Muaj neeg rov qab kis tau kab mob coronavirus ntawm Brisbane

Muaj neeg kis tau kab mob coronavirus ntawm qee lub zos muaj Hmoob nyob coob heev ntawm Brisbane lawm. Ceev faj nawb tsis muaj hauj lwm dab tsi tseem ceeb ces nyob twj ywm hauv tsev tsuas yog tias ntshe koj mus kho mob, mus ua hauj lwm, kawm ntawv los yog muaj dej num tseem ceeb yuav tsum tau mus xwb.

Janet Lauj uas yog tus neeg ua hauj lwm communication advisor nrog lub koom haum Hmong Brisbane Culture Association tham txog cov xwm txheej kab mob COVID-19 uas tau xub pib kis ntawm lub chaw ua hauj lwm Waycol thiab tam sim no tau kis mus rau 67 qhov chaw los yog muaj neeg kis tau tus mob no txog li 10 leej thiab cov xwm txheej tshiab ces tau kis rau tej hluas raug kaw tsev laj cuj ntawm nroog Brisbane lawm.

Tab sis qhov tseem ceeb tshaj plaws ces Janet Lauj hais tias tej neeg kis tau tus kab mob no los yeej nyob ze rau lub zos Master uas muaj Hmoob nyob coob heev thiab. Yog li ntawd nws thiaj kom sawv daws ceev faj txhob mus pla yog tsis muaj hauj lwm dab tsi tseem ceeb. Thiab tau qhia txog tias nom tswv tau tawm dua ib cov kev taw qhia tshiab kom tej neeg sib sau ua ke hauv tsev thiab nraum zoov txog li 10 leej lawm xwb, kom thiaj tsis txhob muaj neeg kis tau tus kab mob no coob tuaj ntxiv.

Hos hais txog ntawm cov kev ua ntaub ntawv thov nom tswv seb puas tau hall los noj peb caug ntawd ces koom haum mam li sab laj thiab txiav txim siab tias seb yuav ua li cas. Tab sis yeej yuav tau ua raws tej nom tswv xeev thiab nom tswv teb chaws Australia tej kev txwv cov kev sib koom ua koom txoos uas muaj neeg coob coob sib sau ua ke no kom tej neeg tau txais kev nyab xeeb, xws li yuav tsum tau muaj cov covid-19 safety plan siv ntawm tej hall kom tej neeg mus koom tsis kis tus mob no thiab yuav tsum ua raws nom tswv tej cai thiab. Yog li ntawd yuav tsum tau npaj ntaub ntawv ntau yam xa rau nom tswv thiab lawv mam li ua tib zoo xav seb puas yuav pub los tsis pub ua koom txoos peb caug li cas. 

Mloog tau lwm cov xov xwm hais txog online scams thiab online safety tau ntawm no:

READ MORE

Cov teeb meem ua txhaum cai hauv online los yog internet

Download tau lub 

COVIDSafe app

 los siv kom pab Australia tiv thaiv kom txhob muaj neeg kis tau tus kab mob coronavirus no ntxiv.

Tam sim no twb muaj neeg Australian ze txog 6 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.

READ MORE

Cov tshuaj vaccine coj los kho tus kab mob COVID-19

READ MORE

Lub app coj los tiv thaiv kab mob COVID-19

READ MORE

Tej cai uas tej xeev coj los siv tswj kab mob thoob plaws teb chaws Australia

Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj :

Australia muaj neeg kis tus kab mob COVID-19 li no:

Ntiaj teb muaj neeg kis tau kab mob COVID-19 npaum li no:

Ntiaj teb daim luaj chib lig (World map) qhia tias teb chaws twg kis thiab tas sim neej los ntawm tus kab mob COVID-19 ntau npaum li cas:

---

Tej neeg nyob ntawm nroog Melbourne yuav tsum tau nyob twj ywm hauv tsev li nom tswv tau haias thiab tsuas tawm tsev mus yuav khoom noj khoom haus tseem ceeb, mus kawm ntawv, mus ua hauj lwm, mus ua exercise los yog mus tu saib xyuas lwm tus neeg xwb. Tsis tas li no los nom tswv yeej tau taw qhia kom siv ntaub khwb qhob ncauj thaum lawv mus rau zej tsoom tej chaw thiab. Mus txheeb tau tej xov xwm koj yuav tsum tau paub txog tus kab mob COVID-19 ntawm tej xeev tau ntxiv ntawm no.

Tej neeg nyob ntawm teb chaws Australia yuav tsum nyob kom nrug ntawm lwm tus neeg li 1.5 metres. Thiab mus txheeb ntxiv seb koj lub xeev ho muaj cov kev txwv tsis pub tej neeg sib sau li cas ntxiv.

Yog tias koj tau khaub thuas thiab muaj yam ntxwv mob, ces nyob twj yim hauv tsev thiab npaj hu xov tooj nrog koj tus kws kho mob tham los yog hu rau lub koom haum Coronavirus Health Information Hotline tus xov tooj 1800 020 080 tham seb yuav mus sim seb puas kis tus kab mob coronavirus no tau li cas.

SBS yeej tsim tau cov xov xwm ua 63 hom lus qhia txog tus kab mob no thiab koj muaj peev xwm mus txheeb xyuas tau ntawm sbs.com.au/coronavirus.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.