Xov xwm luv tshaj tawm hnub zwj Feej (Wednesday news 20.11.2024):
Ib lub koom haum sawv cev rau tej neeg ua hauj lwm tau pom zoo tias yuav ncua cov kev tawm tsam uas tej zaum yuav ua rau muaj teeb meem rau tej tsheb ciav hlau ntawm Sydney. Ces thiaj yuav pib tawm tsam hnub zwj Kuab thiab yuav tsis tawm tsam rau tag kis tsaus ntuj li tau xub pib.
Tau muaj ib cov kws txiav txim plaub ntug tau qhia tias lawv yuav tau ncua rooj plaub uas yuav teem txim rau Donald Trump cuam tshuam nrog cov kev siv nyiaj xiab lwm tus tej zaum kuj yuav ua rau nws raug txim kaw tsev laj cuj tau rau Meskas tus president raug xaiv tsa tshiab txog rau tom qab nws ua nom tag tso.
Lub koom haum CreditorWatch hais tias zoo li muaj tej lagluam ua tsis tau lagluam ntau heev txij li thaum uas muaj kab mob kis thoob ntuj uas tej kab theem paj nce siab heev ntawd.
Lub koom haum Australian Signals Directorate hais tias tej neeg phem cyber hacker yuav tsim teeb meem rau tej tsev kawm ntiav, tej tsev laus thiab tej chaw ntiav tsev muag vaj tse ntau dua. Thiab tsaib no yeej muaj tej xwm txheej no tshaj 87,000 tus txawm li cas los yeej muaj tej neeg hu xov tooj thov kev pab cuam tshaj 36,000 cov rau Australian Cyber Security Hotline.
Kevin Rudd uas yog Australia tus ambassador ntawm teb chaws Meskas uas yav tag los tau tib tias Donald Trump ua rau muaj teeb meem rau txoj kev tswj hwm democracy hais lus ntawm lub koom haum United States Studies Centre ntawm Washington tias nws thiab nws pawg neeg npaj txhij yuav ua hauj lwm nrog tsoom fwv Donald Trump.
Tsoom fwv teb chaws Australia yuav nrog xyuas kom kho tau tej superannuation industry kom zoo tshaj qub thiab dawb huv tshaj qub ntxiv kom muaj cov super products khwv tau nyiaj zoo thiab muaj ntau txoj xub ke rau Australia tej neeg so tsis ua hauj lwm siv.
SBS News thiab Current Affairs kuj tau yeej 2 cov khoom plig Walkley rau Australia cov kev tshaj xov xwm zoo. Ben Lewis uas tswj SBS cov xov xwm txawv teb chaws tau cov khoom plig TV/Video tshaj xov xwm zoo tshaj plaws rau tej xwm txheej Hamas tus Israel tim 7 lub 10 hli ntuj, hos Colin Cosier thiab Agnes Teek ntawm Dateline ces yeej cov khoom plig All Media: International Journalism Walkley rau zaj xov xwm 'Finding Yusuf'. SBS kuj tau mus sib tw ua zaum kawg rau 3 cov kev sib tw ntxiv thiab lub 6 hli ntuj xyoo 2024 SBS kuj raug lees paub tias yog ib lub chaw nthuav xov xwm tau txais kev ntseeg siab tshaj plaws rau cov Digital News Report: Australia by the University of Canberra and Reuters Institute for the Study of Journalism.
Australia pab Socceroos cov kev sib tw tau zauv 2-2 sib nrawg nroos nrog Bahrain tau ua rau Australia qualify mus sib tw World Cup 2026 lawm.
Roger Federrer tau fi ib co lus rau Rafael Nadal tias yog ib tug neeg Spanish uas nrog nws sib tw tennis muaj ceem tshaj plaws rau lub caij tshaj 20 xyoo uas nws sib tw tennis.
Sergei Lavrov uas yog Russia tus nom txawv teb chaws hais tias nws tau txais tau Ukraine cov foob pob uas Meskas tso cai rau nws siv 5 lub thiab muaj ib lub tsim teeb meem rau nws. Tib lub caij no los Russia tus president Putin hais tias yuav muaj kev phom sij rau cov kev siv riam phom nuclear tsawg lawm. Tab sis kuj hais tias yuav tawm tsam ib lub teb chaws uas tsis muaj riam phom nuclear uas tau txais kev txhawb nqa los ntawm ib lub teb chaws muaj nuclear yog tias koom tes sib tawm tsam Russia.
Nom tswv ntawm Germany ntseeg tias tau muaj ob txoj fibre optic cable ntawm Baltic Sea raug puas tsuaj rau hnub Sunday thiab Monday. Ib txoj ces txuas ntawm Finland rau Germany thiab lwm txoj ces txuas ntawm Sweden rau Lithuania.
Nom tswv ntawm xeev Hunan sab teb Suav hais tias tau muaj cov xwm txheej neeg caij tsheb nrog neeg zaum 3 rau lub caij 9 hnub uas ua rau muaj ntau tus tub kawm thiab tej neeg raug mob tom qab muaj ib lub tsheb mus nraus tej neeg coob heev sab nraum zoov ntawm ib lub tsev kawm primary school.
Vientiane Times tshaj tawm tsia nom tswv Nplog tau siv nyiaj txog li 5.3 trillion Kip (LAK) los yog ze txog li AUD 370 million txhim teb kho chaw xyoo 2024.
The Laotian Times tshaj tawm tias xyoo 2024 no muaj neeg txawv teb chaws tshaj 5 million tus mus ncig teb chaws Nplog ntawm VangVieng, Luang Prabang thiab Odomxay ua rau Nplog tau nyiaj tshaj USD 1 billion.
Bangkok Post tshaj tias Paetongtarn Shinawatra uas yog Thaib tus thawj pwm tsav nrog Donald Trump tham seb yuav pab Thiab cov kev tswj hwm thiab yuav ua lagluam li cas ntawm Thaib thiab Meskas.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau los yog caum
