Tau muaj teeb meem rau Optus network ces ua rau muaj nws tej customers ntau millions tus tsis muaj peev xwm siv tau tej xov tooj ntawm tes, xov tooj hauv tsev/chaw ua hauj lwm thiab internet.
Australia tus thawj pwm tsav mus koom lub rooj sab laj Pacific Islands Forum uas yuav tham txog huab cua pauv hloov, tej teeb meem laj fai kum xeeb ntawm cheeb tsam thiab tej teeb meem cuam tshuam txog nuclear.
Tau muaj ib tug txiv neej tsav tsheb nrau ob tug me nyuam tub tuag ntawm Sydney raug liam tias tsav tsheb muaj ntawv tsav tsheb rau lub caijt sav tsheb.
Tej economists hais tias Australia tej neeg qev nyiaj los yuav tsev thiab tej tswv tsev tsis xav paub txog RBA cov kev nce kab theem paj 4.35% rau hnub Melbourne Cup day. Thiab Jane Hume uas yog tus nom tswj nyiaj txiaj ntawm lwm pab nom hais tias twb yog tim tsoom fwv Albanese tsis muaj peev xwm tswj tej nyiaj poob nqe ces RBA thiaj tsis muaj lwm txoj xub ke xaiv lawm.
Israel tau qhia tias nws muaj peev xwm tawm tsam thiab puav lub nroog Gaza thiab tawm tsam tau zoo nrog Hamas tej tub rog thiab tsis kam xaus nws cov tsov rog nrog Hamas. Raws li Hamas tej nom tswv kho mob tau qhia ces muaj tej neeg raug mob coob tuaj ntxiv thiab twg muaj tej neeg ntawm Gaza tas sim neej tshaj 10,000 tus lawm. UN los kuj txhawj tias tsam cov kev tseem muaj tej neeg pheej khiav mus ntxiv rau lub yeej thoj nam uas twb muaj neeg coob tshaj 1.5 million tus neeg no yuav haj yam yuav nyuaj tshaj qub ntxiv uas yuav pab tau tej neeg coob ntxiv no.
ACCC rov qab hais rooj plaub nrog Qantas hnub no vim nws tau liam lub 8 hli ntuj xyoo 2023 tias lub tuam txhab no twb cancel tej fij dav hlau tag lawm tab sis tseem muaj tej pib dav hlau ntau tshaj 10,000 cov rau tej customers.
European Space Agency kuj tau coj thawj daim duab uas lub yeeb yaj tsom Euclid Telescope uas xav tsis ntev los no rau nruab ntug yees tau ntawd coj los tso rau zej tsoom saib, lub hom phiaj yog xav yees duab kom paub tias universe zoo li cas thiab muaj dab tsi.
Tub ceev xwm kuj tau mus nrog tus txiv neej hnoob nyoog 66 xyoos nyob ntawm Mount Macedon uas tau caij tsheb mus nrau 5 tug neeg tas sim neej ntawm Victoria lub zos yaj sab tham.
Tau muaj ntau pawg neeg Jew ntawm Australia no tau ua koom txoos txwm 1 hlis uas tau muaj cov xwm txheej Hamas tua Israel, thiab kuj tau thov tswv ntuj foom koob hmoov rau ob co neeg Israeli thiab Palestinian. Thiab ib txhia tub koom siab ntawm lub koom haum Australian Islamic Community of Australia tau nqua hu kom tej nom tswv kub siab nrog tiv thaiv kom tsis txhob muaj neeg tsis nyiam neeg Muslim vim raws li lub koom haum Islamophobia Register of Australia tau qhia tias txij li thaum Hamas tau tua Israel los ces tau muaj tej xwm txheej tej neeg tsis nyiam neeg Muslim txog 10 npaug lawm.
Tsoom fwv Australia yuav nqes peev nyiaj 15 million dollars los teeb txheeb txog tej teeb meem kub ntxhov hauv lub cuab yig uas pheej muaj rau Australia tej neeg txum tim tej poj niam me nyuam rau lub sij hawm 5 xyoos.
Michael Turnbull uas yog Australia tus qub thawj pwm tsav tau nqua hu kom thawj pwm tsav Albanese tsis txhob mus xyuas teb chaws Israel rau lub caij uas tau muaj Australia tus qub thawj pwm tsav Scott Morrison thiab Aaskiv tus qub thawj pwm tsav Boris Johnson tau mus xyuas lub teb chaws no. Vim nws hais tias txawm mus los tsis muaj qab hau dab tsi thiab xav kom nws kub siab daws ntau yam teeb meem ntawm lub teb chaws Australia no zoo dua.
Thawj pwm tsav Albanese qhia tias thaum nws mus xyuas nom tswv Suav thiab nrog Suav tus coj Xi Jinping tham ces yeej tsis tham txog cov kev pom zoo AUKUS li. Vim rau qhov tias Beijing tsis pom zoo thiab hais tias yuav cov nyom rau pej kum haiv tej cai txwv tsis pub tsim riam phom nuclear.
Bangkok Post tau tshaj tawm tias Thaib lub tuam chav Personal Data Protection Commission hais tias yuav tsim kom tau ib lub app coj los siv uas yuav tiv thaiv kom tej chaw hu xov tooj tsis txhob pheej hu xov tooj los yog xa text message rau lawv, los yog kom tej neeg phem tsis txhob muaj peev xwm siv tej xub ke no ntxias dag tej neeg.
Hnub tim 26.10.2023 dhau los ces Mr Houmphan Vongphachan uas yog Nplog tus lwm coj ntawm lub tuam chav energy thiab mining kuj tau coj nws ib pab neeg tuaj koom kawm thiab koom saminar txog cov caj tswj tej hluav taws xob thiab lagluam muag hluav taws xob thiab tham txog tej renewable energy los yog clean energy.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
