Xov xwm luv tshaj tawm hnub zwj Quag (Tuesday news 08.04.2025):
Senator Bridget McKenzie uas yog ib tug nom ntawm pab nom Nationals hais tias neeg Australia xav tau ib tug coj muaj peev xwm tswj lagluam rau lub caij muaj kev txhawj xeeb tias tsam lagluam ntiaj teb tsis zoo vim Meskas cov kev tsub se. Tau ua rau Australia tej share ASX 200 poob peev $110 million (7/4/2025). Ces nws thiaj qhia rau lub chaw nthuav xov xwm tshooj 9 tias neeg Australia txhawj txog lawv tej nyiaj superannuation thiab tej shares.
Tau muaj ib tug nom tseem ceeb ntawm teb chaws Iran qhia tias tsis hais yog ib co kev sib khom ntawm Meskas thiab Iran txog nuclear twg li yuav tsis muaj cov kev sib tham tim ntsej tim muag ncaj qha. Thiaj muaj tej xwm txheej no tom qab Meskas tus president Donald Trump tau hais ib co lus ua rau sawv daws ceeb tias Meskas thiab Iran yuav sib tham txog nuclear ntawm Tehran.
Tau muaj ntau txheeb tus kws kho mob ntawm New South Wales tau mus tawm tsam hnub tim 8 lub 4 hlis ntuj (2025) no sab nraum ib lub tsev kho mob loj ntawm Western Sydney tawm tsam kom tau nyiaj hauj lwm zoo tshaj qub ntxiv thiab tau cov working conditions kom zoo tshaj qub ntxiv ntawm lub xeev no. Lub koom haum union kuj tau qhia tej no limtiam dhau los tias xav tau nyiaj hauj lwm 30 feem pua ntau ntxiv xyoo no thiab ntau xyoo txuas ntxiv ntawm ces xav tau 3 feem pua ntxiv rau thawj xyoo ntawd thiab kom thiaj tau nyiaj hauj lwm tib yam li lwm lub xeev.
Tsoom fwv Albanese tau qhia tias nws yuav siv nyiaj $1 billion dollar coj los daws tej teeb meem nyuaj siab ntxhov plawv tom qab tau muaj tej psychiatrist coob heev tawm ntawm xeev NSW vim lawv hais tias lawv yog cov khwv tau nyiaj tsawg tshaj plaws ntawm teb chaws Australia. Txawm li cas los tus coj ntawm lwm pab nom teb chaws kuj tseem tsis tau qhia tias seb nws puas yuav ua tib yam li pab nom Labor tsab cai no thiab.
Meskas tus President Donald Trump tau rov qab qhia ntxiv tias Meskas xav tswj Gaza Strip thaum nrog Israel tus thawj pwm tsav Benjamin Netanyahu tham, uas yog ib lub tswv yim ntau ntxov uas ntiaj teb tsis pom zoo rau thaum ntau limtiam uas Trump tau ua tsoom fwv tshiab tias yog ib lub tswv yim tsim teeb meem rau ib tsav neeg tsawg.
Thawj pwm tsav thiab tus coj ntawm lwm pab nom teb chaws tau qhia tias yuav muaj cov kev sib teev theev txog cov kev xaiv tsa tsoom fwv teb chaws hmo no (08.04.2025) ntawm Western Sydney yuav tham txog ntau yam tseem ceeb uas yuav muaj 100 tus neeg xaiv nom uas tseem tsis tau txiav txim siab tias yuav xaiv pab nom twg yuav los nug tej lus nug.
New Zealand yuav siv nyiaj txog li 2 feem puas ntawm nws tej GDP los pab cov hauj lwm tub rog rau lub sij hawm 8 xyoo ntxiv tom ntej no raws li Touitre News tau qhia.
Zej tsoom Nplog tsis pom zoo nrog tsoom fwv Vientiane ib cov kev cej luam tsis ntev los no tias muaj tej pej xeem hauv tuam ceeb Vientiane dim ntawm kev txom nyem tshaj 99 feem pua lawm. Ua ke no los muaj xov xwm qhia tias Nplog lub txhab nyiaj Bank of Laos yuav tsub nqe rau tej neeg rhov nyiaj thiab siv nyiaj los yog xa nyiaj nkag rau lawv phau ntawv khaws nyiaj txawv teb chaws txij li 1 txog 30 dollars Meskas raws li The Laotian Times qhia.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
