Xov xwm luv tshaj tawm hnub zwj Feej (Wednesday news 05.06.2024):
- Australia tus nom tswj dej num tiv thaiv teb chaws Richard Marles qhia tias ''yuav pub tej neeg ntawm ntau lub teb chaws muaj cai'' ua tau Australia tej tub rog.
- Suav lub tuam chav tswj dej num txawv teb chaws ceeb toom tias tsis pub kom ib tug twg siv Suav tej tub kawm tej xwm txheej tawm tsam thiab txhawb nqa kom muaj kev tswj hwm democracy ntawm Tianmen Square 30 tawm xyoo dhau los coj los raus tes rau Suav tej hauj lwm ntawm nws lub teb chaws.
- Australia tej kws tshawb fawb kuj qhia tias yog siv cov tshuaj immunotherapy drugs kho 6 limtiam ua ntej phais cov qog cancer tawv nqaij tawm uas txawv tej tswv yim kho tam sim no uas xub phais ua ntej mam noj tej tshuaj no kho tom qab ces kuj yuav pab kom tej neeg no muaj txoj sia ua tau lub neej nyob ntev ntxiv tuaj.
- Narendra Modi kuj tau yeej India cov kev xaiv tsa 2024 los ua nom tiam 3 lawm, tom qab nws tau ua nom los tau 10 xyoo tab sis nws kuj tsis yeej tej rooj nom feem coob lawm.
- Nplog phau ntawv xov xwm Vientiane Times tau tshaj tawm tias Germany yuav xyuas kom muaj kev sib raug zoo nrog Nplog thiab lub koom haum ASEAN kom zoo tshaj qub ntxiv rau cov kev koom tes lagluam thiab nqes peev lagluam. Thiab Nplog cov kev tswj hwm zoo thiab muaj kev dawb huv tsis lwg noj lwg haus yog tej yam zejzog pej kum haiv tej lagluam yuav muaj kev tso siab rau cov kev ua luam thiab nqes peev lagluam.
- Bangkok Post tau tshaj tawm tias nom tswv Thaib xav tsim kom tau tsab cai Global Warming Act xyoo 2025 no kom nws thiaj tsub tau cov carbon tax rau tej lagluam thiab yuav xyuas kom tsim tau ib co visa uas txhawb nqa kom tej neeg zejzog pej kum haiv muaj txuj ci thiab paub ua hauj lwm mus ua hauj lwm thiab nqes peev lagluam ntawm teb chaws Thaib.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
