd ces yog tias twg muab thau los lawm ces tsim nyog yuav tau muab xa rau cov chaw recycle roj teeb batteries tsi ntsee li cov B-cycle program ntawd.
Hos yog tham txog tej twj siv hluav taws xob thiab lwm yam khoom siv hauv vaj tse uas tsis siv ntxiv lawm, ces koj kuj muaj peev xwm txheeb tau ntawm lub vas sab seb ho muaj tej xub ke tsim nyog coj mus recycle siv li cas rau koj siv thiab ho muaj tej chaw no nyob ze koj qhov twg rau koj siv.
Ms Gilling tshab txhais tias “Tej neeg yeej muaj peev xwm mus txheeb tau ntawm lub vas sab ntawd thiab tsuas sau yus tus postcode rau thiab xaiv tias seb yus ho muaj tej khoom dab tsi yuav coj mus rau lawv ces lawv mam li qhia tag nrho tej chaw nyob ntawm yus zos uas yus muaj peev xwm coj tau tej khoom ntawd mus rau lawv tau,''
“Thiab yeej yog ib lub chaw muaj xov xwm ntau yam qhia rau yus tsis yog tib co e-waste nkaus xwb tab sis yeej qhia tag nrho lwm yam khoom uas yus xav txheeb tias seb puas muaj peev xwm rov qab coj mus recycle los yog rov qab coj mus siv tau li cas ntxiv thiab.''
Tej khoom e-waste uas tau rov qab coj mus siv dua ib zaug ntxiv ces yog siv coj mus pua kev, siv coj mus ua tej khoom tsim vaj tse, los yog siv coj mus ua dua tej roj teeb tshiab, ua ke no los kuj tau ib co hlau muaj nqes los ntawm cov kev muab tej twj ntawd hle thiab. Credit: Mindful Media/Getty Images
Yuav ua li cas yog tias ib yam twj siv hluav taws sob kub hnyiab los yog ib lub roj teeb kub hnyiab
Yog tias yam twj ntawd los yog lub roj teeb ntawd pib nco pa thiab kub cig nplaim lawm ces:
- Tsiv tawm ntawm thaj chaw ntawd thiab kaw tej qhov rooj yog tias muaj peev xwm kaw tau kom kyb qeeb thiab tsis txhob pub ib tug twg rov qab mus rau sab hauv lub tsev ntawd hlo li lawm. Qhib tej qhov rooj qhov rais kom dav kom tej cua tej pa muaj taug tawm thiab tsis txhob nqus tej nplaim taws kub hniab rau yus lub ces hlo li.
- Hu rau tus xov tooj Triple Zero (000) thiab tos rau ntawm ib thaj chaw uas tau txais kev nyab xeeb tos tej neeg tua hluav taws tuaj txog tso.
- Yog tias ib tug twg ho raug tej kua electrolyte hlab/hlawv/kub, tej khoom ya tuaj raug, los yog nqus tau tej pa taws los yog tej pa ncho los sis yog rau tej nplaim taws yaim/hlawv lawm ces kom kav tsij nrhiav kev kho mob pab cuam kom sai.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
